Ka Nupepa Kuokoa, Volume LXII, Number 1, 4 Ianuali 1923 — HE HOALOHALOHA .NO KUU LEI MOMI UA HALA. [ARTICLE+ILLUSTRATION]

HE HOALOHALOHA .NO KUU LEI MOMI UA HALA.

I ka Lunahooponopono o ltc Kuokoa, Aloha oe: —E oluolu oe e haawi mai i kekahi rumi kaawalo o kau hiwahiwa no ka'u wahi puolo waimaka nui, a nana hoi ia e anapu aku ma na kihi eha o ka honua, i ike mai ai na makamaka ame na hoaloha o kuu lei momi i niau palanehe aku la ka hele ana ma ke ala koikua a Kane, e noho mai la mai ka la hiki mai ma Kumukahi a ka welona a ka la i Lehua, o Paulino Poliehuikaluaopele Paiaina ua hala, ua moe aku la i ka moe kau a moe hooili, a o ka uhane ua hoi aku i ka M«a Nana i haawi mai. Ma ka po o ka Poaha, Dekemaba, 14, 1922, i kipa mai ai ka elele a ka make a kaili aleu la iaia mai ko maua poli a mai ko makou home aku a maiwaena aku hoi o lea ohana, a haalele iho la ia maua na makua, i kona mau kaikuaana, na kaikunane, na pokii, he ohana nui a pela • hoi i na hoaloha ame na makamaka h-e nui, e kumakena mau aku nona me na hoomanao poina ole. He hoahele pu oia no maua ma na wahi apau no ka liana a ka Haku. Aloha o Kaimuki, ia wahi a makou e hele pu ai, ua pau kou hele pu ana me maua ma na wahi apau, ua pau ka loho hou ia ana o leou leo ma ka papa Kula Sabati o Kamoiliili ame Kaimuki Home, pela hoi e ke alanui 10; aole e kilihune hou na paka ua Lililehua o Palolo maluna ona no ka mea ua nalo kona mau maka no ka wa mau loa. Aloha kuu lei hele loa! E ke kaa uwila e haulani uei i ke alahao, ua pau kona kau hou ana maluna ou, e ka Ua Kuahine o Manoa, e nihi hele ae la ma Waahila, aole e hoopulu hou ana kou mau kilihune ma kona mau papalina; e Puoliia aole e hehi hou aku ana o Pauline maluna o; kou mau hunalepo, e ka Paka a ku Makuahine Laiki, kahi a kuu lei e walea ai, aole e maalo hou aku ana o Pauline maluna o kou kahua, kahi hoi ana e nanea ai me kona mau hoa i ka pa kolonahe mai a ka makani; e Maulukikepa i ka uluwehi a ka Jeo o ke Kahuli, ua nalo o Pauline, ua pau ka hone ana o kona leo hoohauoli ia home. Auwe kuu aloha, kuu minamina pau ole ia oe a! Ua hanauia o Pauline Poliehuikaluaopele Paiaina ma Kamoiliili ma ka la 13 o Aukake, 1904, a iaia i moe aku la ua piha iaia na makahiki he 18 me na mahina keu eha ame hookahi la o ka hknu ana i na ea huihui o keia ola mauleule ana a moe aku la, a ahu iho Ja i ka u me ke kaumaha na makou e kanikau mau aku. O ka makou noi i ka Makua Lani e lawe aku Oia i na kaumaha apau mai ia makou aku a e haawi mai ia makou i ka maha. E hoomaikaiia Kona inoa, no ka mea Nana no i haawi mai a Nana e lawe aku. Ke haawi aku nei makou ka ohana apau i ka makou mau hoomaikai palena ole i ko Kahu Akaiko Akana, a pela me ke Kahu Kula Sabati o Kawaiahao ame ko Kamoiliili me ko laua mau papa himeni pu, pela hoi i ka papa himeni o Kaimuki Home. Ke haawi pu aku nei i ka hoomaikai i na hoaloha ame na makamaka apau i hoouna mai i ka lakou mau makana pua, a i ka poe hoi apau i ukali pu ma ka huakai hoolewa a hoomoe aku i kona kino lepo ma ka ilina o Kamoiliili, a e oluolu oukou apau e lawe aku i ka makou mau hoomaikai. Na ke Akua lokomaikai e kiai hoomalu, a e hoopomaikai mai ia kakou apau. Ke hooki nei maanei me ka hoomaikai nui aku i ka lunahoopono-

pono ame na keiki ulele liuakepau o ka papapa'i O makou iho no ka ohana i hookaumahaia, MR. M. PAIAINA, MRS. H M. PAIAINA, MRS. K. KAUKAU, MRS. HANA KAM, MRS. KAPIKA MITO, MAIKA PAIAINA JR. MRS. M. PAIAINA JR, EDDIE PAIAINA,

MISS PAULINE P. PAIAINA,