Ka Nupepa Kuokoa, Volume LXII, Number 2, 11 January 1923 — KA UWALO HOPE NO KE KALAPU HOAHU [ARTICLE]

KA UWALO HOPE NO KE KALAPU HOAHU

Ma ka Poakahi iho nei, ka weheia ana o ke Kalapu Hoahu | Karisimaka o ka Banako o Bihopa ma, no ka makahiki 1923; nolaiia he ekolu wale no la i koe, mai keia la aku, o ka paa no ia o ka puka, no ka poe e makemake ana e komo i mau lala no kela kalapu. O ka poe i komo mau i mau lala no keia Kalapu Hoahu Karisimaka. mai kona kukuluia ana, he ehiku makahiki ae nei i hala, ua ike maoli lakou ika pomaikai o ka Jilo ana i lala; ua kokua nui mai keia kalapu, i kekahi mahele nui o na Hawaii, ma o ka loaa ana he mau waihona no lakou, i ka piha ana o ka makahiki. Xo ia ike i ka pomaikai o ke komo ana iloko o kela kalapu, ua hoomau aku no lakou i ka lilo ana i lala, i kela ame keia makahiki mahope mai, a ua lilo pu lakou, i poe huki mai i ko lakou rnau hoaloha ame na ohana, he hookahi ke komo like ana iloko o keia kalapu, a o ka hopena i ikeia, ua lilo lakou i poe maa i ka hoahu; a mamuli o ia hana, ua ku a lako maoli kekahi poe o lakou ma ka noho ana; a ua wehe aku hoi kekahi poe he mau buke hanako na lakou, ka mea hiki ole ke hanaia, i ka manawa aole he Kalapu Hoahu Karisimaka. Ua hiki loa i kei*"i->i '"pn ke hoahu iloko o keia kalapu, i iwakalua-kumainalima keneiea no ka pule hookahi, mai ka iwa-kalua-kumamalima keneka aku o ka pule, ahiki i ka elima dala, elike me ka hiki kupono i kela ame keia ke hookomo mau iloko 0 na pule apau, me ka hoopilikia ole ia aku ma kekahi ano. He hookahi mea maopopo loa ma keia hoahu ana iloko o ke Kalapu Hoahu Karisimaka, o ka poe nui no o ka lakou dala e hoahu ai o ka pule, e nui ana no ka mea e loaa ana ia lakou i ka pina ana o ka makahiki, a uuku no hoi ka ka poe uuku o ka lakiui dala e hoahu ai iloko o ka pule; ua oi aku nae ia niau nala uuku e loaa mai ana, mamua 6 ka nele loa, he hoka a he hoaa ka mea loaa, iloko o na la kulaia ano nui o kakou, na la 1 makemake loa ia ai kekahi mau lako o ka noho ohana ana. In:i no paha ua hiki ole i kekahi poe ke komo iloko o keia kalapu hoahu, mamuli o ka makaukau ole ahiki i ka Poaono, i ka wa e ohi mai ai na dala ukuhana no keia pule, aole no kela i lohī loa, no ka mea e hamama ana no ka puka o ke keena hoahu Hilii o ka Banako o Bihopa ma, n\a ke ahiahi o keia Poaono iho. a ma na Poaono no apau, no ka haawi ana i manawa, no ka poe paa i ka hana i ka wa ao e hele mai ai e hoahu i ka lakou mau dala, oiai o ke ahiahi wale no ko lakou manawa kaawale. Ua lehulehu na manawa a keia pepa i hoeueu mau aku ai ia kakou. na Hawaii e hoomahu'i, i ka hana hoomakaulii, ma ke komo ana iloko o keia aole no kekahi mau kumu e ae, aka 110 ka makee no ia kakou, e lilo i poe lako o ka noho ana nia keia mua aku. i poe e hoao ana e loaa ia kakou he nohona kuokoa. a e pau ka ike ana i ka pilikia ame ka nele, kekahi o na enemi ino loa a kakou i makemake ole ai, e kiei mai ma ko kakou mau ipuka hale. Mai hoalo i keia hana maikai; e hoao e kaohi mai i ka lu ana i na dala, ma na hana uhauha wale, a e nana aku no ka nee ana mai o ke au o ka manawa, ma ka lu ana i na dala ma kahi maopopo loa, o ka hoi hou mai i ka wa pono, e hoohauoliia ai ka manao o na makua ame na keiki. ;o • Ua kapaeia aku kekahi mau luna oihana oloko o ke keena o ka ilamuku Amerika, mamuli o mau kumu hoohalahala e ku-e ana ia lakou. no ka lawe i na dala ki-pe, mai ka poe hakihaki i ke kanawai hookapu waiona mai. He ehia mau luna oihana e hooko ana i ke kanawai i komo ma keia papa o na hewa lawe i na dala ki-pe? t I o. - - Me he mea la. o ka ninau hoopii auhau kekahi ninau nui e kamailioia nei iloko o keia mau la. Ea, e akahele mai oukou e na hoa o ka ahaolelo kuloko e noho mai ana i keia mahina ae, ma ka lawelawe ana mai i kekahi mau hooponopono ahaolelo, e hookau hou ole ia iho ai na haawe kaumaha māluna o na makaainana! *