Ka Nupepa Kuokoa, Volume LXII, Number 4, 25 January 1923 — Page 3

NUPEPA KUOKOA HONOLULU. T. H., POAHA. IANUARI 25. 1923.

EKOLU


HOOKU'IIA E KA OTOMOBILE A NUI KA EHA. Ma ke kihi o na alanui Papu me" Kuakini, ma ka hora eha, o ke ahiahi o ka Poaono aku la i hala, i hooku'iia ae ai he wahine Pake, nona ka inoa o Hong Choy e kekahi kaa otomobile a eha loa, me ka haaleleia ana e waiho iluna o ke alanui, a hoomau no kela kaa oto- mobile i ka holo, me ka maopopo ole o ka mea nana e hookele ana i ua kaa nei. I kulike ai me ka hoakaka a kela wahine Pako, he keu aku ka pua- hia o ka holo ana o kela kaa oto- mobile, a mahope iho o ka hooku'i ana mai iaia a hina ilalo, ua hoo- mau aku la no ua kaa nei i ka holo ana iuka o ke alanui Papu, me ke ku ole iho, a haawi mai i na kokua ana i ka mea i eha. Ua waiho malie kela wahine ilu- na o ke alanui no ka hapaha hora, a i ka hoea ana mai o A. R. Bisho me kona kaa otomobile, ua hoo- kauia ae ua wahine nei maluna o kona kaa, a hoihoi loa ia mai la no ka halema'i o na poino ulia. Ma ka nanaia ana o kona mau wahi i poino, ua ikeia ua haki kona wawae akau ma kekahi mau wahi elua, a mahope iho o ka lawelaweia ana aku o na lapaau ana, no ka hoo- mama ana ae i ka mea poino, ua hoihoi loa ia aku oia noloko o ka Halema'i Moiwahine. Ma ka hora ehiku iho hoi o kela ahiahi Poaono no, i hooku'i ae ai he elua mau kaa otomobile ma na alanui Kalepa me Kikeke, a o ka hopena o kela hooku'i ana, o ia no ka nui o ka poino i kau aku ma- luna o kekahi o kela mau kaa. Ma ka oleloia o John Baker, ka ona o ke kaa i poino, mu ka ma- nawa nae o ka loaa ana o kela ulia, e hookeleia ana kela kaa e Joe Lopez. I kulike ai me ka hoakaka a ka Makai Meyers, he hookahi kumu o ka hooku'i ana o kela mau kaa oto- mobile mamuli no ia o ka hoao ana o Lopez e hoohuli pokole i kona kaa ma ke kihi o na alanui. Ua opa pu ia ka aoao hema o kela kaa, ua haki hoi ka huila akau hope o ke kaa, a ua opaha ke kino o ua kaa nei. O ka mea hoi nana e hookele ana i ka lua o na kaa, o S. Sammans kona inoa, a wahi a ka oihana ma- kai, ua kaawale loa oia, mai ka ili ana aku o kekahi mau ahewa ana maluna ona. PAA HOU O IPONMATSU I KA HOPUIA. Ma ka manawa o ke komoia ana o ka halenoho o U. lponmatsu. he Kepani, e na makai hookapu wai- ona ma ka po o ka Poakolu o ka pule aku la i hala, eha mau Kepani i paa ae i ka hopuia no lakou na inoa Iponmatsu, Fukuda, Oshi- ro ame Edeguchi a hoopiiia ae no ke ku-e kanawai waiona.	