| | | | | | | | | | | | | |
| | | |
| | | NUPEPA KUOKOA HONOLULU. T. H., POAHA, IANUARI 11, 1923. | |
| | | | | |
| | | |
| | | | | | | | | | He Moolelo Walohia Ko Vekinia Waiwai Hooilina Hoopuhiliia na Hana a ka Mea Manao
Ino— Kau i ke Aki i ka
Manawa Hope "E ka wahine opio, mai kou manawa mua i hoea mai ai
imua o'u i hoomaka ai kou lilo i mea aloha na'u, a ina e hiki
ana ia oe ke manaoio a ke hilinai mai maluna o'u, ina e hiki
ana ma kou noonoo maikai ana ke haawi mai ia oe na'u, aole
au e noi aku ana ia oe a oi aku mamua o ka mea kupono, a i
ole manao iho paha e loaa ana ia oe kekahi manao aloha no'u,
no ka mea ua ike au i ka nui o kou ehaeha no na hoao lehulehu
i halawai me oe.
"O ka'u noi wale no ia oe e hoi ae oe a noho ma ko'u home
ma ke ano he wahinemare i hoohanohanoia, a e hoolako aku no
au ia oe me na luhiehu apau o kou manao e uilani ai. O kou
inoa he wahinemare na'u ua lawa ia, a e ola aku oe me ka
hauoli i na la a pau o kou ola ana, me kou hooluhi hou ole
aku ia oe ma kekahi hana e pono ai ke ke ola ana, elike me ia au
e hana mau nei."
Oiai o Mr. Naita e kuupau ana i kana mau olelo i aneane
like aku ka ono me ko ka waimeli, ke hoolono pono aku la o
Vekinia me ka mumule me he mea la, Ma like oia me kekahi
kii pohaku ka oni ole me kona hoopiha loa ia me ke kahaha
no kona noi ia aku la e lilo i wahine, he manao hoi ana i moe-
uhane mua ole ai e hoolala aku ana o Mr. Naita i kahi mea
o ia ano.
Iaia i hele mai ai e hui me Mr. Naita ma ia la aohe ana mea
i noonoo iki no kekahi mea elike me keia, a pela hoi iloko o
na manawa apau a laua o ke kukaiolelo ana. Ua mahalo oia
i ke keonimana aoo ma na ano apau no ka oluolu, ke kokua
ame ka lokomaikai iaia ma o ka haawi ana mai a nui kana
hana, a ua nana mau aku no hoi oia ia Mr. Naita ma ke ano
he makuakane a he mea hoopakele iaia iloko o kona mau pili-
kia, aole ma kekahi ano e ae, a no keia noi hoopuiwa e lilo aku
oia i wahine-mare nana aohe mea o ia ano i ulu ae iloko o ko-
na noonoo. Ua haikea loa ae la kona helehelena ia manawa,
me he mea la ua kaa wale i ka ma'i no kekahi manawa loihi,
a ke ulu mau la ka manao iloko ona e haalele koke iho ia rumi
a e hoi aku.
Mamuli o ia nanaina o Vekinia a Mr. Naita e ike mai ana,
ua lawa loa ia e hoike aku ai iaia ua pa i ka nele, kana noi, no
ke kulike ole o ka "hoohelu" me ka mahele, a he manaolana
poho waiwai ole wale no kona a he moeuhane palaualelo no
hoi.
Alaila hookuu mai la oia i na lima o Vekinia mai kana paa
ana, me ke kani ana iho nae o kana uhu me ka minamina loa,
a he helehelena o ka mea i hooneleia o ka manaolana ke kau
ana ma kona mau maka.
"E kuu hoaloha maikai," wahi a Vekinia i ka loaa ana o ka
manawa kupono iaia e kamailio mai ai, "No ke aha oe i noi
mai ai ia'u e lilo aku i wahine nau oiai hoi kaua e noho ana
ma ke ano he mau hoaloha? Aole loa i loaa iki ia'u kekahi
manao e noi mai ana oe ia'u i wahine nau, o kou manao ana
mai ia'u i wahine nau he mea hiki ole ia ke hookoia aku."
"Nani ia ua pa ae la no hoi au i ka nele ea, e oluolu oe e
hoopoina loa i keia manao, a mai lilo ia i mea nau e noonoo
a e hoouluhua ai ia oe, Maanei pau iho la no keia manao i
puka ae la, a o oe wale no hoi ka i lohe iho la a nalo iho ; aole
o'u makemake e hoeha aku ia oe, nolaila hoopoina loa i nei
manao," wahi a Mr. Naita me ka minoaka oluolu, me ka mae
loa nae o kona nanaina ia manawa, ke ano o ka mea i hoka.
