Ka Nupepa Kuokoa, Volume LXII, Number 2, 11 Ianuali 1923 — HOOPA'IIA HE KANALIMA DALA NO KA HOLONUI. [ARTICLE]

HOOPA'IIA HE KANALIMA DALA NO KA HOLONUI.

Imua o ka aha o ka Lunakanawai Apana Soares, i ae okoa ae ai o Walter R. Palmer, he haole malihini kaahele, no kona pili i ka hewa holonui, a ua kauia mai ka hoopa'i o 0 kanalima dala maluna ona, no ke ku-e i ke kanawai. O keia ka haole, nona ke kaa otomobile, i holonui ai, mawaho ae nei o lee Kalakaua, a pakele iho no ke ola o kekahi wahine, e hele ae ana e kau iluna o ke kaa uwila, ma kahi hookahi no i hooku'iia ai o Miss Hall, a make ai, maloko o ka halema'i. Wahi a Mr. Palmer imua o ka aha apana ma ka Poalua nei, he hookahi kumu 'o kona hoopaa ole ana i ka holo kaa, ma kela manawa a kekahi wahin-e e hele ae ana e kau iluna o ka otomobile, o ia no kona maopopo ole, i na kanawai i kauia no na kaa maanei nei. O na kanawai i kauia no na kaa ma ka Mokuaina o Makekukeka, ua hookaawaleia, he hookahi wale no aoao, e kau ai iluna o ke kaa uwila, 0 ia ka aoao akau, no kela kamaaina 1 na kanawai o ia .mokuaina, i hoomau ai- no oia i ka hooholo ana i kona kaa, a ua hookahaha loa ia aku hoi kona manao, i kona wa i ike aku ai i ka hele ana ae o kekahi wahine, mai ka aoao hema ae o ke kaa uwila. O ke kumu 'wale no i pakele ai ke ola o kela wahine, mai lilo i luahi ! na ke kaa otomobile o Mr. Palmer, elike me na hoakaka a ka poe i ikemaka, i ke ano o ka holo ana o ke kaa otomobile o Mr. Palmer, o ia no ke emi hope ana aku o ua wahine nei,*'iaia i ike. mai ai i ka holo pukalaki aku o ke kaa otomobile, ina no kona hoomau no i ka holo ana imua, ina ua hooku'iia aku oia, e maopopo -ole ai kona hopena.

Ua hoakaka hou ae no o Mr. Palmer, imua o ka aha, o ke kumu o kona noho pouliuli, me ka maopopo ole, no kona makemakeia ana e hoea aku imua o ka aha, no ka hewa holonui, no kona hala ana no na kuaaina aku nei no kekahi mau la, aka iaia nae i huli hoi mai ai i ke kaona nei, a ike maloko o na nupepa, ua makemakeia oia, ia wa i hoike okoa ae ai oia ia*a iho, imua o ka oihana makai.