I kulike me ka Bruns, kekahi o ua kanaka kokua o John Colburn o ka hoakaka ana ae, o Fukuda ka i komo aku iloko o ku hale o Iponmatsu a lawe mai elua mau omo- le "oke" a kau ae iluna o ke kaa a Lincoln a holo aku. Ua paa oia i ka hopuia mahope koke iho me ka hopu pu ia o ke kalaiwa ame ke kaa. He mau minuke kakaikahi wale no ke kaawale mahope iho o keia hopuia" ana, ua holo ae la kekahi o na kaa otomobile a komo iloko o ka pahale o Iponmatsu, a i kulike me ka Bruns hoike he mau omole waina lehulehu ka i loaa aku maloko o keia kaa. Ua hopuia o Edeguchi, ke kalaiwa, me ka paa pu o kona kaa i ka hopuia. O ka hookuu koke ia aku nei no ka ia la o lponmatsu e ka aha federala no na hoopii eha e ku-e ana iaia no ke kanawai wai- ona a paa hou iho la no i ka hopuia. HOOKUUIA NA OPIO I PAA AI NO KA LAWEOLA. He olelo hooholo e hookuu ana ia Clarence Lau ame Thomas Kis- sel, na opio i hoopiiia ae no ka la- weola, ma ke degere ekolu ka ke kiure o ka aha kaapuni a ka Luna- kanawai Ray. J. O'Brien o ka hoi- hoi ana ae imua o ka aha ma ka auwina la o ka Poalua nei. Ua hoopiiia ae keia mau opio no ka hooku'i ana o na kaa ma ke ano ulia a i lilo ai ia hooku'i ana ma ka la 18 o Sepatemaba 1921 i kumu make no kekahi keiki o 8 makahiki o Ralph G. Schuman. Ma ka olelo pale a ka loio ma ka aoao o na keiki, malalo o na kanawai e ku nei i nei manawa o ka hewa laweola ma ke degere ekolu aohe i hoakakaia ka hoopa'i, no ia kumu aohe hoahewa ana e hiki ke hoo- pa'iia na keiki. Ua hoakakaia ma ke ano laula ka manao o ka laweola maloko o na buke kanawai, aka ma ua degere o na hoopa'i wale no ka i hoaka- kaia me ka wehewehe maopopo ole ia. O Harry T. Mills ka loio ma ka noao pale, ma kana hoakaka hope loa aole na keiki e holo heihei ana, malalo o na kanawai e ku nei, i nei mauawa, o ka laweola ma ke degere ekolu aole i hoakaka mao- popoia ka manao ame ka hoopa'i, e hiki ole ai i ke kiure ke hoihoi mai i kekahi olelo hooholo hoahewa i na mea i hoopiiia. E holo like ana o Lau ame Kis- sel maluna o ko laua mau kaa ma ke alanui Hokele, a i ka hala ana mai o ke a lanui Puowaina a hoo- mau aku i ka holo ana no Waikiki ua kahuli ko Kissel kaa e kalaiwa ana a paa oia malalo o ka huila, a lilo hoi ia kahuli ana i mea no ke keiki a Schuman e eha ai a lilo i kumu make nona. Ma ka hoopii i hookomoia ae ai i ka aha e holo heihei una o Lau ame Kissel ma ke alanui Hokele a o kola kahuli ana o ke kaa o Kissel a eha ai ke keiki mamuli ia	o ka hooku'i ana o na kaa a laua e kalaiwa ana. Aohe laua e heihei ana wahi a na keiki i hoopiiia, o ke kumu i kahuli ai o ko Kissel kaa no ka hiki ole ana i ka huila e kia ai i ke kaa ke hoohuli ae mamuli o ka paa aua. Ma ka aoao o Kissel o Schuman opio e noho ana ma ka mana wa i kahuli ai kela kaa. O C. S, Stevens ka hoike ano nui ma ka aoao hoopii, wahi ana ma kana hoike e holo ana na kaa o na keiki me ka mama loa ma kela ma- nawa i loaa ai ka ulia. O na hoike e ae o William Miles, J. R. Borges ame Kauka Hodgins. KUU MAMA ALOHA UA HALA KINA WARREN. E oluolu oe e ka hiwahiwa a ka lahui, e uwila ae ma na kihi eha o ka aina, i keia mau wahi lalani e kau ae la, i ike mai ai na keiki me na moopuna, e noho ana me ka nanea; ua hala kuu