Ka Nupepa Kuokoa, Volume LXII, Number 4, 25 January 1923 — HE OLA KUPAIANAHA. [ARTICLE]

HE OLA KUPAIANAHA.

Ma ke ahiahi o ka la 8 o Dekemaba, 1922; ia'u e kiei a e halo aku ana iloko o ka'u mau halemoa, e helu ana hoi i ko lakou heluna mau; aia hoi, iloko o ia helu ana, loaa iho la he pokole, hookahi moa, elua a ekolu, manawa o ka helu ana, o ia huahelu hookahi no. Nolaila, hoomaka au e hooponopono i ke ano o ka'u helu ana; Moawahine ohi ame kumulau; pela me na moakane ouo, ame na moakane ua loloa-kakala. Ia hooponopono ana pela; maopopo iho la ia'u ka moa i nalowale. He moakane ouo opiopio, akahi no a opuu ae; nona na paona kaumaha he elima a oi iki. He moa keia na'u ame ka'u aliiwahine i haawi ai na kekahi hoaloha, a ua ike no keia hoaloha i ka mea i haawiia aku nana no ke Karisimaka, a e kii mai ana i ua moa la i kekahi la ae no; Dekemaba 9, 1922. Elike me ka Haku i ka nalowale ana hookahi o kana hipa, ua imi hoomanawanui aku oia ahiki i ka loaa ana. Pela no au i hana aku ai; ua imi au me ka hoomanawanui aole wahi meheu o ka loaa aku; ua poho wale ka manaolana. I ka ho-ea ana mai o ka hoaloha mahope iho o na hauolioli ana i ka luau nui a na Demokarata i ka uwapo 10, ua ha'i aku la au no lea naiowale ana o ka moa i haaiviia aku nana; a ina he mea pono e lawe aku oia, he kaka-piwai opiopio ma kahi 0 ka moa i nalowale, he kaka no keia i like ke kaumaha me ko ka moa, a ua oluolu oia i lea mea loaa aku. Nolaila, hala ae ana ho la me ka hoopoina ana i ka moa i nalowale; a ma k-e ahiahi Poaono, Dekemaba 23, 1922, ia'u e ho'a ana i ka'u mau kaka no ka hoopaa ana iloko o ka hale-moa; ua pokole hou iho la no hookahi kaka. Imi hou no au, ma ke kuekaa ana ma na wahi apau; aia hoi, ma ia hana i hu'e aku ai au i kekahi puuwahie nui ua hoohakahakaia olalo, a ia welie ana no a'u i kekahi pauku laau nui a hemo; he mea e ke kahaha o ka naau i ka ike ana i ka oili ana mai o ka moakane i nalowale e kunewanewa ana. Ua pohina na maka; aole hiki ke ku pono iluna, ua nawaliwali maoli. Hopu iho la au a hii ae la me ka hoomaikai ame ka hauoli o ka naau. Lawe aku la au e hanai, aole liiki ke ike iho i ka ai, lawe hou aku hi au ma kahi o ka pakini wai, a ia hoomoe ana no a'u a hookomo lea nuku iloko o ka wai, ua inu aku ia i ka wai no liookahi hora a oi, a i kekahi la ae i ai liilii ai, a i keia la ua lanakila loa ia mai ka poino mai. E hoomaopopoia ua like ia me 15 la o ka nalowale ana o keia moa, me ka loaa ole he ai ame ka wai. Ua hoopuka ae au he wahi mamalaolelo pokole imua o ua wahi moa nei; ina no kona lohe nei, e hauoli ana oia. Penei no ia: "Ua nalowale oe a ua loaa hou; Mai ka make mai a ola hou. Nolaila; E ola aku oe mo ka olioli; a e hoolaupa'i aku oe iwaena o kou ohana kinana." Aole he kanawai' make maluna ou ma ka lionua nei iloko o ka lima o 'na keiki a kanaka; koe aku na ulia kimopo wale mai. E oluolu e na makamaka heluhelu he walii ninau ka'u e waiho aku ana imua o oukou no ke ola kupaianaha i loaa i keia holoholona (Moa) E hoomaopopo mai kakou aole loa e ola kekahi mea kino hanu; ke hoo paaia ma kahi paa me ka loaa ole o ka ai ame ka wai, iloko o keia mau la ae la e make ana ia. Nolaila o ka ninau; Ma ka mana hea i loaa ai keia ola hou i keia holoholona (Moa)? Ua heluhelu kakou i ka moolelo o kela kanaka haipule i lilo i ka moana no na la he nui. Ua pule nui oia me ka oiaio, loaa iaia ka lanakila 1 keia la me ke ola mai ke Akun mai. Pehea keia holoholona (Moa) ? O ka mea e pane mai ana i keia me ka haina pololei elike mo ka'u haina e loaa iaia ka makana lawewale i ka Nupepa Kuokoa no hookahi makahiki. Kou Oiaio, GEOEGE MALUNA, 907 Waiakamilo Eoad, Honolulu.