Ka Nupepa Kuokoa, Volume LXII, Number 1, 4 Ianuali 1923 — HOOHANAIA KA PAHI MAHOPE O KA HOOPAAPAA ANA. [ARTICLE]
HOOHANAIA KA PAHI MAHOPE O KA HOOPAAPAA ANA.
Ma ka po 0 ka Poaono aku la i hala, i hoea ae ai 0 Joc Palenapa, 0 ka Helu 1419 0 ke alanui Liliha, me ka moku pahi īna kona umauma hema, noloko 0 ka halema'i 0 na poino ulia, a malaila i lapaauia mai ai oia, no kela eha, i loaa iaia. Ua hoea pu ae no hoi iloko 0 ia manawa hookahi he Paele nona ka inoa o E. Cusbenberry, ka mea nana 1 hou ia Palenapa i ka pahi, no kona lapaauia mai, 0 ia kekahi eha ma kona poo, ame ko'na ku'eku'e lima i ma-ui. I kulike ai me ka hoike a na makai, ua ikeia kela mau "kanaka elua i ko laua hoopaapaa, a mahope iho o kela hoopaapaa ana, i unuhi ae ai ka Paele he pahi, a hou aku la ia Palenapa. Iloko paha 0 kela aumeume ana o laua, i loaa ai ka ma-ui i ka lima 0 ka Paele, a pela hoi ka eha ma kona poo. No kela hou ana nae i ka pahi i hopuia ae ai ka Paele, me ka lapaau pu ia nae 0 kona mau palapu.