mama aloha i ka la elima o keia mahina. Ua hanau kuu maina ma Kanahe- na, Apana o Honuaula, i ka la lo. o Sepatemaba, makahiki 1848. Mare me ko maua papa i ka la 27 o Mei 3864, ua piha i ko maua mama he 74 makahiki, me ekolu mahina me na la keu. Ekolu makou, he keiki hookahi i hala mua, a elua maua e ola nei oia ka luna alanui o Puua, aole oia i ike iaia a hala aku la. Auwe kuu aloha pau ole i kuu mama hooma- nawanui i na la o ka ehaeha; ua hala aku oia, a haalele iho ia'u me na lei moopuna ana. He nui a lehulehu na ohana, he kaikaina kona aia i Hilo; e kuu Anate Mary Kaleihoa, aole oukou e ike hou ana ia mama, pela hoi me Uncle M. Kapau, aole loa oukou e ike hou ana ia mama. Auwe kuu aloha e, kuu kaumaha a luuluu wale. Ua piliia e a'u me kuu mama na wahi apau, ahiki i ko'u mare ana i ke kane hoi mai oia a noho me a'u i kona mau la ikaika, e hele ana oia i Hawaii me na keiki ame a'u ka hapanui o kona mau la. Auwe no hoi kuu aloha pau ole, pau kuu hoomanao ana i na mea apau iaia, aka na ke Akua i haawi mai, a Nana no e lawe aku. Elike me ka ka Buke Nui i hai mai ai he mahu ke kanaka, pua ae a nalo aku. Ke mahalo aku nei au i ka poe apau i hiki mai, a ike i kona kino lepo ahiki i ka halelua, ke mahalo pu aku nei nu i na mea na laua i hoomaikai iaia. Auwe kuu luuluu e kuu aloha pau ole, aole e loaa hou oia ia'u ua lawa me olua. Me na keiki o kou papapa'i ko'u welina pu. O makou iho no, me ka oiaio, MR. & MRS. KAINA HAMALI, MR. & MRS. W. KUAANA, ME. & MRS. C. K. HAMALI, MASTER J. K. HAMALI,


OOLOKU HOU NA AUPUNI O EUROPA. DORTMUND. Jan. 21.— Ua ku- kala ae na kanaka hana o na ala- nui kaaahi maloko o keia apana no ko lakou haalele i ka hana ma ke awakea o keia la. Ua pau ka holo ana o na kaaahi mawaena o Dort- mund nei, Langendreer ame Boc- hum. He mau hana hoohaunaele ka i lawelaweia e na kanaka o ka aoao kalaiaina lahui maanei. Ua kukala ae na aliikoa Palani o keia kulana- kauhale he wahi pilikia. O na ka- naka o na lahui huiia ame na kana- ka P na aupuni i komo ole i ke kaua ua hoikeia aku lakou e hoo- kaawale mai Dortmund aku. ESSEN Jan. 21 — Ua hooholo na kanaka eli lanahu mai o a o o ka Apana Ruhr no ka haalele iho i ka hana ma ka la apopo He manao hooholo hope ka i loaa mai ianei mai Belina mai. ma ka po nei e kau- oha ana o na kanaka eli lanahu a pau e hooko ole ana e kauia ana ka hoopa'i make a i ole hoopaaia iloko o ka halepaahao ina e eli lanahu ana lakou a i ole hoouna aku pahu i ka lanahu i na kanaka Palani. He kulana pioloke ke pahola Ia ma- loko o ka apana holookoa o Ruhr. O na luna aupuni o ka oihana leka i hopuia ai ma ka Poaono i hala ua laweia aku i Dusseldorf, a ma- laila e hookuuia aku ai. BERLIN, Jan. 21— Ua hookapu- ia e Andreas Hermes, ke kuhina waiwai Kelemania, ka uku ana aku i na loaa o ka oihana kukeawa na auhau lanahu ame na loaa no na waiwai e hoopukaia aku ana i na aina e i kekahi poe e ae mawaho ae o ke aupuni Kelemania. Ua hoo- holo na halehana haokila aole e la- welaweia kekahi oihana me na Pa- lani ame na Belegiana elike ka loihi me ka hoomauia ana o ko lakou noho ana maloko o na apana Kelemania. DUSSELDORF, Jan. 21.