"E oluolu oe mai manao mai he wahine lokoino loa au me ia
ike no o'u i ka nui o kau mau hana hoopomaikai ia'u," i pane
aku ai o Vekinia, me kona mau waimaka nunui e hiolo maka-
walu iho ana ia manawa, "aka, e manaoio mai oe i keia aole
hiki iau ke mare hou. Ke mau nei no keia manao iloko o'u
elike me ka nui o ko'u aloha oiaio no Sa Wiliama Hita, ma ke
ano he wahine au nana ma ko maua la i mareia ai, pela no i
nei manawa a mau aku ; aohe mea hiki i kekahi ke hoololiloli
i kuu noonoo, oiai nae, ua okiia e ke kanawai ke kaula gula
o ka berita mare i hoopaaia ai maua. Aole o'u manaoio he
hiki i ka berita mare ke uhakiia o ka make wale no."
"No ke aha la ka hoi oe i hoopii ai e okiia ia berita mawae-
na o olua ina hoi o ka make wale no ka mea nana e hookaa-
wale ia olua?" i ninau mai ai o Mr. Naita.
"No keia kumu no i kaawale oia mai na maka aku o ke ao
a i hiki ai hoi iaia ke mare aku i kekahi wahine e aku i ku
i ke kanawai; oia la, i ole ai hoi kana wahine hou i mare aku
ai e hoopilikiaia aku ma o'u Ia."
"A eia nae ua auamo ia wahine i ka ehaeha i nei manawa,
ina ua oiaio kau mea o ka lohe ana mai."
"Malia paha pela, aka aia no iloko o Sa Wiliama ka mana
e hana aku ai i ka pono kaulike, ina e manao ana oia e hana
pela. Ma na ano apau aole e hiki ana e loaa ia'u ka manao
kuokoa e hoololi ae i ko'u ano o ke ola ana, he wahine au i
mareia a e noho aku ana au ma ia ano o ke ola ana.
"O ka hapanui o ko'u manawa e ola ai ma nei mua aku e
haawi ana au no ka hoomakaukau ana i kekahi kulana no kuu
kaikamahine ana e noho aku ai ma nei mua aku, nona au e
ola nei, no ka mea ua paa kuu manao e hoike aku i ke ao a e
ikeia mai hoi o ka hooilina pololei loa ia o ka Hitadela," wahi
a Vekinia.
Ua ike ia ae la ma keia ka paa o ko Vekinia noonoo aole
e mare hou i ke kane, elike no hoi me ka paa o ko Sa Wili-
ama manao aole e mare hou i kekahi wahine ina e loaa hou ole
ana o Vekinia iaia, nolaila, ua like a like ka paa o ka manao
o keia mau opio, no ka mau no o ke aloha o kekahi i kekahi.
"A pehea ana ka mea e pili ana i ka hewa a kela wahine
hou ame kana mau keiki e auamo ai i ka ehaeha, ma ka mea
e pili ana i kela hihia ?" i ninau mai ai o Mr. Naita.
"He mea hiki ole ia ia'u ke alo ae — no ka mea aole e ili mai
ana ke koikoi o ia hewa maluna o'u ma kekahi ano. Ina ua
hoopilikiaia aku kekahi wahine okoa o Sa Wiliama ke kupono
e hoopaiia no ia hewa ana i hana mai ai ia'u ame kuu kamaiki,
aole owau. Nawai no oia i olelo aku e mare i wahine hou me
kona ike no he kanaka oia i hihia." .
Ua hele a haikea loa ko Vekinia nanaina ia manawa, e hoike
ana i ke koikoi loa o kona noonoo maluna o kela mare hou ana
o Sa Wiliama, oiai nae, aole o Sa Wiliama i mare hou, elike
me ia au, e ka makamaka heluhelu i ike mua ae nei ma kekahi o
na mokuna i hala,
"Aole a'u mea e ae e kamailio aku ai a ki apono wale aku
no i kau mau mea apau i kamailio mai la," i pane mai ai o Mr.
Naita, ''Ua kukulu au i na manaolana he lehulehu ina nei
no kou lilo i hakuwahine no ko'u home me k ahoolako pu
aku ia oe i na mea apau e hauoli ai oe oia ko'u hauoli, aka
nae i kou hoole ana mai nei ua poho wale ia mau upu ana,
"Aole au i hoihaeha hou aku ana ia oe ma o kou hoala hou
Ana mai ia manao, eia wale no ka'u, e nana mai oe, a e noo-
noo mau iho hoi he hoaloha wale ne au neu aole ma kekahi
ano e ae,
"Hele mai i o'u nei me kau mau mea apau i hoolala a i | manaolana ai no kou pono a no kou. mau pilikia paha a e ma-
naoio iho elike me ko'u ohohia ame kou hauoli mau no kau
mau hana o na la i hala pela ana no ma nei mua aku.
