Ka Nupepa Kuokoa, Volume LXII, Number 4, 25 January 1923 — Page 4

NUPEPA KUOKOA HONOLULU. T . H, POAHA, IANUARI 25. 1923.

EHA

nona ka averika o 6 la iloko o na kihapai he 8. Koloa, Hanapepe, Waimea, Lihue, Kapaa, Anahola, Hanalei, me Haena.

Ua hiki mai ke komite i keia kakahiaka nui Sabati Jan. 21, 1923. Iaia ka haiolelo o ka ekalesia o Kaumakapili nei i ke Sabati ame ka halawai hoeueu o ka Ahahui C. E., i ke ahiahi.

Ua manao wale ia, e ke kikowaena o na hana hoonee; ma Honolulu nei; o na pule hope o ka mahina ae nei o Maraki e hiki aku ana ke komite no ka Mokupuni o Hawaii, alaila hoi hou i ka Mokupuni o Maui i Huiia, a o ke koena o na hana ma Honolulu nei; mamuli o keia ino, e hoopaneeia aku ana ia no ka manawa malie o keia mahina aku.

AHAHUI C. E. TERITORE O HAWAII,

O KUEMAU KOPIKO UA HALA.

He hoalohaloha keia no Kuemanu Kopiko, i ike mai ai kona ohana ma Honuaula, Maui, aia no hoi ma Honolulu, e noho mai nei.

Aloha wale na kuahiwi o Palikea, ua pau ko oukou ike ana iaia. Aloha na kahawai e waiho mai nei, ua pau kona lohe hou ana i ka owe o ka wai, o ia mau kahawai. Aloha wale kahi a makou e pili ai, ua pili hele ia, mai ka uka a ke kai.

Haalele mai oia i keia ola ana i ka la 27 o Dec. 1922.

Ua hanauia o Kuemanu ma Honuaula, mai ka puhaka mai o Mrs. Keoholaelae amo Mrs. Kopiko.

Ke haawi aku nei au i ka'u hoomaikai i ka poe i komo pu mai me makou iloko o ke kaumaha ame oukou ka'u hoomaikai nui, na keiki pa'i Nupepa.

Owau iho no me ka luuluu,

MRS. MARYANN OHIA,
Kipahulu, Maui, Ianpari 9, 1923.


