Ka Nupepa Kuokoa, Volume LXII, Number 5, 1 February 1923 — HE HOALOHALOHA NO MRS. MAKA KEKONA. [ARTICLE]

HE HOALOHALOHA NO MRS. MAKA KEKONA.

O makou o na hoahanau, na hau'mana K. S. ame C. E., o ka Ekalesia o Hauula, Koolauloa Mokupuni o Oahu, ma o ko -makou mau komite la, oiai ua oluolu i ka Makua Mana Loa, ka lawe am akn i ka uhane o ko makou hoaloha a hoapaahana Mrs. Maka Kekona, ma | ka po Sabati Dec. 31, A. D. 1922, hora 11 p. m., ma ka home o kona mau pokii, Mr. ame Mrs. L Kanakanui, ma Kahuku, a waiho iho | la i ke kino lepo na ke kane ame ! na keiki ame ka ohana e paiauma aku ma keia aoao o ka muliwai eleelo o ka make, a ko ae la ka mea i palapalaia ma lopa, o ke kanaka i hanauia e ka wahine he hapa ko* na mau la, a ua piha i na popilikiā. Puka mai no ia me he pua la a ua okiia aku, a holo aku no ia me he aka la aole ia e mau. > No ka mea, hele ke kanaka i kona hale mau, a hele ka poe kanikau ma na alanui; alaila e hoi ka lepo i ka honua elike me ia mamua, a o ka uhane e hoi ia i ke Akua Nana ia i haawi mai, e hoomaikai ia Kona inoa. Ua hanauia o Mrs. Maka Kekona na Mrs. Pakali (w) ame Mr. Solomona Kalalnhi ma Onomea, Hilo Hawaii ka o Aperila 16, A. D. 1888; nolaila ua piha iaia na makahiki he 34, ame 9 mahina o keia ola ana a hala wale aiu la no ma kahi mau o na mea apau. Ua hoohuiia ma ka berita o ka mare me Mr. Kekona na ke Kahu Wm. N. Lono, a ua hanau mai ka laua eiwa keiki, 4 keikikane 5 kaikamahine, a ua hala e aku *io mamua 3 keikikane, 2 kaikamahine a, koe 1 keikikane, 2 kaikamahine e ola nei. He hoahanau laua no lta Ekalesia 0 Hauula, a he haumana Kula Sabati, a he lala a komite C. E makua, a lie lima kokua hoi no ka ekalesia. He makuahine oluolu, a he puuwai hamama hoi no ka hookipa ana no ka poe e kipa aku ana' ma ko laua home, a waiho iho la ia mau hana maikai i kiahoomanao aloha ole.na kona mau hoaloha ame ka ohana, e hoomanao ai. Nolaila maluna ae o nd*mea apau, ke haawi nei makou i ka makou mau leo pule, e nonoi ana i ka Makua Mana.. Loa, e kau mai.Kona lima aloha maluna o ke kane i hoonele» ia i ka wahine, ame na keiki, ame ka ohana no apau, a Nana no e holoi ae i na waimaka mai ko ka-1 kou mau maka ae. Nolaila e hooholoia, e hoounaia 1 hookahi kope o keia hoalohaloha i ka Nupepa Kuokoa, a hookahi i ka Hoaloha. O makou iho no na Komite. Komito Ekalesia:— REV. JAMES AKIMO, Komite Kula Sabati:— WM. 1., KANAKANUI, Komite C. E. Makua me Opio:— SAMUEL Kj. KAHELE, Hauula, lanuari, 16, 1923.