Ku ae la oia a haawi mai la i kona lima no ke aloha ana uua
e kamailio mai ana, a ia Vekinia i hopu aka au kona lima ke
ike la oia i ka haalulu no na manao pihoihoi iloko ona ana i
hooikaika wale iho ai no e huna iloko ona iho, eia nae, ua ahu-
wale ia manao ona ia Vekinia ia manawa.
Ia manawa a ua o Mr. Naita i ku ae ai aneane e naha kona
puuwai no ka nui o kona makemake me ke aloha pu Veki-
nia, no ka mea aohe mea hookahi ma kona home e aloha aku
ai, he meha wale no oloko o kona hale, o kona kaikuahine
luahine hookahi wale no me na kauwa, o lakou wale no ka poe
hoolaukanaka mai iaia.
"E huikala mai oe ia'u," i pane aku ai o Vekinia me ka hiki
pono ole iaia ke kamailio, a mamuli o kekahi manao hoohaa-
haa o ka ulu ana ae iloko ona, kulou aku la oia imua a honi
aku la i ka lima o Mr. Naita i haawiia mai no ke aloha anaalaila
mahope o kona huli ana ae me ka hikiwawe loa haalele mai la
i ka rumi mamua o ka hiki ana ia Mr. Naita ke hoopuka mai
i kekahi huaolelo no ka papa ana mai iaia aole e hoi koke. MOKUNA XXVII.— He Malihini i Manao Mua Oleia.
Ua kaahope ae la kekahi mau makahiki ekolu aohe no hoi
he ikeia o kekahi mea nana e hoopihoihoi i ko Vekinia noonoo
ame kona ola ana.
Iloko o keia manawa apau ua paa mau kona manawa i ka
hana a e hoomahuahua mau ana no hoi oia i kana mau dala
e hoahu ai, no kona noonoo nui no ka pono o kaua kaikama-
hine o ia mua aku, elike me ia manaopaa ana i hooholo ai, me
ka nui o na pomaikai i loaa iaia ma kana hana, me ka nui pu
o kona mahaloia i kela ame keia kikina.
"Ua piha me ka maikai o ke ola ko Vekinia helehelena i
nei manawa, o kela nohea o kona helehelena i kona mau la
mamua o ka hanau keiki ana oia kona nanaina i nei manawa
aole ona manawa iki i ma'i ai iloko o na makahiki ekolu, a
ua nui Ioa ae no hoi kana kaikamahine, "ka onohi o kona mau
la" wahi ana.
Ma keia manawa ua haalele oia i ka hale mua ana o ka hoo-
limalima ana, ma kela manawa mua ana i hoea mai ai i Ka-
palakiko, a ua noho aku he hale hoolimalima okoa, he wahi
i oi ae ka maikai, a he hale no hoi i oi ae ka lako me na lako-hale
nani, me ka loaa pu iaia o kekahi mau rumi akea e oluolu
maikai ai ka noho ame ke ola ana, a e hauoli mau ai no hoi ka
noonoo.
Iaia i nee ae ai no ka hale hou ua haawi aku oia i na lako hale
mua a pela hoi me ka hoolimalima i kahi Pake kuke mua a
laua ia Chi Lu, ua mare o Chi Lu ia manawa he wahine Pake
a ua holomua loa no hoi ka pomaikai i loaa ia laua ma ia hana
he holoi lole, a ma kahi hoi o Chi Lu i kaawale aku ua hooli-
malima o Vekinia he wahine Suedena a oia kona wahine ma-
lama hale ame na hana apau maloko o ka hale i nei manawa.
i Ma kekahi ahiahi puanuanu, mahope o ka hala ana o ka la
hookina o ka ua mai kakahiaka a po, a ua aikena maoli no hoi
i ka ua mea o ka haloku mau a ka ua, a ua "kihe koolau kihe i
ka ua o Moelana," lohe ana oia i ke kani koha ana mai o ka
bele ma ka puka mai me ka ikaika.
Iloko o Vekinia o Kona rumi moe ia manawa — e hoomoe-
moe ana i kana kaikamahine, he hana hauoli mau ia nana, no
ka mea, he maa mau kana kaikamahine iaia i ka himeni i kona
manawa e makemake ai e hiamoe, a i kekahi manawa e hai
aku i na moolelo hoonanea i ka noonoo o na opio mamua
o ke kaia loa ia ana aku i ka hiamoe kulipolipo.