	HE HOALOHALOHA NO MRS. KAINEA AH SIN. Mr. Lunahooponopono o ka Nupe- pa Kuokoa; Aloha kakou a nui loa: — E oluolu mai kou ahonui i ka ma- kou puolo walohia e hoouna aku nei, ma kekahi wahi keena kaawale o kau nupepa, i ike mai ua ohana, na hoaloha ame na makamaka o ka mea i haalele mai i keia ola ana. Ma ka hora 7:30 p. m., o ke Sa- bati, Dec. 24, A. D. 1922, ua hiki mai la ka anela me ka maluhia, a I lawe aku la i ka uhane o ke ola, mai ke kino aloha aku o Mrs. Kainea Ah Sin, ma ka home o kana mau keiki aloha, Mr. ame Mrs. Kong Gee, ma Paia, Maui, a waiho iho la i ke kino lepo uhane ole, na ka ohana me ka manao walohia kau- maha i ke aloha no ka lakou mea aloha i haalele mai i keia ola ana. Ma ka home o Mr. ame Mrs. Kong Gee, no ka kino kupapau kahi i wai- ho ai, ahiki i ka hora 2:00 p. m., o ka Poakahi ae la 25; na Rev. Moses M. Kahiapo i malama i ke anaina haipule ma ka home, ame kona wahi i hoomoeia ai kona kino lepo ma ka pa ilina kupapau o ka ekalesia o Paia. Ua hanauia mai o Mrs. Kainea Ah Sin, mai ka puhaka mai o kona mama aloha i ka malama o Aug. 24, A. D. 1868, ua piha iaia he 54 makahiki a oi aku, kona hanu ana i na ea oluolu o keia ao, a hoi aku la ka lepo i kona wahi mau, a o ka uhane i ka Mea Nana i haawi mai, oiai; he mahu ke ola o ke kanaka i pu-a ae a nalo aku. Ma keia oukou e ike iho ai na ohana ponoi, na hoaloha, na maka- maka ame na aikane aloha, ua haa- lele mai o Mrs. Kainea Ah Sin ia kakou apau loa, a ma keia ua pau ko kakou ike hou ana iaia no ka manawa pau ole. He mau makahiki nui lehulehu wale kona noho ana ma keia kulana kauhale nei o Kahului, Maui, a he hoapaahana hoi no ko kakou Haku Iesu Kristo. O ka hoomana Kalawina o Ha- waii i hookumuia o ia kona Ekalesia i pilipaa loa ai kona aloha, ahiki i kona haalele ana mai la i keia ola ana, he wahine puuwai aloha oiaio oia, iloko o ka ke Akua hana, a ua kohoia hoi oia i puuku no na Ahahui C. E., makua ame C. E., o na Opio, o keia apana ekalesia o Kahului nei, a ua ikeia ka waiwaii'o o ka holomua iloko o kana malama ana i kana oihana. Ma keia ke haawi aku nei makou i na hoomaikai a nui loa i ke Kahu Moses M. Kahiapo, na hoaloha, na makamaka ame na ohana apau i alu pu mai ma ke kiai ana a ao ka po, me ka hele pu ana i ka hoolewa no ko makou hoapaahana iloko o ka ke Akua hana o ka Ahahui K. 8. ame C. E., o Kahului, i pauaho mai i keia ola ana. No oukou no na ohana apau loa, ka makou e haawi aku nei i ka makou hoomaikai palena ole, mailo-	ko mai o ke aloha oiaio mai ko ma- kou mau puuwai mai, a na ke Akua no e kiai a alakai mai ia kakou ma keia ao a ma kela ao pau ole. Amene. O makou pu iho no iloko o ko oukou mau ehaeha, kaumaha, a ke aloha. Komite Ahahui K. S.— MRS. LEVI FAUFATA, NAEHU KAAIHUE, Komite Ahahui C. E. Makua:— DAVID K. MAHELONA, MRS. NAHU KAAIHUE, Komite Ahahui C. E. Jr.:— WILLIAM K. HOOPII, MRS. LUCY KAHOOPII, Kahului, Maui, Ianuari 6, 1923. O MAUA PU ILOKO O IA U PU ANA. Mr. Solomon Hanohano; Lunahoo- ponopono o ka Nupepa Kuokoa; We- lina pau ole:— He ui he ninau, ina he wahi rumi oneki kaawale kekahi o ka hiwahiwa a ka lahui, e oluolu mai oe, malaila aku keia wahi puolo a ka waimaka e hoomahaia ai. Me ka naau luuluu, me na waima- ka no ke aloha kumakena; me ka houpo i piha i na manao kaumaha, i wawalo mai ai ka lono kaumaha i o maua nei, oiai maua e noho ana ma Pauwela, iloko o ka nanea, aia hoi, ua hoikeia mai la, o Rev. Joseph Paele Kalohelani, ua haalele mai i keia ola ana. Lihaliha wale! O Rev. J . P. Kalohelani i hala aku la, he keiki kupa oia no ka Ua Peepapohaku o Kaupo. A iaia i hala aku la ua waiho iho oia mahope nei he wahine kane-make, oia o Mrs. Kaaikaula Kalohelani. Mailoko mai o laua, he ekolu keikikane e ola nei, a he elua kai- kamahine; a oiai, 6 maua o na mea no laua na inoa malalo iho nei, he mau pokii no ka mea i hala aku la. Luuluu ino! Nolaila, ke komo pu aku nei ma- ua me oukou apau; ka wahine i hooneleia i ke kane, na keiki i hoo- neleia i ka makuakane, e kumakena pu iloko o na kaumaha, na luuluu ame na ehaeha i kau iho maluna o oukou apau. Ke pule nei maua, na ko kakou Haku ma ka lani, e lawe aku i na haawina kaumaha i kau iho ma- luna o kakou apau, a Nana no ma o Kona aloha la e kiai ia kakou, oiai kakou e noho kaawale ana. Maua iloko o ke kaumaha, L. A. KANAE, MRS. K. KANAE, Pauwela, Maui, Jan. 12, 1923. UA HULI HOI MAI. Solomon Hanohano; Aloha nui kaua:— E oluolu mai e hookomo iho i na mea hou o na itamu, o keia mau la e nee nei, penei: Ua loaa mai la ka hoike i ke keena nui o na C. E., o ke Teritore o Hawaii nei, mai ke komite hoeu- eu nui o na C. E., o ke Teritore o Hawaii; na hana ma ka Mokupu- ni o Kauai, i kaaheleia e ke komite


