Ka Nupepa Kuokoa, Volume LXI, Number 52, 28 December 1922 — Hooku'i he Kaa Otomobile me ke Kaa Uwila Loaa ka Eha Kukonukonu i Kekahi Mau Mea Elua Maluna o ke kaa Otomobile MA KAMOILIILI I LOAA AI KELA ULIA Lapaauia Hookahi ma ka Halema'i o na Ulia a Hoi Kekahi no ka Home [ARTICLE]

Hooku'i he Kaa Otomobile me ke Kaa Uwila

Loaa ka Eha Kukonukonu i Kekahi Mau Mea Elua Maluna o ke kaa Otomobile

MA KAMOILIILI I LOAA AI KELA ULIA

Lapaauia Hookahi ma ka Halema'i o na Ulia a Hoi Kekahi no ka Home

Ma ka uakee o ko alnnui, mawaho ae nei o Kamoiliili, mahope iho o! ka hora umi-kumamalua, o ka po o ka Poaono aku la i hala, i hooku'i ae ai he kaa otomobile, me ke kaa uwila o Kaimuki, a o ka hopena i ikeia, o ia no ka eha loa o ka poe maluna o ke kaa otomobile, me ka nui pu o na poino i loaa i kela kaa, a manuhe'u iki hoi ke kaa uwila. I kulike ai me ka hoakaka a na ohua e kau ana iluna o ke kaa uwila, ua pili lea hewa, ma ka aoao o ke kiakaa o ka otomobile, no ka mea e holo mai ana kela kaa 110 ko taona nei, ma ke alahao o ke kaa uwila, e holo aku ana nowaho o Kaimuki, a oiai he wahi uakee kela o ko alanui, aole he ike mai o ka poe oluna o kela mau kaa a elua i ka hookokoke loa aku o na kaa i kahi hookahi, aka nae i ka oili pono ana ae ma leahi o ka uakee, akahi no a ike ke kiakaa o ka otomobile, i ka oili ana aku o ke kaa uwila, ia wa oia i hoo-. huli a-e ai i ka holo ana o kona kaa ma ha'i o ke alahao, o ka wa no ia i hooku'i ae ai o na kaa a elua i kahi liookahi. Ma ka manawa i hooku'i ai o na kaa i kahi liookahi, ua pau ke aniani palo makani omua o ke kaa otomobile i ka nahaha, a o ka wahine keia e noho ana mamua me ke kiakaa, ua kiolaia aku oia mailuna aku o kona wahi e noho ana, a hooku'i i kela aniahi, alaila kulana hou mai la noloko o ke kaa. Ua pau kona helehelena i ka mokumoku i ke aniani, a ma ka hoakaka a kekahi o na ohua oluna o ke kaa uwila, ua hele-awai lee leahe ana a ke koko, a o ia haawina pu kekahi i kau aku maluna o ke kiakaa. He wahine kekahi maluna o kela kaa otomobile, ma £a noho mahopo, oia pu kekahi i eha, ma kela hooku'i ana o na kaa, eia na-e he wahi eha liilii loa ko'na, ke hookukuia ae me ko ka elua o na wahine. Maluna o kela kaa uwila, o William E. Meyers, ka hope kauka, o ka halema'i o na poino ulia oia ka mea nana i haawi ae i na kokua ana no ka poe poino, a nana i kelepona mai i ke kaa halihali ma'i o ka halewai, no ka hola ana aku e kii i na mea ko'iko'i o ko laua poino. I ka hoea ana nae no ka halema'i 0 na ulia, o ke kiakaa wale no o ka otomobile, ka i lapaauia mai, ma ka wa-hiia ana o kona poo; a no ka wahine hoi i mokumoku ka lielehelena i ke aniani, ua hoihoi loa ia oia no kona home. Aole kela o ka mua loa o ua ulia 1 loaa ma kela wahi uakee o ke I alanui ma Kamoiliili, aka h« lehulehu wale na ulia kaa malaila i na wa i hala aku, no ka mea e ike mau ia ana ka mokaki o na aniani iluna | o ke alanui, na aniani o na kaa i hooku'i. He hookahi mea laki loa ma keia hooku'i ana o kela mau kaa, o ia no ka poino ole ana o kekahi ola.