He manawa pokole mahope iho o kona lohe ana mai i ka
bele ua lohe mai Ia oia i ka hamumu o kekahi mau mea e
kamailio ana ma ka rumi hookipa mawaho mai o kona mmi
moe, a ke noonoo la oia owai la hoi kela malihini aa o ka hele
ana mai o ke anu iloko o ia po a ka ino no ka makemake mm
e ike iaia, no ka mea, he kakaikahi loa na malihini kipa mai e
ike iaia iloko o ka manawa malie.
l Aole i liuliu iho hoea aku ana ke kaikamahine Suedena imua
ona a olelo aku la he keonimana aia mawaho a ua makemake
ie ike iaia.
"Owai ia kanaka? Ua hai mai nei nae paha i kona inoa ia
oe?" i ninau mai ai o Vekinia.
"Aohe i hai mai nei i kona inoa ame kana mea i makemake
ai e ike ia oe. I mai nei aohe ka he waiwai o kona hoike ana
mai i kona inoa, no ka mea i kou wa no ka e ike aku ai iaia
e ike koke aku ana no oe iaia. He kanaka kela i kamaaina
mua ia oe, pela ko'u manao," wahi a ke kaikamahine.
Ke Iele la ko Vekinia oili ia manawa me ka pinapina'i o
ke pana ana a kona puuwai, a ke ulu pu la kekahi manao ma-
ka'u iloko ona.
He mau manawa lehulehu ka Mr. Naita o ka hele ana mai
e ike iaia mamua aku, a hookahi a elua manawa paha ka hoea
ana aku a na kupakako a Mr . Naita, a mawaho ae o lakou aohe
poe hele aku i kona hale, a ua kamaaina o Mina, ke kaikama-
hine Suedena ia lakou, a no keia kanaka o ka hoea ana mai
la he malihini loa ia Mina, malia he kanaka paha i kamaaina
mua iaia i na manawa aku i hala.
Hoopau pono loa aku la o Vekinia i ka hai ana i kana moo-
lelo i kana kaikamahine, hooponopono iho la i ke kaikamahi-
ne a pono, alaila oili aku la iloko o ka rumi hookipa kahi a ke
kanaka malihini e noho ana kakali iaia o ka oili aku.
E noho ana ke keonimana ma ka aoao o ke pakaukau, o kona
kua iaia, a oiai he kuka helena manoanoa kona e aahu ana ia
manawa, a he ano kua hanunu kona a e kulou ana kona po"
i hele a kuakea kona lauoho eia nae he wahi hiohiona no kona
i kamaaina mua ia Vekinia ma kana nana aku, a na ia noonoo
iloko ona i hoopii ai i ka maka'u nui nona.
Oiai oia e homali aku ana i ka hele malie ana imua no ka ha-
lawai ana he aloa he alo me ke kanaka, a i kona ku pono ana
mamua mai ku ae la ke keonimana iluna a huli mai la e nana
iaia, me ka haka pono ana mai o kona mau maka ma ka hele-
helena o Vekinia.
I ko Vekinia ike ana aku i ka nana pono mai o ke kanaka iaia
ku honua iho la oia, me ka haikea loa ae la o kona helehelena.
a hooho ae la i kekahi leo e hoike aku ana i kona maka'u.
Minoaka mai la ke kanaka oiai kona mau maka e haka loa
mai ana i na maka o Vekinia, a me kekahi leo haahaa loa i
mai la : "Alaila ua ike pono mai la anei oe ia'u, e Vekinia?"
"Ae, o Anakala Mareko no oe," wahi a Vekinia alaila haule
iho Ia oia iluna o ka noho me ka nawaliwali Ioa o ke pana ana
a kona puuwai no ka piha i ka maka'u.
"Ae; o Mareko io no au," i pane mai ai ke kanaka, me ke
ano kaumaha o kona leo o ia pane ana mai ; "aole au i manao
e ike mai ana la oe ia'u elike iho ia me ia. Auhea ko makua-
kane?" "Ua make oia aole e kala," wahi a ka Vekinia pane pokole
loa, .
Alaila hina aku la o Mareko Alekanedero ihope me ke ano
hikaka elike la me ka mea i kuila aku me ka hikiwawe loa, a
ninau hou mai la :
I ka manawa hia oia i make ai?" me ka hele ae la o kona
mau helehelena a keokeo pu,
"Ma ka mahina, o Novemaba eono makahiki i hala,"
(Aole i pau.) | | | | | | | | | |
| | | |
| | | Malie iho la ka poe ua ahuwale ke kai, Ikeia aku la na hana kupaianaha o ka aina,
Ka uka o Nuuanu ke lohia mai la e ka ua,
Ke hana maiauia mai la i ke Kamakahala, Pili i ka uwapo, kau i ke kaa
uwepa ole o keia mau la, hoi mai
la no ka liko lehua o Pauoa ka
pahu hopu. Mr. Lunahooponopono, me oe ame
na limahei o ke Kuokoa ka anoai
Kalikimaka me Hape Nu-ia, o ka
meakakau a hui hou aku. SAMUEL K. KEKOOWAI,
2332 Liko Lane Pauoa. HAINA NANE. Ke waiho ae nei ka mea pane i
ka hai ana aku i ke kino holookoa o
ka nane, a e ku ai i kou makemake,
mahope ia; a ke hilinai aku nei hoi,
ua paanaau ka nane i ka poe lawe i
ka Nupepa Kuokoa i hoopukaia ai
ia; nolaila, e ike iho oe e J. W. K.