— Ua kau- ohaia aku e na aliikoa kiekie Palani ke kipaku ana aku ia Herr o Dussel- dorf, ke kanaka i hoole ai i kona hoolohe i ke kauoha a ke Komisina. BELINA, Jan. 21— Ke hoolala nei na hoa o ka aoao Bourse no ke kaa aku o ka apana Ruhr malalo o ka hoomalu ana a Amerika ma ke ano he kanawai haawi aku a haawi mai. AIX LA CHAPELLE, Jan. 21— Ma ka halawai a ka Aoao Kalaiaina Separatist maanei i keia la i kamai- lioia ai ma ke akea ka hookaawale ana i na okana aina o ka Rhine- land mai ka Reich mai. BERLIN. Jan 21.— He lono kele kalapa mai Munich mai ma ka po nei ke hoakaka ana 150 mau kana ka Halia anae Czechs e holo mai ana no Ruhr no ke pani ana ma kihi o ka poe olohani aole nae i ae- ia aku e holo mai. CONSTANTINOPLE, Jan. 21.— He palapala ka ke Aupuni Tureke i hoouna aku nei i ke Komisina Kie- kie a na Aupuni Huiia e ku-e ana i ko na Helene hoakoakoa ana i na pualikoa ma ka hapa komohana o Tureke. BACKLINGHAUSSEN, Jan. 21— He umi kaukani poe eli lanahu ame na kanaka hana ma na lua lanahu i hoike ae i na Palani aole lakou e hana ana ma ka Ia apopo. KA HAKA ILOKO O NA AHA HOOKOLOKOLO Maloko o ka aha federala ma ka Poalua nei ua hoopuka mai ka Lu- nakanawai John De Bolt i ke kau oha e hookuuia o Sanzo Okumura mai ka paaia ana malalo o ka ba- nakarupa. Ua aponoia e ka Lunakanawai John R. Desha ka hoike hope a ka Henry Waterhouse Trust Co., ke kahu hanai o Liberta Markham, he keiki oo ole, i oo i nei manawa ma ke kanawai. Ua hookomoia ae e Mrs. Pearl L Vaughan, ka wahine kano make, a o ka lunahooko kauoha hoi o ka Lunakanawai Horace W. Vaughan make, ka papainoa o na waiwai i ka aha kaapuni. Ma ka pap'i'noa o na waiwai i waihoia ae i ka aha o ka waiwaiio o na waiwai apau he $3350.18. O ka papa kiure a ka aha fede- rala i kauohaia ae ai e hele ae e pane i ka wa e kaheaia ai na inoa ma ka hora 9 o ke kakahiaka o ne- hinei, ua hookuuia mai ahiki i ka hoike hou ana mai o ka Lunakana- wai De Bolt. Ua aponoia e ka Lunakanawai R. J . O'Brien ke kolu o na hoike makahiki a ke Guardian Trust Co., ke kahuwaiwai malalo o ka pala- pala hoonoho kahu a Marguerita K. Van Giesen. Ua haawi mai ka Lunakanawai R. J . O'Brien i kana olelo hooholo ma ka Poalua nei ma ka aoao o ka mea hoopii, ma ka hoopii a J . Hopp & Co., e ku e ana ia R. A. Rice he hoopii koi aie, i ka huina o $431. He hoopii okimare ka i hookomo ia ae e Lee Hoy ma ka Poalua ne e ku-e ana ia Mary Lee Hoy, no ka hewa moekolohe.	