Ka Nupepa Kuokoa, Volume LXI, Number 52, 28 December 1922 — PAKELE HE KAIKAMAHINE MAMULI O KONA LAUOHO. [ARTICLE]

PAKELE HE KAIKAMAHINE MAMULI O KONA LAUOHO.

Mamuli o kona mau lauoho loloa i hoopakeleia ai ke ola o kekahi kaikamahine uuku o ewalu makahiki nona ka inoa o Rose Torres, ma ka po o ka Poalima o ka pule i hala, ina la paha he kaikamahine make oia mahope mai o kona ku ana i ka poka ma kona a-i mai ka pu aleu a kekahi keiki Kepani uuleu o umi makahiki nona ka inoa o Masa Kimura o ke ki ana aku ma ke ano paani, me kona ike mua ole he poka kekahi iloko o ka pu. I kulike ai me ka moolelo a ka makai August Carreiro, ka makai nana i ninaninau pono i leeia ki pu ulia o ka hoihoi ana ae i ke keena 0 ka oihana makai, aole i ike o Masa Kimura he poka koloko o ka pu ma kela manawa ana i ki ai. Iloko no ke keiki o kona liale ma ke alanui Kopke, wahi a ka makai, a mawaho mai o ia hale kahi kaikamahine uuku. Oiai kahi keiki maloko o ka hale ua lalau aku la oia 1 kekahi pu ralfela a kau poho mai i kahi kaikamahine e ku aku ana mawaho ma ke ano e ki mai ana iaia ma ko ano paani, eia nae, ua kani io mai la ka pu a ku ke kaikamahine uuku ma ka a-i, o ko kumu wale no o kona pakele ana no ka loloa o ka lauoho e luhe ana mahope o ka a-i. Ua lawe koke ia ae ke kaikamahine poino mauwalo no ka halema'i o na poino ulia a malaila i nanaia ai kahi o ke kaikamahine i poino; ua okiia kona lauoho, a ua weheia ka poka i paa i ka wiliia me ka lauoho ahiki i ka hemo ana, he poka i manaoia ina aole i hihia i ka lauoho, ua kukonukonu loa ke komo ana iloko e lilo ai i kumu make no kela kaikainahino. Mahope iho o ke kauia ana i ka laau ua hoihoiia aku ua kaikamahino la no kona home no ke kukonukonu loa ole o kona wahi i ku ai i ka poka.