K. i ka mea pili i ka pane ana aku
i kau. Penei ka hoomaka ana: O Ko'u Mua:—Ua ike a kama-
aina, noho pu no au me oe, ua lilo
mai no i kauwa nau; hooko mai no
i ko'u makemake, ke kanaka; ninau
iho nae oe, Pehea la hoi oe i hoo-
hewahewaia iho ai? Eia ke kumu,
no kou ko'eko'e, hu'ihu'i a anu-
anu hoi, oiai au i inu ae ai, a pau
ae ko'u hoohewahewa, ike iho la au
o WAI oe. O Ko'u Hope:—Ike a kamaaina
au ia oe, he aiwaiwa, leleiona oluna
ou, he ahiu oe, aole he lihi pili mai
me a'u, e noke aku kuu ike hoola-
kalaka ia oe, me ka'u upena kiama-
nu, he olo ka hei iho: Eia hou no
ua ano ou; he loea oo ma ka maika,
ulu no Kanekina, aole he pine pa
ole i kau ulu, ke pa la pa iho, pa ae,
pa aku; haalulu ke kahua maika.
O ke kaona o ia mau ano ou; eia,
o Kanekina, ma ka mmi huli i ala-
nui Hokele, he kamau ka hana ia
oe, e ki-ke na kiaha a pa iho, pa ao,
pa aku; haalulu ke kahua o ka Pa-
kipa. Eia kou inoa la o ONA. Waiona:—Eia ae kou inoa piha o
WAIONA, ke huiia kou mua me
kou hope; e ike aku no makou e
hooipoipo, hoohenoheno ana ke alo-
ha me ka pela ahamaka kahulihuli. Eia hou au ke kiai me ka hua i ka
umauma no kau pela ahamaka ka-
hulihuli, owai ia? Kahiohio Waiona:—Ahewa na
maka a kuku na lihilihi maka, hu-
apuaa a e olokaa ana ke kino i-o, a
i-o. Inu-apuaa i ka Hawaii olelo kumu. A o Pakelainu ia i ke ao
holookoa olelo ana, Pipiholokaao. Owau iho no o IHONALIMAOKAPALANI. Kona, Hawaii. Hele mai la kau haina ma ka ma-
hele mua a pili pono ka la i Papa-
enaena; kapeke mai la nae ka pili-
na me ka nihoniho ma ka mahele
elua, ame ka inoa pololei o ke kama
a ka eueu o Uwahipouli; nolaila ili-
ki hou ia mai a mahanahana ke ku-
mu pepeiao!—L. H. BOSTON, Dec. 26.—Hookahi ka-
naka i make i keia la a he 30 poe
a oi aku aia maloko o na halema'i
mamuli o ka waiona i inuia ma ka
La Karisimaka. DUBLIN, Dec. 26.—He Karisima-
ka maluhia loa ka i hala iho la ma
Irelani nei. Aohe karaima i hanaia
i hoikeia mai no aneane ekolu la. | | |
| | | HOOPA'IIA HE KANALIMA DA-
LA NO KA HOLONUI. Imua o ka aha o ka Lunakanawai
Apana Soares, i ae okoa ae ai o
Walter R. Palmer, he haole malihini
kaahele, no kona pili i ka hewa ho-
lonui, a ua kauia mai ka hoopa'i o
kanalima dala maluna ona, no ke
ku-e i ke kanawai. O keia ka haole, nona ke kaa
otomobile, i holonui ai, mawaho ae
nei o ke alanui Kalakaua, a pakele
iho no ke ola o kekahi wahine, e
hele ae ana e kau iluna o ke kaa
uwila, ma kahi hookahi no i hoo-
ku'iia ai o Miss Hall, a make ai,
maloko o ka halema'i. Wahi a Mr. Palmer imua o ka
aha apana ma ka Poalua nei, he
hookahi kumu o kona hoopaa ole
ana i ka holo kaa, ma kela manawa
a kekahi wahine e hele ae ana e
kau iluna o ka otomobile, o ia no
kona maopopo ole, i na kanawai i
kauia no na kaa maanei nei. O na kanawai i kauia no na kaa
ma ka Mokuaina o Makekukeka, ua
hookaawaleia, he hookahi wale no
aoao, e kau ai iluna o ke kaa uwila, o ia ka aoao akau, no kela kamaaina i na kanawai o ia mokuaina, i hoo-
mau ai no oia i ka hooholo ana i
kona kaa, a ua hookahaha Ioa ia aku I