E HOOMAKAIA AKU ANA KE ALANUI KAPUKAKI. E hoomakaia aku ana ka hana o ke alanui ma Kapukaki ma nei nua iho elike me ia i hoolalaia ai e ka papa o na lunakiai ma, kekahi manawa i hala a i hooholo loa ia hoi ma ka halawai a ka papa ma ka Poalima aku la i hala. Ma ka manawa i hoomakaukauia ai ka bila haawina no na hoolilo o ke aupuni no ka 1923 e ke komite waiwai ua komo pu ka itamu e pili ana i ke alanui o Kapukaki, iloko o ia bila haawina. Ma kekahi halawai i hala aku nei a ka papa i noonooia ai ke kumu- hana e pili ana i ka haawi ana aku i ka aelike no ka hana ana i ka laina paipu lawe meaino o Waikiki, a ma ia manawa o ka noonooia ana i hooholo ai ka papa e kapae i ka hana e pili ana i ka alanui o Ka- pukaki, i mea e holopono ai ka ae- like no ka hana ma Waikiki, ma- muli o ka manaoia ana aole i lawa na hana nui elua me ke dala ina e hana like ia i ka manawa hoo- kahi. Loaa ke Dala Mahope mai, oiai ka lunahooma- lu o ke komite waiwai McClellan e nana ana i na buke moolelo wai- wai, ua loaa iaia ka ike na lawa loa ke (lala e hiki ai ke hoohanaia aku no ke alanui o Kapukaki. O ka manao 5 hoolalaia ai i kinohi mailoko mai o ka waihona o na hu- na hou paumau e laweia mai ai ke dala. Mahope koke iho o ka la mua o ka makahiki ua hookomoia ae he olelo hooholo e hookaawale ana i $72,000 no ke alanui o Kapukaki a ua hooholoia ma ka heluhelu eka- hi ana. Ma ka halawai o ka Poalima aku nei ua hapai hou ia ae keia olelo hooholo no ka heluhelu elua ana eia nae, ua hoomoeia ma ka papa mamuli o ke noi i aponoia a Luna- kiai Jonah Kumalae. Ma kahi o ka olelo hooholo mua i moe ma ka papa he olelo hooholo hou ka i hookomoia ae e Lunakiai McClel- lan e noi ana e hookaawaleia ka huina o $72,000 mailoko ae o ka waihona o ka auhau alanui. a hoo- holoia ma ka heluhelu ekahi ia ana, a kauohaia no ke pa'i ana. O ka Hawaiian Contracting Company ka mea koho haahaa loa no keia hana Mamuli o ka ino o kela mau la aku nei ua hoopaneeia ka wehe ana i na koho no ka hana ana i ka laina paipu meaino o Waipahu ahiki i ka la 30 o Ianuari, o ia ka Poalua o keia pule ae. No ka la 23 ke koho i manaoia ai e wehe aka, ma- muli o ka ino e hiki pono ole ai i ka poe e makemake ana e koho ke hele e ana pela iho la i hoo paneeia aku ai a ka la 30. Hoopaneeia ka halawai a noho hou ma ka hora 1 o ka Poalima, a ma ia halawai i manaoia ai e noo noo ana ka papa i ke ana auhau waiwai e waiho ae ai i ka ahaolelo a noho mai. MA KEIA MAHINA AE E HOEA MAI AI KA HALEAKALA I kulike ai me na mea i hoikeia ae, aole e hoea koke mai ana ka mokuahi hou, ka Haleakala, ahiki i ka pule hope o ka mahina ae nei o Feberuari. O ka mea i manao mua ia, o ia ka hoea mai o kela mokuahi, i ka pule hope o Ianuari nei, aka nae mamuli o ka pau ole o kekahi mau hemahema, e makaukau ai ia, no ka haalele ana aku ia Pilikelepia, pela i hoopaneeia aku la ahiki i keia mahina ae. Ua lilo nae keia hoea koke ole mai o ka Haleakala i