NA MEAHOU O KA HAPENUIA O KA EHUKAI O WAIALUA. E kuu kawalia maikai, ka Emepela o ka Nupepa Kuokoa, a Lunahooponopono; Aloha Hapenuia kaua a nui loa: — E oluolu mai hoi oe ia'u, ina he rumi kaawale kekahi o kou keena, no'u hoi ia rumi, no kela mau hau e kau ae la maluna. Ma ka Poaono hope o Dec. 30, o ka A. D. 1922, hora 5 p. m., i hiki aku ai au me ka'u wahine Mrs. Alice M. Aiu, ame ka maua palona, Miss Malie Daniel Hao, ma kahi o ko maua papa aloha, Mr. J . H. Hao. oia I-a. papa o Daniel Hao i make ai, o ka wahine oia ka'u i mare ai, a pela i lilo ai o J. H. Hao i papa no maua. I ko maua hiki ana aku i Waialua, i kona wahi e noho ana, ua makaukau kahi meaai e hookokomo ai owaho ialoko. ua ai a lawa me ka w .'. i hoomakaukauia e ko maua papa aloha ola hoi na meaai Ha-waii wale no, aole e hiki ia'u ke helu papa aku, ua nui na meaai i hon^oiH, ua moe ma ia po me ko n-ai:-' ---.-( pa. a ao ae la Sabati, la 31 ia, hoolale mai la ko maua papa e ai. ua ai makou apau ka ai ana, na hoolale mai la no ko maua papa ea e hele kakou i ka holoholo, ua pane aka la au ihea? Hai mai la kela i Kawaihapai, ua ae koke aku Ia au. no ka mea o ka makemake ia o na malihini e ake e ike i kekahi wahi aku. Ua olelo mai la ua papa nei o mamua ina pela e hoomakaukau elua e hele au e olelo i ke Kepani i kaa no kakou, a hala aku la kela, ke komo nei hoi kahi lole, a paa, kali aku la o ka hoi mai o ka papa, ahiki no hoi kela, komo no hoi kona wahi aaha, a paa, aole i loihi ia kali ana aku, o ka hoea mai la no ia o ke kaa, o ka hele aku la no ia a kau, hao aku la no hoi ke kalaiwa i kana hana, o Kawaihapai ki pahu hopu, kahi i oleloia ka mea i paa i ke mele penei: Nani Kaala he keiki na Kamaoha, Ke hii ia mai la e ka wai o Luakini, Hii no ka wai o Kaaiea kau iluna, Hii no ka Waikumuole kau i ka pali, Ke nana iho oe ia lalo o Kawaihapai, Me he moena pawehe la ke kula o Mokuleia, He nani no mai Kaena a Waialua. E kala mai ia'u ke pahee loa aku la au. I ko makou hiki ana aku e noho mai ana no ka halawai haipule o ka Hoomana o Iesu Kristo o ka Poe Hoano o na La Hope nei. I ke ku ana iho o ke kaa, ua lele aku la ko maua papa, ke alakai hoi, olelo mai la, lele mai olua, a pau ka halawai hoi aku kakou i kauhale, a ua hooko ia ka manao; ua hele aku la a komo iloko, a pau ka halawai. Mamua o ka pau ana o na hana ua ku mai la o Mrs. Kaleo Kamokumahakea a kauoha mai la i ka poe apau e noho ana, ina e pau keia halawai, e hoi kakou a pau i ka hale me ka hoi ole aku o kekahi o oukou i ko oukou mau hale, mai ia oukou a pela no hoi me na malihini mai Honolulu mai. Hookuuia ke Kula Sabati, noho iho ka halawai nui i alakaiia e ko maua papa J . H. Hao, ma ka himeni H. A. N. aoao 225, pule no oia apau, himeni hou ma ia buke no, aoao 103, pau ia, ua weheia mai ke poomanao ma Ioane IV:8, penei ka olelo: O ka mea e aloa ole ana, aole ia i ike aku i ke Akua, no ka mea, he aloha ke Akua. Ua nui na manao i hoakakaia mai me ka manaolana o na mea apau, a pela no hoi me ka mea e kakau nei, i ka pau ana o na olelo paipai, ua hookuuia ka halawai ma ka himeni 71, pule ia e Robata Kaonohi; ua hoi aku la makou i ka hale, kahi i hoomakaukauia ai na mea e oluolu