Ka Nupepa Kuokoa, Volume LXI, Number 50, 14 December 1922 — Nuhou Kuloko [ARTICLE]

Nuhou Kuloko

Eia na lala o ka Ahahui Phoeni* ke hoomakaukau mai nei, i ka lakou mau hana hoikeike e weheia aku ana ma Aala Paka, ma keia pule ae. Ma nehinei aku la i hoouna aku Ri ka Banako o Bihopa ma \ na kikoo dala, a ka poe i komo iloko o ke, Kalapu Hoahu Karisimaka o keia makahiki. Ma ka Mauna Kea o ka Poakolu nei i hala aku ai ka .Mea Hanohano W. J. Coelho no Hilo, a ma keia Poaono iho no oia e huli hoi mai ai me na malihini kaah.ele honua mai Amerika mai. Ma kahi o ka hookahi haneri mau kaa otomobile, i hoolimalimaia no ka lawe hoomakaikai ana i na malihini kaahele honua, e kipa mai ana no keia kulanakauhale, ma ka auwina la o keia Poaono iho. Elike no me na makahiki aku nei i hala, pela ana no e malamaia aku ai na hana hoomnao Karisimaka maloko o ka pa'lii, ma ka po Sabati, ka la 24 o Dekemaba nei, a ao ae ke Karisimakā. Mahope iho o ka hooka'uluaia ana no kekahi manawa ae nei i hala, i hoea mai ai i ka wa e hoomaka koke aku ai ka hoomoe ana i na paipu wai ma ke alanui Moi, ame ka hana hou ana i kela alanui. Ma ka noho ana ae o ka halawai a ka papa o na lunakiai ma ka po o ka Poalua aku la i hala, i hooleia ai ka manao o ka poe no lakou ka hokele Moana, no ke kuapo ana i ke alanui Kaiulani, ma kekahi wahi okoa aku o ka aina o ka hokele. Ua hoakaka ae ka Makai Nui Rose, aole he mau hana hoopaiakuli a mau hana hoohauoli e lawelaweia ma na alanui o ke kulanakauhale nei, ma ka po mamua iho o ke Karisimaka ae nei, aka e whihoia ha hana hoohauoli a lioea rtifti i ka Hapenuia. Ma ka papu Kahauiki ae nei, ma ka Poakahi aku la i hala, i halawai ae ai kekahi haole koa me ka make ulia, mamuli o kona wiliia ana e ka mikini hoowali palaoa, oiai oia e hana ana maloko o ka hale puhi palaoa o na koa malaila. Maloko o ka Hale Kiionioni Bell Theater, ma Kakaako, ma keia po, Dekemaba 14, e wehe ae ana ka Hui Hawaii Holomua, he hoikeike tabalo maloko olaila, he mau hoikeike i ake nui ia ai ka lehulehu o Kakaako, e hele ae e ike pono i kā nani, he ole ka lohe pepeiao. Ma ka hapalua o ka hora ehiku o keia po Poakahi iho, Dekemaba 18, e malama ae ana ka Ahahui Kokua ame Manawalea o na Poola he halawai hoomanao, maloko o ka ,hale halawai o ka ahahui ke Poola Hall, a ua makemakeia na kane ame na kaikuhine poola e hoea ae ia halawai. Mailoko mai o na apana aina hoo' pulapūla o Kālamaula, Molokai, i hookaawaleia ae e "ke Komiaina Home Hawaii, he eha wale no mau apana i koe, no ke koho ana aku o kekahi mau ohana a ke kemiaina i apono mai ai e hoi a noho ma Molokai. . Ke hamau loa mai nei ka lohelohe ia o ka mea e kohoia aku ana i peresidena no ke senate, aka nae he lono ka i pu-a ae mai Hilo mai, no ke kaa aku o kela hanohano i ke Senatoa Erhest Akina o Kohala, kekahi o na hoa kahiko oloko o ke senate. Ma ka mokuahi Shinyo Maru o ka haalele ana mai i keia awa, ma ka auwina la o nehinei, i hala aku ai o Mr. Ernest Kaai, me 12 mau keiki Hawaii himeni me hookani pila, no ke kaahele ana ma na aupuni like ole," a hoea loā aku rio Europ&. *+♦ TSINGTAO, Dec. 10.—Ua hoihoi hou ia aku ia Kina ma ke awakea o keia la Ha okana aina o Tsingtao me ka hūkiia ana iho o ka hae Kepani ilalo a hukiia ae iluna kā hae a na Pake malupa.ae. o ka hale o ke kiaaina, he h'oike ana i ko 'I»pana hookuu ana i kona mana kivila ame ka mana hoomalu o ka oihana koa malupa o Kiaoehow, kahi i hoolimalima mua ia ia Kelemania, a o kahi hoi a lakou i paa ai mai na la mai o ke kaua nui o ke ao.