hoi kona manao, i kona wa i ike
aku ai i ka hele ana ae o kekahi
wahine, mai ka aoao hema ae o ke
kaa uwila. O ke kumu wale no i pakele ai ke
ola o kela wahine, mai lilo i luahi
na ke kaa otomobile o Mr. Palmer,
elike mo na hoakaka a ka poe i
ikemaka, a ke ano o ka holo ana o
ke kaa otomobile o Mr. Palmer, o
ia no ke emi hope ana aku o ua
wahine nei, iaia i ike mai ai i ka
holo pukalaki aku o ke kaa oto- mobile, ina no kona hoomau no i ka
holo ana imua, ina ua hooku'iia aku
oia, e maopopo ole ai kona hopena. Ua hoakaka hou ae no o Mr. Pal-
mer, imua o ka aha, o ke kumu o
kona noho pouliuli, me ka maopopo
ole, no kona makemakeia ana e ho-
ea aku imua o ka aha, no ka hewa
holonui, no kona hala ana no na
kuaaina aku nei no kekahi mau
la, aka iaia nae i huli hoi mai ai
i ke kaona nei, a ike maloko o na
nupepa, ua makemakeia oia, ia wa
i hoike okoa ae ai oia iaea iho, imua
o ka oihana makai. | | |
| | | | | | | | | | A KAI AU O KA UWAPO, I KA
IHU O KA MOKU KIAKOLU. E ke Kapena, me oe ka anoai: —
Oiai he huakaihele keia, ua hoo-
kokoke aku la ke kamahele, no ka
uwapo e pili ana o ka S. S. Like-
like, i ka hora 4 p. m., o ka la 19
o Dekemaba.
I ke kokoke ana ae o ka mea
ana hora a Ahaza i ka hora e five,
wahi a ka poe himeni, ua pupuhi
ae la ke oeoe hope i ka hoailono
hookaawale, a kuululu ana ka ohua
like, me ka ohua palemo i ka oneki.
Hemo ke kaula hoopaa, kapalulu
ana ka mea kakani a ke kapena,
o ka hoomaka iho la no ia o ke
oiai moku e oni liilii, a hoomaka
mai la ka moku e holo e pee mai
ka poe mai e kuku ana i ka uwapo.
Ike aku la au i ko uka poe, e
ani mai ana na lima, a o ko ma-
kou poe hoi o ka moku, e kowelo
aku ana i na hainaka, he hoike hoi
no ka pilipaa o ia mea maikai he
aloha mawaena o kekahi ohana ame
kekahi, a oi loa aku hoi ina o;
Auwe ke aloha e,
Ua lawe e ka moku e,
I ko'u koolua e,
Pono ole o Palala e.
I ka mamao ana o ka moku mai
ka aina mai, ua hoohuli ae Ia ka
ihu no kona alahele o Molokai ka
pahuhopu, a eia hoi na ohua ke
nana iho la i ka waiho malino o
ko kai i ke awa o hui aku na ma-
ka i Kou.
Mamua o ka hiki ana mai o ke
kamaaina maamau o ka huakai ho-
Io moku, ike aku la au i ko'u mau
hoa holomoku e liuliu mai ana i
kahi e lapuu iho ai, o kahi pauku
kino. ma ke kuono o Sanana, eia
nae, he nui ka malie o ka moana,
o ia maiino no o ke kai mai ke awa
Ia'i o Kou ahiki i ke komo ana o
ka moku i ke awa o na La'i elua
a ka manu.
Hui pokole me na kupa o ua kaha
la, a kau iluna o ke kaa no ka
home ka pahu hopu, he loa o 19
mile.
I ke kaa e holo nei i ka poeleele,
o ke kuku a na kumu kiawe ma
o a maanei o ke alanui kau e ike,
o kahi pauka kino he hoike hoi e
ha'i mai ana i ke kamahele, ua
ino lalo o ke alahula (alanui).
I ka hiki ana i ka haleleta o
Pukoo, e waiho mai ana ke kauo-
ha mai Kamalo mai ma ke kelepona
i ko makou kianoa, e kii hou aku
ia lakou, no ka mea ua pau ka pono
o ia mikini.
Olelo mai nei ke kiakaa, e hoi
hou ana kakou i Kamalo, ua ili mai
Ia ia moku o makou i Lipaapaa, aia
i kahi o ka lunakanawai mailaila
mai la keia kelepona.