ai ke kino ua ai no hoi i ka mea i loaa i na kamaaina, me ka maikai, aole mea e hoohalahala ai, no ka mea, ua like wale no mai Kaena a Waialua, pau no hoi ka makou ai ana hoomaha liilii mahope iho, a maha, ua hoeu mai la no ua makuakane nei o maua e hoi kakou ae, o ia. Ua hoi mai la ahiki i ko makou hale, hora 2 p. m., ia, o ke Sabati wehewehe na wahi aahu, komo kahi lole hana, ho'a ke ahi, hora 5 p. m., ia, hoomaha, kani ka hora 7, ho-a ka imu pau ka a ana hora 8:30, kalua no hoi he hapaha koe hora 9. O ka mea, a'u i ike ai, he hapaha eke uala, aole i lu ia ilalo iloko no o ke ike, olelo mai la ko maua papa maikai keia aole e wela ka lima i ka ohi, hopu no ma ke eke hookahi no hapai ana o ka pau no ia, i ka nalo ana o ka imu, ua hoi aku la noloko o ka hale, hoonanea iho la a kani ae la ka hora 11 ia wa ua pane mai la ko maua papa, e hoomanao kakou i halawai no ka hoomaikai ana aku i ke Akua, uo kona hoopaa ana mai i ke ola maluna o ko kakou mau kino, no ka makahiki i pau, ame ka loaa ana o ka makahiki hou ia kakou. Ae aku la no hoi au, no ka mea, he manao maikai ia, ua weheia ko makou halawai me ka himeni mele o Ziona Helu 14, pule ka makua apau, ua wehe mai oia i na olelo hoolana manao, ma Kekahuna. mok. XII:1. — E hoomanao oe i kou Mea Nana i hana; i na la o kou noho opiopio ana.	Ua laweia ka hapamua o ka pau- ku, ua maikai no hoi ka hai ma- nao ana mai, ma ko'u hoomaopopo ana, aia maluna o ka poe opiopio ka ikaika loa o kana olelo, oiai e hoolohe aku ana kana moopuna, Miss Malie D. Hao iaia. I ka pau ana o ka hai manao ana, na hookuuia ko makou anaina hai- pule, me ke mele himeni H. A. N. 128; pule no hoi ka makua, o ka pau ana ia. Ia'u i nana ae ai, i ka manawa, 20 minuke i koe kani ae ka hora 12, ua kii aku la ko maua papa e huai i ka imu puaa, ua moa maikai hoi, hele no hoi apau na hoopono- pono ana kokoke no hoi i ka 12 o ka olelo kalokalo mai la no hoi ia o ka makua apau, pule no hoi oia e noi aku ana i ke Akua e hoo- laa mai, i na mea apau i hoomakau- kauia pela hoi me na kanawai o na meaai ma ka inoa o Iesu Kristo. Amene. Ko makou ai iho la no hoi ia me ka maikai o na mea apau, e iho ana ka akau, pii ka hema a eha o Hanale ia Keoni Bulu. Me na keiki lima poahi o ka pa- papa'i ko'u welina pau ole. Owau no me ka oiaio, JOHN MOSES AIU, Kapahulu, Honolulu, Oahu. KA HALAWAI A KA PAPA LU- NAKIAI. Ma ka halawai a ka papa o na lunakiai, o ka noho ana ma ka po Poalua nei i haawiia aku ai ka aelike no ka hana ana i ka laina paipu sua o Waikiki i ka Hawaiian Contracting Company, ka mea nana ke koho haahaa loa i waiho ae ai $690,000. Malalo o kekahi ano kela aelike o ka haawiia ana aku oia hoi e hana mua ia kekahi aelike me ka poe ona aina no lakou na aina e komo ia aku ana mamua o ka hoo- maka ana aku o ka hana. Aohe ka papa i haawi ae i ke kauoha i ka Meia ame ke Kakauolelo e ka- kau i ko laua mau inoa maluna o ka palapala aelike no ke kauka'i aku a loaa mai na bona a aponoia ke kii e ka loio kalana. He papainoa i hooponoponoia no na inoa o na alanui i ku no kekahi manawa ka i heluheluia ae e ke kakauolelo a hooholoia ma ka helu- helu elua ia ana a kauohaia e pa'i, ua heluhelu ekahi ia mamua ma ke