Ka Nupepa Kuokoa, Volume LXII, Number 5, 1 February 1923 — Hooku'i he Kaa Otomobile me ke Kaa Uwila Loaa na Poino i na Kaa a Elua ma Kela Hooku'i Ana i Kahi Hookahi EHA KE KIAKAA O KE KAA OTOMOBILE Kupouli Kona Noonoo i ka Wa i Hookauia Ai ma Kekahi Kaa Okoa Aku [ARTICLE]

Hooku'i he Kaa Otomobile me ke Kaa Uwila

Loaa na Poino i na Kaa a Elua ma Kela Hooku'i Ana i Kahi Hookahi

EHA KE KIAKAA O KE KAA OTOMOBILE

Kupouli Kona Noonoo i ka Wa i Hookauia Ai ma Kekahi Kaa Okoa Aku

Ma ke-kihi o na alanui Beritania ame Alexander, ma ka auwina la o ke Sabati aku nei i hala, i hooku'i ae ai he kaa otomobile, me ke kaa uwila, a o ka hopena i ikeia, 0 ia no ka nui o na poino i loaa 1 ke kaa oto, me ka manuhe'u ana hoi o ke kaa uwila, a ua halawai hoi na mea elua maluna o ke kaa otomobile, me ka pōino mamuli o na eha i loaa ia )aua. I kulike ai me ka moolelo no kela ulia, i ka wa o ke kaa uwila e holo mai ana, ma ke alanui Alexander, no ka hoohuli ana ae i ke alanui Beritania, ua ike mai Ia ke kiaka uwila, i ka otomobile, e hookeleia ana e Paul E. Stewart e holo ae ana mamua pono'o kahi a ko kaa uwila e holo aku ana. Ua hooi aku la ke kiakaa uwila, i ka holo o kona kaa, me ka manao e puka e kona kaa, mamua o ka hoea ana mai o ka otomobile, a oiai nae, ua loaa pu no paha ia manao hookahi ia Mr. Stewart, 6 puka mua kona kaa, mamua o ka oili ana aku o ke kaa uwila, ua kuupau mai la oia i ka holo o kona kaa, o ka mea nae i ikeia, o ia no ka hooku'i ana ae o ka otomobile, ia mua o ke kaa uwila, a nui na poino, i kau aku maluna 0 na kaa a elua. Ma kela hooku'i ana o na kaa 1 kahi hookahi, ua loaa'ia Mr. Stewart ka eha ma kona poo, a iloko 0 ke kulana kupouli o kona noonoo, 1 hapaiia ae ai oia, a hookauia aku maluna o kekahi kaa otomobile okoa, o ka hoea ana no ia wahi ia manawa. O kona hoahanau pu kekahi maluna o ke kaa otomo"bilo me ia, nona ka inoa o H. 0. Stewart, ua moku kona lehelehe, a oia o laua ka i kukonukonu ole o kona poino. Ua manaoia, ma kela hookauia ana aku o ka mea i nui ka poino maluna o ke kaa otomobile okoa, ua hoihoiia oia noloko o ka halema'i o na poino ulia, no ka lapaauia mai, r,ole nae oia i laweia aku ifaila, aole no hoi ma kekahi halama'i e ae, a i ka wa i hoea aku ai o ka makai no kona home, ma Kaimuki, e noho mai ana oia; nolaila ua hoihoiia no oia no kona home, aole hoi no k ahalema'i o na poino nlis,.