Ka Nupepa Kuokoa, Volume LXII, Number 8, 22 Pepeluali 1923 — MAKE HE KEIKI UUKU I KE KAA KALAKA. [ARTICLE]

MAKE HE KEIKI UUKU I KE KAA KALAKA.

Ma ka hora elima o ke ahiahi o ka Poakolu o ka pule aku nei i hala i halawai ae ai he keiki opio o elua makahiki, nona ka inoa o Willie A. Cohn, me ka make, mamuli o kona hooku'iia ana aku e ke kaa kalaka e hookoleia ana e M. Morishita, ma ke alanui Nuuanu, e koana i ke alanui Kula. I ai me ka hoakaka a kekahi mau hoike, i ike i kela ulia, ua holo maoli aku no kela keiki uuku mamua ae o kahi a ke kaa kalaka e holo nku ana, a ua hiki ole i ka mea nana e hookele ana i ke kaa kalaka, ke alo ae mai ka hooku'iia ana aku e ke kaa kalaka, e holo malie ana. Ma ka hoakaka hoi a Mr. Morishita, ke kiakaa o ke kaa kalaka, e holo ana oia me kona kaa ma ke alanui Nuuanu, me kona ike ana mai i ke ku o kekahi mau keiki liilii elua, ma ke alaaui Nuuanu. ī ka hookokoke ana mai nae o kona kaa i ke alanui Kula, a ma paha he iwakalua kapuai ka mamao mai kela mau keiki mai, ua holo ae la laua mai kekahi aoao ae 0 ke alanui a i kekahi aoao, ua hoao oia e hoopaa i ka holo o kona kaa, uā hiki ole nae, no ka mea ua loaa e aku la kekahi o kela mau keiki, 1 ka huila mua o kona kaa, a hinā ilalo, me ka pii ana aku o na huila maluna ona. _ . Mahope iho o ka haalele ana mai i ke awa o Honolulu nei ma ka Ja 13 iho nei o keia mahina, me ka manaoia, ua poino, i huli hoi hou mai ai he waapa lawaia me na Kepani eha maluna ona, me ka poino ole, ma ke kakahiaka o ka Poalua nei.