poo a hooholoia. Ke Noi Hoopii Ukuhana He palapala hoopii nuu na kana- ka puhiohe ae o ka bana Hawaii ka i heluheluia a noonooia, e noi ana ma ia palapala e hoopii hou ia ae na ukuhana o na kanaka puhi- ohe. Ua waihoia ka palapala noi i ke komite waiwai, ke komite no i waihoia aku ai ka hana e pili ana i ka hoopii hou ana ae i ka uku o na kanaka puhiohe elua pule i hala. Ua manaoia o waiho ae ana ia komite i ka hoike ma keia hala- wai kumau ana ae a ka papa. Ua hoamana ka papa i ke kuaiia o na kaa kalaka me elua mau kaa otomobile no ka oihana alanui ame ka oihana lawe opala. O ka olelo hooholo e hookaawale- ana i $700,000 no ka uku ana i na lilo o ka hana ana i ka laina paipu lawe meaino o Waikiki ua holo ma ka heluhelu ekolu ia ana a kakau- inoaia e ka Meia. O na koho no ka hana ana i ka uhi o ka luawai hookio o Nuuanu ua loaa ao a ua waihoia ae i ke komite o ka oihana wai a i ka luna nui o ka oihana wai ame sua W. A. Wall no ke apono ana. No ke Kuai aina ma Pauoa Ua hoamanaia ae ka lunahooia e hoopuka ae i bila kikoo dala i ka huina o $12,000 i ka puuku kalana, a ua kauoha pu ia ae ka puuku e haawi ae ia huina i ka Bishop Es- tate, ke kumukuai o ka aina e paa- ia ana e ia waiwai ma ka Paka o Pauowa ma ka hora 1 auwina la apo- po e noho hou ai ka halawai a ka papa. HOOKUUIA NA KAIKAMAHINE I HOOPIIIA AE AI O na kaikamahine elua no laua na inoa o Annie Simmons ame Annie Parker i hoopiiia ae ai e Ching aihue ana $513 mai iaia aku ua hookuuia e ka aha, a u ahu ka hoka ia Ching Sung. Ma ka hoolohe ana o ka Luna kanawai O. P. Soares o ka aha hoo malu i keia hihia ahiki i ka pau ana i loaa ai iaia ka ike aole i lawa na oleloike ma ka aoao hoopii e paa ai i na kaikamahine a waiho ae i ka hihia i ka aha kaapuni no ka hookolokolo ana ia laua, no ia kumu ua hookuuia na kaikamahine mahope o ka hoolohe mua ia ana. Ma ka manawa mua o ka hooloheia ana o keia hihia ma ka Poalima i hala ma ka Ching Sung olelo imua o ka aha o kekahi o na kai kamahine ka mea naua i aihue i k dala ana mai iaia aku i ka mana wa o na kaikamahine i hele like aku ai i kona wahi ma ke ahiahi o ka Poalua o Ianuari 9. Aohe loio kokua ma ka aoao o na kaikamahine ua hoole like laua ka lawe ana i ke dala a ka Pak ma ko laua manawa i ninaninauia ai. Ua ae nae laua i ka hui ana me Ching ma ke ahiahi o ka la 9 o Ianuari. Ma na hoike i loaa mai i keia kulanakauhale mai na mokupuni like ole mai, ua nui na poino a ka ua ame ka makani, i hana iho ai i na kumulaau ame na meakanu.	HAINA NANE. Lele Kaena me he manu la i ka malie; Me he kaha ana la na ka Ua'u na pali o Nenelea, Me he upo'i la na ke koae ka ale iwaho o Kaieie, Me he kanaka hoonuu la i ka malie, Ka papakea i ke alo o ka ala, Ua kuku e ke kai a uli a ehu a nonoula Kapapakea, E noho ana i ke kai o Kapeku, Kapeku ka leo o ke kai o Hooilo ka malama, Ke ku mai la ka pauli kau, Ka hoailona kai o moana ka aina, Ahuwale iho la kapae kii kapae- newanewa, Ka pae makuu a Kane o Kanaloa a oia, Hoohaehae ana ka lae o Kalaau i kihaeia o ke kai o Awalua, Na oawa pali o Unulau, inu aku i ka wai o Koheiki i ka pali, I ka wai kau pu no me ka laau, Hoole ke kupa huna i ka wai, Eha ka muliwai wai o Kaena