Ka Nupepa Kuokoa, Volume LXII, Number 7, 15 Pepeluali 1923 — KE KALAIWAA ANA AME KONA MAU ANO. [ARTICLE]

KE KALAIWAA ANA AME KONA MAU ANO.

(Kakauia e Z. P. K. Kawaikaumaiikamakaokaopua.) (Hoomauia mai.) Ua hiki aku nei kakou i ka lolo ana o ka waa; a o ka hoolanaia aku koe iloko o ke kai; i ke ka'ika'i ana i ka waa ahiki i ke awa, alaila kuu ilalo. a olelo aku ke kahuna i ka poe e kau ana i ka waa, e holo iki aku a mawaho, alaila, lana mai. Aole holo loa aku n mamao, O lohe ole auanei i ke kahea aku a ke kahuna. E a'oa'o mua aku ana ke kahuna ia oukou pehea ka waa? Ua maikai ka waa? Ae mai oukou. Ao, ua maikai ka waa. Hoolohe pono loa oukou, i kuu kahea aku, a mai holo loa aku no oukou a mamao." Pau keia a'oa'o ana a ke kahuna, alaila, hapaia ka waa, a kau aku la kanaka iluna o ka waa, a mawalio iki aku no, hoohuli mai ia i ka ihu o ka waa iuka, i kahi a ke kahuna e ku aku ana, alaila, kahea ke kahuna. "Pehea ka waa! Ua maikai ka waa ?'' "Ae, ua maikai ka waa," o ka pau ana keia o ka hana ana o ka waa. Nolaila, ua hiki mai la kakou i ka hopena o ke kalaiwaa ana, ame kona mau ano. E lawe nui i ka Nupepa Kuokoa, i ike i na hana a ka poe kahiko, a e hoopukaia aku ana he moolelo hou; o ia hoi na upena like ole o ka wa kahiko, ame ko lakou mau inoa pakahi. Aole i ike keia au hou i ke ano o keia mau inoa pakahi. Aole i ike keia au hou i ke ano o keia mau upena, ame ka lakou mau hana pakahi. He pomaikai keia no oukou; he lohe wale no ko oukou i ka inoa o ka upena o ka hana ana o ia mau upena, a pehea e hana ai! E lawe nui i ka Nupepa Kuokoa!