Olelo aku la ke kamahele, laki
no i ka ili ana i kahi kanaka, ina
i ili aku ilalo o ke one o Kuino,
ina ua koelewawae i ka poeleele me
ia mau kanaka inoa o Molokai nei,
o Kumealo'e me Niauhoe, ua hala
nae laua i Kaleponi i ka eli gula,
aole e kala loa.
Ke hooiho hou nei ka moku kaa
i ka pehuini o uese pauaka ka ilhu,
a o Kamalole ke awa, he loa o 7
mile a oi, ia nei la pau iho la ka
hie o ke Kalekona i ke kamahele.
Hele mai la ka makehimoe a
luluu i na maka, no ka mea o ia
mau kuku no o ka lihilihi mai
Honolulu aku nei, a hehi no i ka
uwapo o Kaunakakai, kau ao i ke
kaa hooluhi kino o Nihiaumoe, lilo
i ka ukeuke a ke kalaiwa, ilaila hoo-
manao ae la ke kamahele.
I kuu wahine mai ke one kuilima
laula e Ewa,
Kuu lau pua makani maunuunu
mailalo,
Ua hoomahoa ia e ka la.
Maho'a mahoahoa ka pua i ka la,
Lupe ka mauu i ka malu a ka
ohai,
Ua mauia i ka la moe i ke kula,
Moe aloha i ke kula o Kokoloea
a he ma-i e.
Mamuli o ka luhi o kahi kino me
ka makehiamoe pu, hooponopono iho
la e hoonanea ma ke kuono o Sa-
nana, mai ka lani no a ka honua,
lele ana kahi pauku kino iluna
a pahu, hou iho la, pela wale no
ka apa ia ana, a ku ana i ka puka-pa
o ka lunakanawai opiopio o ka
moku o Hina.
Hui iho la me ia maka kama-
aina panai ke aloha kakahiaka,
oiai nae ke pouli poele nei no kau-
hale o Limaloa.
Hakalia no apau kela poe iluna
o ke kaa good bye oukou, o ka
lilo mai ia no ia, hiki no hoi i ka
hale malamalama, hui iho la me ka
ohana me ka pumehana.
Hakalia no a piha ka houpo, o ka
lilo aku la no ia i ka aina moeuha-
ne o Kauaikanana, i puoho i ka hoa-
la a na moopuna, i kaakaa ae ka
hana o ka onohi ike, e lalawe aku
ana o Lehua i ka la.
Poaha i ka hale no kahi i loli
malie ai, i ka hehi o keia huakai,
a i ka Poalima akahi no a hele
aku e ike ohana.
Ike aku la ia Iakou, aia oloko
o ka hana, e hoomakaukau ana i
na mea e pono ai ka lehulehu, oiai
he hoike hui ko na Kula Sabati
o Hina, ma ka apana o Waialua
Ahiahi Poaono hoi mai ana ka
moopuna wahine a palami nei, me
na kikiki o ka ahamele ia ahiahi
olelo mai la ia'u, eia na kikiki no
ka ahamele, i kauohaia mai nei oe
e hele aku.
Ua pono, wahi au, makaukau iho | la no ka hele i ka hiki ana aku no
kahi o ka hana, e noho mai ana ka
lunakiai Kahu Kula Sabati Nui J.
N. Uahinui, ka umauma lahalaha
o ka Ia'i a ke Kioea, ka makua
J . W. Kalua, ke komite o na Kula
Sabati o Maui, Molokai ame Lanai
ame ke Kahu Rev. I. D. Iaea, hui
iho la mo ka pumehana, a kakali
aku la o na hana o ia po.
I ka apa no nae, a i ka mili, no
ka nui loa paha o ka hauoli i ke
kokoke loa mai o ke Kalikimaka
ke kumu o keia none ana, a-wa no
hoi ahiki o Lohiau ka ipo i Haena,
akahi no a hoomaka na hana o ia
ahiahi.
Aohe no he mea hoohalahala a
ka ua naulu i ke kula, he like wale
no mai Kaena a Waialua, aole no
nae i kulu ke aumoe, o ka pau ae
la no ia o ke kani hoohonehone ana
a ka poe ia lakou ka ipu makani
a Kuapakaa, no ka haawi ana i wa
hoomaha no na hana o ke Kula
Sabati, ke hiki mai i kona manawa.
Hoi mai la me na moopuna ahiki
i ka hale, ike iho la i ka u'i o Ka-
uakahialii, a i ka nani no hoi o
Kaililauokekoa, a i ka nohea no hoi
o na kaikuahine aala o Aiwohiku-
pua, a i oi paumi aku i ka leo hono
o Kanikawi, pila gita a pau ia mau
nune ana, haule iho la ma ke kuono
o hoonanea me Kauaikanana.
Ao ae la he Sabati keia, Dec.
