Ka Nupepa Kuokoa, Volume LXII, Number 5, 1 Pepeluali 1923 — KII AE I NA POO KAUA I KA LUNAHOOIA O KE KALA NA O KAUAI. [ARTICLE]

KII AE I NA POO KAUA I KA LUNAHOOIA O KE KALA NA O KAUAI.

He hoike ka i loaa mai nei i keia keeua, mai ka Lunahooia Henry Blake mai o ke Kalana o Kauai, e hoakaka ana, aia maloko o kona keena he mau poo kaua i waihoia aku e kekahi mau makaainana o Kauai, ma ke ano malaila e malamaia ai, a oiai hoi ua hoea mai i ka nianawa a ke aupuni o Amerika e uku aku ai i kela mau poo ma ke ilala māoli, nolaila ua makemake oia i ka poe na lakou nn poo kaua i waihoia aku ma kona keena, e kii ae ia mau poo. Ua hoakaka mau aku ke Kuokoa nei i ka poe he mau poo kaua ka lakou, e lawe ae i na haleleka, no ka ukuia mai ma ke dala maoli, e hoomaka ana ia uku ana mai ka la elua mai nei o ka mahina o lanuari i hala, a e mau aku ana no ka ukuia o kela mau poo kaua ma keia jnua aku, i kela ame keia manawa e waihoia ae ai i ka haleleka. 0 ka poe he mau poo kaua ka lakou e waiho nei maloko o ke keena o ka Lunahooia Henry Balke, 0 ke Kalana o Kauai, e ikeia no ko lakou mau inoa malalo iho nei penei: W. B. Keawe, J. P. Kaeualii, S. Naliielua, M. Manoi, Wm. Hepa, Peter Freitas, Johnnie Contrades, Pomaikai, Opu, Geo. Ninihua, Joe Jesus, JaB. Oleole, Jr., Sol. Opio, Mikona, Francisco Lorenzo, Kalel Malib, Likua Kaimi, Sol. Kepa. 1 ka manawa e komo ana ke aupuni o Amerika Huipuia iloko o ke kaua nui o ke ao nei, ua hoea mai ke noi i Hawaii nei, e kokua aku i ke anpuni, ma ke kuai ana 1 na bona aie lahui, ame na poo kaua; he mau kaukani o na makaainana o Hawaii nei, i hooko aku ia leo noi a ke aupuni makua, a no na makahiki elima ae nei i hala, ua lilo na kokua a Hawaii nei i haawi aku ai, i aie no ke aupuni o Amerika, aka nae ua hoea mai i ka manawa a ke aupuni, e uku mai ai i ua aie nei, pela iho la. i makemakeia ai ka poe apau i kuai i na poo kaua, e kii i ka lakou mau ilala, ma na haleleka, elike me ka waiwaiio o ka lakou mau poo kana e malama ana. O ka poe no lakou na inoa maluna ae la, he mea pono ia lakou ke kii ae i ka lakou mau poo kaua, a waiho aku maloko o ka haleleka, no ka ukuia mai ma ke dala maoli. Malia paha ua palaka, a i ole, ua poina loa paha lakou, no kela mau poo kaua, ina pela, e loaa aku ana ia lakou ka ike, ma ka heluhelu ana i keia mau hoakaka; mai hoohakalia i ke kii ana ae i kela mau poo kaua, oiai mai ka la ekahi mai nei o ka mahina o lanuari aku la i hala aole e loaa ana ka ukupanee i na dala a ke aupuni o Amerika i aie ai, elike me ka waiwaiio o na poo kaua, e malamaia mai noi e kekahi poe.