e, Ena iho la ka la o ka Makalii, Oio mai la ke a me he kanaka koa la, E maalo ana i kuu maka, O ia kalana olopali Kuamooloa, Oloihonua iho nei ka hiki ana mai ko keia makani, Heaha la ka makana i kuu hilahila, O ka'u wale iho la no ia o k aleo a. E Mr. Lunahooponopono o ka Nu- pepa Kuokoa, Aloha kaua a nui loa: — E oluolu mai hoi oe ina he rumi kaawale kekahi o na kolamu, no'u hoi ia wahi. Ua ike iho no au i ka nane a J. W. K. Kakelamaluikaleo; ea, ua ike no hoi oo he pipii ka meaai, ua like ko'u manao me ke keiki o Kona, eia nae o ka laka ana o kauaka ia oe i kenikeni wale no ka ukuhana o ka la. O i huhu wale ai no ka poe Pukiki o ka Hui Uniona, e olelo mau ana pikinini kenikeni wale no, aole lawa. E auhea oe, i moe oe a i ala ae auanei oe i ke kakahiaka nui Poa- ha, e pi'o ana ke anuenue mamua pono o ka puka o ko hale, hoo- manao iho oe, he kapuai akua ia mai Paukauila aku nei, kona wa- wae o ke ku ana. Mahele 1. O kuu mua, ua ike no a kamaaina no oukou, a ua noho pu uo au me oukou, a lilo au i kauwa ua oukou, e hooko ana i ka make- make o ke kanaka. Owai ia oe? Haina. Ka o ke ka, he mea nui ia i ka poe naauao, a iwaena o na limahana iluna o na moku ame ka aina nei, ma na uwa- po, e hamoia ai ke ka, elike me ka makemake o ka luua hoohana. Mahele 2. Kuu hope, ua ike, a ua kamaaina no oukou, eia au la he aiwaiwa noluna, aohe kiamanu e hei ai. Owai la hoi au ia oukou? Haina la. O ka la no keia oluna, aole no he kauaka e hiki aku ilaila, ina i huiia kuu mua me kuu hope, e ike ae ana no oukou ia'u e hooipo ana ke aloha me ka pela ahamaka ka- hulihuli. Owai ka pela ahamaka kahuli- huli ma ka olelo Hawaii kumu? Haina. Ka. Owai la kuu inoa piha ma ka olelo Hawaii kumu i ka ke ao holookoa olelo ana. Haina Kala. Me ke Kala e iko ai oe i na mea apau, a pela i hiki ai kela mele poina ole o na la i hala penei: Ka iki ulu i ka Nekina, Nana e koko na pine. P a iho pa ae pa aku, Haalulu ke kahua maika. Me ke Kala oe e ike ai i ka Ne- kina, no kahi i laha mua ai ka melekolana, kahi i kaulana ia mau la penei: Kapuukolo i ka Nekina, Hololio laau me ka ulua. Pehea, nole pii o ka okakala i ou kumu pepeiao? Ao ua, lio ka ili o ua keiki nei ia oo! Me na keiki o ka papapa'i ko'u mahalo a nui loa. Owau no me ka oiaio, J. H. KAWELOWAI, Waialua, Oahu, T. H. Lahilahi mai la no ke kiina a ke keiki o Waialua aohe wahi mea a mahinu mai la o ke kalo paa o Waiahole. Eia iki wale iho no kahi o ka eha o ka eueu o ka halepaahao o Uwahipouli, ma ka onohi maka, me ka puluniu nae e paa ai ke kolohe, huli hou ia mai: — L. H. NA MEAHOU O MOLOKAI. He nui ka ua o Molokai nei ame ka makani pu, ua lukuia iho na ku- mu kiawe a mokaki ilalo ma na aoao o ke alanui. Ua komoia na pa hale o Kaunakakai nei e ka wai- kahe nui, ua hoohinaia he mau ku- muniu, e ka makani, ma ka Lapule nei awakea, i hiki mai ai kela ino. Ma ke alanui pali o Kalaupapa, he nui ka ino, a ua haneeia kekahi wahi o ke alanui, e aneane ai no e hiki olo ka lio ke a'e aku ma kekahi aoao. Ma ka Poalua mai, mai holoaia kahi moku Leleiona o Cooke iloko o ke kai, malalo aku o ka Laeoka- laau. O keia kahi meahou o Molokai nei. FRED M. KAILIULI, Lunaleka o Kaunakakai ame Ka- laupapa.