Ka Nupepa Kuokoa, Volume LXII, Number 4, 25 January 1923 — Eia Hou Aku ua Mau Malihini Makaikai Honua a Hoea Mai Makaukau ka Hui Mokuahi Holo Pili Aina, e Hookipa Mai ia Lakou a Lawe Hoo-Makaikai Aku ma na Wahi Like Ole [ARTICLE]

Eia Hou Aku ua Mau Malihini Makaikai Honua a Hoea Mai

Makaukau ka Hui Mokuahi Holo Pili Aina, e Hookipa Mai ia Lakou a Lawe HooMakaikai Aku ma na Wahi Like Ole

Ma keia Poaono iho, e haalele mai ai kekahi poe o ka hui mokuahi liolo pili aina, no Hilo, no ke kakali ana a ku mai ka mokuahi Resolute, me na ohua inakaikai honua, he 450 ka nui. Elike no me keia niau haneri ohua makaikai, o ke kipa ana ae ma Hilo, a ma Honolulu nei no hoi, a hoomau aku ma ka lakou alahele kaapuni honua, pela no keia puulu makaikai a hoea mai; a oiai ma Hawaii nei, ua kaa i ka hui mokuahi holo pili aina, ka hoomaopopo ana i na mea apau e pono ai lakou. He hookahi uo uku ana o kela poe ohua, i ko lakou mau hoolilo o ka holo makaikai ana o ia mau hoolilo apau, ua komo iloko olaila, ka hele makaikai ana, ma na wahi pa na o Hilo, Hawaii, a pela hoi me Honolulu nei. E hoea ae ana ka mokuahi Reso lute me kana mau ohua no Hilo, ma ka Poakolu o keia pule ae, lanuari 31, a mahope Iho o ka mak.aikai ana me na hana hookipa a ko Hilo poe e haalele aku ai ka inokuahi i kel.i kulanakauhale, ma ke aumoe o ki po Poakolu no, a.ku mai no Hono» lulu nei, jna ka hora ekahi o ka au» wina la o ka Poaha ae, Feberuari 1 Ua makaukau ka papa hoonoho noho, 110 ka hookipa ana mai i na malihini ma Honolulu nei, i haka lia wale no i ke ku mai o ka moku 0 ka hookoia no ia o na mea apau 1 hoolalaia e ka hui moktra!li holo pili aina.~ Ma ka hora elua o ka auwina la mahope iho o ka pili ana mai o k«' mokuahi i ka uwapo, e kau ana n» malihi r ni maluna ona kaa otomo bile, a Inwe hoomakaikaiia aku, no - • ■ •** . r

na wahi ano nui o keia kulanakauhale. I wahi' nae e aluka ole ai ka holo ana o na kaa, e maheleheleia ana na huaka 'i makaikai iloko o eha mahele. O ka mahele ekahi, e holo pololei ana nouka o ka pali o Nuuanu, a mailaila mai no na wahi" e ae, a o ka hope loa no ka Hokele Moana ma Waikiki. O ka mahele elua hoi o ka huaka'i, nolalo o Moanalua ame Kapukaki, ka mua, a mailaila mai e pii ai no Nuuanu ame kekahi mau wahi a ae. .• No ka mahele ekolu hoi e hele makaikai mua ana lakou no Dajmana Hila, mailaila ae holo no na wahi i hele mua ia e na mahele e ae. No ka mahele eha hoi, ma ke alanui o Waialae e laweia ai na malihini e hoomakaikai, a huli hoi mai Hila, alaila nouka o Manoa ame ke koena aku o na wahi a na mahele e ae i ike ai ,a o ka pahuhopu o na mahele apau 40 ka Hokele Moana. Ma ka hora ehiku 0 ke ahiahi, he paina ke haawiia ana maloko 0 ka hokele, a mahope aku olaila na hana hulahula; a ma ka liora eiwa aku ahiki i ka hora umi-kuniamalua 0 ka po, he manawa ia no ka hoihoi ana i na malihini noluna 0 ka mokuahi, no ka hooluolu ana i kela po. Ma ke ao ana ae ma kekahi la mai, ua hookuuia kela la, no kela ame keia e hele ai, ma kana wahi i makemake ai, e laa ka makaikai ana i ka hale hoikeike 0 na meakahiko, ka hele ana paha i ka holo kaa uwila, a i ole, ka hele holoholo ana iho maloko nei 0 ke kulanakauhale. Ma ka hora ekahi 0 ka auwina la, e haalele mai ai ka mokuahi i ka uwapo, a hoomau aku n\a makaikai honua.