Ka Nupepa Kuokoa, Volume LXI, Number 51, 21 Kekemapa 1922 — HOOKUUIA NA KOA AIHUE MAHOPE O KA UKU ANA AE. [ARTICLE]
HOOKUUIA NA KOA AIHUE MAHOPE O KA UKU ANA AE.
O Charles Welshan3 ame «Tames Colett na koa i hopuia ai a hoopiiia ao no ka hewa aihue, no ke komo ana iloko o ka hale o kekahi Pilipino ma Olaa a laweia kekahi mau waiwai mailoko aku o ka hale, ua hookolokoloia laua maloko o ka aha apana o Hilo, ma ke kakahiaka 0 ka la 11 nei o Dekemaba. Ua ae laua i ko laua aihue ana a ua kapiia mai « ka aha he $50 ko ka inoa mua a he $25 ko ka inoa hope. No ka aihue ma ke degere elua ko laua kumuhoopii o ka hookomoia ana ae. He Kepani o Fujimoto ka inoa a 1 hoopiiia ae no ke ku-o kanawai waiona ua haalele oia i ka bela o $125, elike m« ka hoakaka a ka lono mai Hilo mai.