mea maikai i ; ka manao o na ona o kela mokuahi, no ka mea e lona ana he manawa nui, no ka hana ana i ka uwapo Helu 12, ka uwapo i manaoia, ma- laila e pili mai al kela mokuahi hou a o kona uwapo mau aku ana no hoi ia i na wa apau. Aia a hoea mai keia mokuahi hou, alaila e lawe ne ana ia i pani ma kahi o ka Mauna Kea, no Hilo, a o ka Mauna Kea hoi, ma na mea e loheloheia nei, e holo aku ana no Kauai. Ma ke Kauoha. TERITORE O HAWAII. Keena o ka Puuku, Honolulu, Oahu, Ma ka hana e hoopau ana i ka OCEAN VIEW CEMETERY ASSO- CIATION, LIMITED. OIAI, o ka OCEAN VIEW CEME- TERY ASSOCIATION, LIMITED he hui ia i kukuluia a e ku au ama- lalo a ma ka maua o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia elike me ia i koiia ai ma ke kana- wai. NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na ku-e ana no ka aeia aku o ka palapala noi i oleloia maloko o keia keena ma, a i ole mamua ne o ka la 3 o Aperila, 1923, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho malo- ko o ka Hale Mana Hooko, Hono- lulu, ma ka hora 12 awakea o ka la i oleloia, a e hoike mai i ke kumu, ina he kumu kekahi i wahi e ae ole ia aku ai ka palapala noi i oleloia HENRY C. HAPAI, Puuku, Teritore o Hawaii. Honolulu, Ianuari 23, 1923. 6540— Jan. 25; Feb. 1, 8, 15, 22 Mar. 1, 8, 15, 22, 29.	NA MEAHOU MA KA MOKUPU- NI O KAUAI. Solomon Hanohano; Aloha nui kaua; — E oluolu mai kou ahonui e hookomo iho i na meahou o keia mau la ma ka Mokupuni o Kauai, Ua hiki mai ke komite hoeueu nui o ke Teritore o na C. E., oia o Rev. Moses M. Kahiapo ma ke ka- kahiaka Poakolu nei Jan. 10, 1923, ma ka Mokuahi S. S. Kinau mai, me ke komite hoeueu o Kauai nei, D. K. Kapahee. Ku mai ianei ma ka hora 6:00 a. m., a hoi loa aku no ka home o D. K. Kapahee ma Koloa. Ma ka Poaono, Jan. 13, 1923, i hele aku ai maua no Hanalei, e hui pu me ka peresidena nui o na C. E., o ka Mokupuni o Kauai, James K. Lola; ua hiki aku i ka hora 12:00 a paina ma kona home, a kuka pu i na mea e hoonee aku ui na hana. Ua hui no me ia makuahine Mrs. Werner, a hoi loa aku no ka hale kahu o Rev D . K. Kaaeamoku, hui m me ka hauoli, a hooaumoe mala- ila, me ke kahu. Sabati Jan. 14, 1923, hui pu na komite elua ame ka peresidena nui, a hoIo ma ke kaa otomobile no ka Ekalesia o Kapaa, a malaila i wehe mua ia ai na hana hoeueu ma keia kihapai. Hui pu me ke Kahu Kaauwai, me na hoapaahana apau, me ka hauoli. Mahope o ka pau ana o na hana hoeueu, i malamaia ae ai na hana hoomanao i ke kiahoomanao o ke- kahi hoapaahana, oia o Haae, no na mea maikai a keia hoapaahana i hana ai. Malamaia na hana me ka himeni ame ka pule; ia Rev. M. M. Ka- hiapo ka haiolelo maluna o ke kia- hoomanao, a i ke Kahu Kaauwai ka moolelo o keia hoapaahana, mai- kai keia anaina haipule, na kekahi keiki Hawaii i kalai keia kia po- haku, me ka noeau, mahalo a nui i keia