Ka Nupepa Kuokoa, Volume LXII, Number 5, 1 February 1923 — HE KEU AKU A KA MEA KUPAIANAHA [ARTICLE]

HE KEU AKU A KA MEA KUPAIANAHA

Ma ka hoopii a ke aupuni e ku-e ana ia Mr. Stanle>- G. Kennedv, ka mea nona ke kaa otomobile i liooku'i ai i ke]<ahi wahine opio kumukula. a make ai maloko o ka halema'i, he manawa pokole wale no, mahope iho o kela hooku'iia ana, ua waiho ae na loio o ka mea hoopiiia imua o ka aha, he noi, e hookuu loa ia ka mea i hoopiiia. O kekahi o kela mau kumu, no ke kupono e hookuuia ka mea hoopiiia, me ka hewa ole, ō ia no ka hoakaka ole ia ma ke kanawai o ka hoopa'i, no ka hewa laweola ma ke degfere ekolu. O keia no kekahi o na kumu i waihoia aku e ka loio pale, ma kekahi hihia okoa aku i kulike loa ke ano me ka hihia o Mr. Kennedy, a ua hookuuia ka mea i hoopiiia; o ka mea kupaianaha nae, ina e ae mai ana ka aha i kela kumu ma ka aoao 0 Mr. Kennedy, a hookuuia oia me ka lanakila, alaila e ala imai ana na hihia lehulehu o na makahiki ae nei i hala, a koi mai i ka aha, no ka pololei ole o na hoopa'i i kauia aku maluna o kekahi poe. He nui a lehulehu wale o ka poe i ahewaia, ma na degere ekolu o ka hewa laweola, ua noho ka poe i ahewaia noloko o ka' halepaahao he mau makahiki, ahiki i ka hookuuia ana mai, a. eia no hoi kekahi poe ke paa mai nei maloko o ka halepaahao 1 keia manawa, i ka nana aku, mamuli o ka aeia ana o ke kumupale, no ka hoakaka ole ia ana o ka hoopa'i o ke degere o ke karaima laweoia ma ke degere ekolu; e lilo ana na olelo hooholo, ame na hoopa'i i kauia aku maluna o ka poe i ahewaia malalo o kela degere, i mea mana ole, a e hoalaia mai ana he mau ninau kanawai ma keia mua iho, no kela mau hihia.