Ka Nupepa Kuokoa, Volume LXI, Number 49, 7 December 1922 — Noho Hana me ka Hui o Hall & Son no na Makahiki he Kanaha Haawi Makana ia o William Chung Hoon, Sr., he Uwaki me ke Kaula Gula e Kona Mau Haku Hana me na Hoa Limahana [ARTICLE]

Noho Hana me ka Hui o Hall & Son no na Makahiki he Kanaha

Haawi Makana ia o William Chung Hoon, Sr., he Uwaki me ke Kaula Gula e Kona Mau Haku Hana me na Hoa Limahana

Ma ka Poalima aku la i hala, ka la 1 o Dekemaba nei, i piha ai na makahiki he 40 o ka noho hana ana o William Chung Hoon, Sr., me ka hui o Hall & Son, e ku nei ma ke kihi o na alanui Moi me Papu, a o kekahi hbi o na halekuai kukaa kahiko loa ma keia kulanakauhale. I hoike ma ka aoao o na haku hana, pela hoi ma ka aoao o kona mau hoa limahana oloko o kela halekuai, no ka nui o ko lakou mahalo, a hilinai piha iaia, ua hookahaha ae lakou ia Mr. Chung Hoon Sr., ma ka manawa i pau ai o ka hana, ma kela ahiahi Poalima, ma ka haawi makana ana aku iaia, he uwaki gula me ke kaula. Ua nanea maoli o Mr. Chung Hoon Sr., me ka noonoo ole ae, o kela Poalima ka piha ana iaia o na makahiki he 40 o ka noho hana ana malalo o ka hui o Hall & Son; nolaila ma kela la holookoa, ua nanea oia ma kana mau hana, o ka manawa mua loa ana i liaupu mai ai, no kekahi hana kolohe ma ka aoao o kona mau haku hana ame na hoa limahana, o ia no kqna manawa i kii aku ai i kona papale, ma kana wahi e waiho mau ai, aole ua papale nei ona, nolaila ninau aku la oia i kekahi poe kupakako, o ka lakou pane, aole lakou i' ike, aia nae ma na helehelena o kela poe ka minoaka, me he nrea la, ua huna maoli ia no kona papale, i kumu nona e hoi koke ole ai i ka hale, ahiki i ka wa e pau ai o kekahi liana i hoolalaia e "lakou.

He oiaio, iaia e huli ana me ka hosa i kona. papale, ua oili mai la ka ona o ka halekuai, me na kupakako apau, a hoopuni ae la iaia, a iloko o ia manawa hookahi i hoikeia mai ai iaia, o ka piha ana iho la ia o na makahiki lbe kanaha o kona noho ana malalo o kela hui, a ma ka aoao o na ona no lakou ka halekuai, pela hoi me ka poe hana apau loa, ua hoomakaukau lakou i kekahi makana i mea hoomanao, alaila haawi mai la ka uwaki gula me ke kaula ia Mr. Chung Hoon, Sr., he makana hoi ana i lawe mai ai me na manao hiipoi loa, mamuli o kona ike ana iho, aole ia i haawiia mai malalo o kekahi mau kumu e ae, aka he hoike oiaio, no kona hilinaiia e kona mau haku hana ame kona taau hoa-< limahana malalo o keJa hui. He poo o Mr. William Chung Hoon Sr., noloko o ke ke«na hoouna ukana o Hall & Son, malalo aku ona he mau kupakako ame na kanaka lawelawej he kulana i loaa iaia, mamuli o kona hoomanawanui ma ka lawe-

lawe ana i na hana apau o kela halekuai. Ma ka manawa i haawi makanaia mai ai kela uwaki gula ia Mr. Chung Hoon, ua hoikeia mai iaia, a imua hoi o ka poe apau e noho hana ana me kela hui, o M¥. Chung Hoon hookahi wale no ka Hmahana i loaa iaia ka mahalo piha ia, mamuli o kona makaukau mau e hooko aku i na makemake o ka lehulehu e kTpa aku ana maloko o ka halekuai, me ka nana ole ma ka lahui, a ma ke kulana paha o kekahi mea; a o ia ano i loaa ia Mr. Chung Hoon, e lilo ia i kumu na na mea apau e hoohalike aku ai. 0 kekahi mea i mahalo nui ia ai 0 Mr. Chung Hoon ; aole ona hoouluhua wale aku i na haku hana, no kekahi mau hemahema e ikeia ana, mamuli o ka lawelawe ana a na limahana o kona keena, aka e hoao ana oia ma na ano apau, e hoopau aku ia mau hemahema, elike me kana i ike ai he pono, me kona mauaoio mau aia maluna iho ona, ke ko'iko'i o na hana apau i pili 1 kona ke-ena, a ina ua hiki ole iaia ke hooponopono aku i kekahi mau pilikia liilii, alaila ua kupono ole oia e npho poo no ia keena. . 1 kekahi manawa, mamuli no o kela ake mau e holomua na hana 0 ka halekuai, a e hooko aku hoi 1 na makemake apau o ka poe e haawi mai ana i ka lakou mau kauoha, e komo okoa aku ana o Mr. Chung Hoon, ma kekahi mau keena okoa aku, me ka nana ole i ka nui o kana mau hana; a ua lilo i la hauoli noua, ka la i loaa mai ai iaia ke kauoha, e waiho aku i ka hooko ana i kekahi mau mea e makemakeia mai ana, na ka poe o na keena e ae; nolaila i ka wa i hoea pololei mai ai ke kauoha maiwaho mai ma ke kelepona iaia, no na mea ma kekahi mau keena okoa aku, ua hooko aku oia i ke kauoha a ka lunanui o ka hui, ma ka waiho ana he poe okoa ka poe na lakou e hooko mai. Ua heleia mai nae oia e hooku'i no kona hooko ole ana i ka makemake o ka mea kauoha mai, o kana pane, aia no oia ke ku la maluna 0 ke kauoha i haawiia.aku iaia, no kela pane, ua ike koke ka lunanui 1 kona hewa; a o kela kekahi kumu o ko Mr. Chung Hoon mahaloia, o ia no kona hooko i ke kauoha me ka pololei; a no ia mau ano apau i loaa iaia, a hui pu me ka hoopono, ka ho'olaule'a i na mea apau, ua kau mai ka hilinai piha ana a na ona no lakou ka halekuai maluna ona.