keiki Hawaii! Poakahi Jan. 15, 1923. Ma Koloa hora 3:00 p. m., malamaia ka hala- wai haipule hoeueu ke komite; me ka hauoli no i na mea a ke komite i paipai mai ai. Hui pu me ke Kahu S. K. Kaulili ame na alakai. Ma keia ahiahi no ma Waimea Church hora 7:00 p. m Malamaia ka halawai hoeueu e ke komite, hui pu me na alakai ame ke Kahu Moses Moku; ke ana- ina he 69. Me ka nui o ka hauoli, ma kela po. Nui na opio ame na pokii ame na hoapaahana i hiki mai. Hookuu me ka pule. Ma ka lokomaikai o kekahi luna- kahiko, Frank Waipa Akana, ua hookipaia na kauwa a ke Akua ma Waimea Hotel, ka hooaumoe ana ame ka paina ana. Mahalo i ka lo- komaikai o keia hoapaahana. Poalua, Jan. 16, 1923, hui pu me ke Kahu Moses Moku, a lawe aku i ke komite no Kekaha, Mana, ahi ki i ke onekani o Nonohili, Ma ka auwina la ana ae, mala- maia ka halawai ma Hanapepe, hora 3:00 p. m., maikai ke anaina hai- pule 28. Paina ma kahi o ka ma- kuahine Mrs. Fanny Sobo, me na mea maikai e oluolu ai. Poakolu, Jan. 17, 1923, ma Lihue, hui pu me ke Kahu Chas. Keahi, ma ko laua home. Halawai i ke ahiahi ma Nawiliwili Chapel. Hui mai na alakai ame na hoapaahana me ka makua James K. Kaiwi, ma keia po, nui ka hauoli o na mea apau. Ke anaina haipule 26. Ho- aumoe ma ia po me ke Kahu Chas. Keahi. Poaha, Jan. 18, 1923, hiki mai ke Kahu D. K. Kaaemoku mai Hanalei mai me kona kaa, a hele aku no Anahola Church, hora 5:30 p. m., malama i ka halawai haipule ma- laila, hui pu me ke Kahu Puuki ame ka peresidena C. E. o keia Apana John Hano Meheula ke K. K. S. N., me ka hauoli me na hoa- paahana. Anaina he 29. Poalima, Jan. 19, 1923, Haena, malamaia ke anaina haipule hoeu- eu, Peresidena Mrs. Werner ame ke alakai i hui pu mai ke anaina he 74, me ka nui o ka hauoli o na mea apau; alaila paina ma ka hale- aina i ke awakea, hoopiha i na mea e oluolu ai ke kino. Hanalei Church, ahiahi Poalima, i malamaia ai ka halawai haipule ho- eueu e ke komite nui o na C. E., ma ka luakini. Ke anaina i hiki mai he 83. Maikai na hana o keia po, papa o na opio, papa o na pokii, papa o na makua, nani na himeni, ame na haawina. Hookuuia me ka hauoli o na mea apau. Paina ma ka Hall o Hanalei, na mea i hoomakaukauia, no na mea apau, he puaa nui momona. me na haupia e moni ai i ka ono; i ka pau ana o keia paina ana, alaila he aha hoolaulea (social) no na mea apau. Nani na himeni, me ke Glee Club o Hanalei, na opio ame na pokii he ui hoi kau. Hookuuia ae la na hana me ka hauoli ma kela po. Ma keia, ke haawi aku nei maua i ka hoomaikai, a nui loa i na alakai apau, na luna ekalesia, na peresidena C. E., na Kahu ekalesia, ka peresidena nui o Kauai, ame na hoahanau apau iloko o keia mau ki- hapai, no ko oukou haawi ana mai i na mea e oluolu ai, ka hoaumoe ana, ame na lauoliva o ke aloha, a na ke Akua e hoopomaikai mai ia kakou apau. D. K. KAPAHEE,