Ka Nupepa Kuokoa, Volume LXII, Number 5, 1 Pepeluali 1923 — KUU PAPA ALOHA, UA HALA ME KA LUULUU WALE. [ARTICLE]

KUU PAPA ALOHA, UA HALA ME KA LUULUU WALE.

Mr. Solomon Hanohano, ka Lunanahooponopono 0 ka hiwahiwa j a ka lahui Hawaii; Aloha kaua: — E oluolu mai hoi kou ahonui i ke- f kahi wahi rumi kaawale o ka Xupepa Kuokoa, no keia wahi poomanao e kau ae la maluna. 0 Rev. Joseph Kalohelani ko'u luaui makuakane, a o Mrs. J. P. Kaaikaula Kalohelani ko'u luaui makuahine; He umi-kumamakolu ko makou nui na keiki, aka nae owau no ko makou hanaumua. la'u e noho nanea ana ma Waialua. Oahu, hiki mai la ka lono kaumaha ma ke kelepona mai ko makou muli pokii, e i mai ana ia, ua haalele mai o papa Joseph Paele Kalohelani i keia ola honua ana. Auwe no ka hoi ke kaumaha e! 1 ka hora 2:30 p. m. o ka la 8 0 lanuari 1923 i loaa mai ai kela lono kaumaha ia'u, nolaila ua ui aku au i ko'u makuahine ma ke kino, ua haalele mai o papa i keia ola honua ana pehea la ka pono, a o kana pane hoi e hele au e ike. Nolaila ua hele aku au a hui pu me ka luna makai o ka apana o Waialua, Oahu, oia hoi o H. H. Plemer no ke noi ana aku i kona oluolu e hookuu mai ia'u no ko'u hele ana e ike i ke kino wailua o ko makou papa, a no ka mea, he kanaka au no ke aupuni, a he makai ka'u hana no ka Apana o Wai alua, Oahu. e Ua ae mai kela me ka maikai, a ua hoi aku au a ko'u home liuliu kahi opeope, kau i ke kaa otomobile no Honolulu, Oahu ka palena. 1 ko'u hoea ana aku no ke awa kumoku o ka Moku Kilauea halawai iho Ia au me ko makou muli pokii loa, oiai oia e hele ana no ka huakai hookahi no, ua helelei iho 4 ko maua mau waimaka a mahope olaila ua kamailio aku au iaia i na kumu o ka hikiwawe o ka make ana o ko makou makuakane, 0 kana pane aole i maopopo iaia, aka nae ua pane ia mai iaia, ma ke kelekalapa ua haalole mai o Joseph Paele Kalohelani ia makou kana poe keiki. Auwe ka mokumokuahua o kuu naau e! Kau maua i ka moku Kilauea no Hana, Maui, ka pahu hopu. E ka ua Apuakea o Hana e, aole oe e hoopulu hou ana i na papalina o kuu papa aloha, ua hele ua nalo aku oia i ke ala hele o na mea apau. E Wananalua e, aole oe e lohe hou ana i ka leo o kuu papa ma kou awai. Kau i ke kaa otomobile no Kipahulu, Maui, ka pahuh»pu. I ka hiki ana aku malaila e kakali mai ana ko'u kaikaina no ko maua hiki aku, ike aku la au i kuu pokii a helelei ka waimakn, me lie mea la 0 kuu papa aloha pu kekahi. E ka makani Kailialoha o Kipahulu e, kahi hoi a kuu papa i ha'i ai i ka olelo a ko kakou Makua Lani; aole oe e ike hou ana i kuu 1 papa ma kou kihapai, ua nalo aku oia mai ia kakou aku no ka mauawa mau loa. Kau makou ma na lio, a no ka mea, he mau alahele pali wale aku no ia. I ka hiki ana i ka pali mua mai Kipahulu aku, o ia ka pali o Lelekea, ua olelo mai kuu kaikaina ia'u, i neinei o papa kahi i noho hana alanui ai a i nei i hoomaka mai ai kela pilikia iaia. He kunu ka ma'i o ka hoomaka ana mai, a hoi oia a Kaupo, Maui, me ko makou mama a hoomaka mai e hooikaika loa ka pilikia maluna ona. E ka ulu ohia o Alelele e; a e ka makani kaili papale o Kalepa e, aolie olua e ike hou ana i ke kaalo ae o Joseph Paele Kalohelani mamua o olua, no ka mea ua hele aku oia i ke ala hoi hou ole mai. J ko makou hiki ana aku i ka hale Kahu o ka Ekalesia o Mokulau t . Kaupo, e kakali mai ana ko makou mama aloha i hoonele ia i ka papa, ame ia mau pokii o'u uo ko makou hiki aku ia manawa makou i kumakena iho ai no ko makou papa heleloa i haalele iho ai 1 ko makou mama, ka moopuna a pela hoi ia makou na keiki. I ka pau ana o kela mea, ua hele aku la au e ike i ka lepo ulaula 0 kona he. Auwe no ka hoi ke kaumaha o kuu naau e, i kuu papa leo ole mai ia makou kana mau keiki. Me keia mau rr.anao aloha no kuu papa ke haawi aku nei au i ko'u hoomaikai he nui, i ka poe apau i akoakoa ae i ka la kumakena o kuu papa, i ka poe elilua, ka m&a nana i hana kona hale hoomaha, ame ka mea nana mai ka mea e oluolu ai nei kino o ia la, a mawaho ae o keia, ke nonoi nei au 1 ka poe apau e lawe a.ku i keia mau hoomaikai ana, na ko kakou Lani e kiai mawaena o ko kakou noho kaawale ana. Me oe ko'u welina e Solornnn Hanohano ame na keiki oniu hua o kou keena pa'i. Owau iho no, kana hanaumua, SAMSON KALOHELANI PAELE, Waialua, Oahu. Ma na huahelu i hoonohonohoia e ka Puuku Henry C. Hapai, e hoopiiia ae ana ke ana ?.ufcau maluna o. na waiwai apuni keia Teritore, i keia makahiki.