24, o liuliu o makaukau ke kau iluna
o na waa he umi ihu elua kau a
holo aku la no ka halepule o Waia-
lua.
I ka loaa ana mai o ka pepa kuhi-
kuhi o na hana hoike o ia la, mao-
popo ae la na mea apau.
He ma-u no ia hoomomole ana mai
a Lohiau Puna i ke akua wahine,
Molilena i ka ua a ka awaawa i
kamaaina, akoakoa no hoi na kula
hoomaka na hana.
O ka nui o na kula i hiki mai he
ekolu, Halawa, Kaluaaha ame Ka-
malo, hui no hoi me Waialua eha
kula i lawelawe i na hana, a koe
hoi o Kaunakakai, anoai he mau
kuia no.
Elike no me ka mea maamau ia
hana, o na himeni ame na haawina
o ia no keia, aia no ka u'i ame ka
nani o na hana me na kula apau.
Hookuu na hana me na manao ho-
olana mai ka poe i haawiia na ma-
nao paipai.
Hoi ae la iluna o na pakaukau,
hookomo kowaho iloko no ka hauoli
Kalikimaka, me ka mahiehie.
Poakolu ae, he meha ke kula, aole
lele pueo, eia nae mai kekahi mai
ka lohe o ka kamahele, he o ia mau
na mea apau no ka hauoli o ia la
Kamahao i oi ole aku mamua o ka
pali he pakeu.
Ua hui ke kamahele me ka hope
alii makai hou o Molokai nei, a he
kanaka opio loa oia, a na ka hana
o hoomaikai mai iaia elike me ka
hilinai o ka makai nui.
Poalua me Poakolu, eia no ke ka-
mahele i ka home mo na moopuna
kahi i hoomaha ai, no ka huli hoi
mai i ke kaona nei.
Ia mau la nae, ua pa-e mai ka
lohe i ko'u mau pahu kani, mai na
manu puapua lenalena mai, e hoike
ana ua hoopauia o Mr. Munroe, luna-
nui o ka aina hanai holoholona o
Molokai, mai kona kulana mai, no
na hana pili kalaiaina ka, ame ka
home hoopulapula o Kalamaula, ina
pela ka oiaio, alaila ua loaa ke ka-
ona o kahi olelo hookaau o ua mo-
kupuni la o Hina i keia mau la a'u
i lohe aku nei i ka puanaia e na
mea apau, a o apalami nei, hoi
kekahi i puana ao ia huaolelo hoo-
makeaka, he uha la-.
He ko'iko'i ka manao o keia hua-
olelo ke hoakakaia ka manao, anoai
o hiki i'o mai i ka manawa a ka
moe e puana mai ai pela, he He
Uha la.
Nui ka papaaia o ka aina i ka'u
ike aku, hele a kuanea na kula uli-
uli o ua aina la i ka ai inoino a
ka la.
Eia na mahi halakahiki ke noke
mai nei, a o ka mea hana, e loaa
aua no ka uku, wahi a Paulo. Owai
ka mea hele i ke kaua, a nele i ka
ukuia mai, pela no lakou.
Poaha ae ike hope me na moopuna
a hookokoke mai la no ke awa o Pu
koo, ku no hoi ka moku i ka hora
molehulehu, kau ma ka waapa no
ka oneki o Likelike, he o ia mau
no ka nohea o na papalina o ua
kamaliiwahine la e kau ana iloko
o ka rumi aina o ka moku, aka ua
pau nae ka nani o kona ano.
Ia'u i ka oneki o ka moku, nana
iho la i ke kai hele a malino, me
he mea la ua nininiia i ka aila oli
wa e Rubello Morino, kekahi o na
loea mele o Italia i haku ai no ka
ipo.
E ninini aku au i ka aiia o ke
aloha iluna o ka muliwai, i pahola
ae kona malino no kuu ipo ma ke
alo alii o Napela.
B ka manu ruffe e hai aku iaia
na ma'i au.
Haalele ia Pukoo no Kaunakakai
pau mai kolaila mau ukana me na
ohua, huli hoi mai la ka moku no
Oahu ka ihu.
I ka hookokoke ana mai i ka aina
nei, ia mau hora poniponi o ke
kakahiaka, nana mai la i ka aina
i piha me na hoku imoimo ole e
hoohiolo ana ma-o a maanei o ka
puu kaulana o Daimana Hila, i ka
hiki ana mai i kahi o ka poe kau
lana ku i ka nuku, nana e hoowali
nei ko kaona, lohe koliuliu aku la
ke kamahele i ka leo uene hoouwe
o ka lawakea e puana mai ana. | | | | | | | | |
| | | |
| | | |
| | | |
| | | |
| | | | | | | | | | | | | |
