Ka Nupepa Kuokoa, Volume LXI, Number 52, 28 Kekemapa 1922 — E HOOLAULAIA AE KE ELANAWAI LAIKINI. [ARTICLE]

E HOOLAULAIA AE KE ELANAWAI LAIKINI.

Ma ka manawa e kamailioia ana ka ninan e pili ana i ka nuhau ma Hawaii nei i hoike ae al ka Pnuku Kulanakauhale ame Kalana L. Conkling i kona manao kuhalahala 110 ka lehulehu o na hana imi loaa • lawelaweia mai nei ma Honolulu nei aohe nae i auhauia, a ua lioike ao oia i kekalii o ia mau hana i laikini ole ia o ia na paka e malama mau mai nei i na hana hoohauoli a hoikeikei ame kokahi mau hana o ae, n aneane he 43 wale no mau ano laikini like ole i hiki ke hoopukaia aku maloko o ke Teritoro, ina no ka laikiniia o na hana imiloaa apau e pakolu aku ana ka nui o na loaa me ka hoemiia mai o na uku auhau. "A oiai," wahi ana, "aia no ho kanawai kuikawa e hoakaka ana no na laikini no na halekeaka ame kiionioni, aohe nae he mau laikini i hoakakaia ma ia kanawai no na paka hoohauoli a mau hana lealea a mau wahi hoikeike e ae, kahi o na hana lealea i hookaawaleia." Wahi hou ana, "maloko o ke kulanakauhale o Los Angeles aneano he 497 mau laikini o na ano like ole e hoopuka aku ai a o na loaa makahiki i loaa mai keia mau laikini mai he nui hewahewa." Ina no ka hoolaulaia ao o ke kanawai e pili ana i na laikini e pakoluia ana na loaa mamua o ko keia manawa. He hoolako ana mai a nui ko dala ma kahi o ke Teritore e ake nui mai nei i nei manawa i kahi e kahe nui mai ai ke dala. He hoemi pu ana mai hoi ia i na auhau i hele a kuapapanui i nei manawa. "He hana kaulike ole," wahi a Conkling o ka hoike ana ae, "ke koi ana aku e uku mai kekahi papa o ka poe lawelawe oihana a e ae aku hoi i kekahi poe lawelawe oihana e ae e lawelawe i ka lakou mau hana me ka laikini ole ia. "He bila kanawai ka i hookomoia aku iloko o ka ahaolelo kuloko ma kekahi o na kau i hala, e noi ana e hoolaulaia ae na palena o ke kanawai laikini, eia nae, ua hooheneheneia mai ia bila o kekahi o na hoa kaukanawai mai na mokupuni mai mawaho a apono ole ia e ka oihana kalepa a make loa ii* bila, oiai nae o kekahi bila ia e loa» nui mai ai ke d3la," wahi ana ma ka hoopau ana i kona manao.