Ka Nupepa Kuokoa, Volume LXI, Number 49, 7 December 1922 — HOOKA'ULUAIA KE KOHO ANA I KA AINA [ARTICLE]

HOOKA'ULUAIA KE KOHO ANA I KA AINA

Ma ka noho ana ae o ka halawai a ke Komisina o na Home Ha'waii ma ka Poalua aku la i hala, i hoomaopopoia ae ai ka hiki ole e loaa kekahi o ka poe i aponoia aku e hoi a noho ,ma na aina hoopulapula ma Kalamaula, Molokai, nona ka inoa o Thomas K, Beckley. Oia nei ka mea a ke komisina i haawi aku ai i ke apono ana no kona koho i kona apana aina. Ua makaukau kona apana i manaoia, a i %vahi e loaa aku ai iaia ka ike, no ka hoea mai i kona manawa e koho aina ai, he elua mau leka a ke komieina i hoouna aku ai iaia, aole nae he loaa iki mai o kana pane. I wahi nae e hooka'ulua ole ia ai na hana a kela komisina, ua waiho ae ke Komiaina Rudolph Duncan he noi, i aponoia e ke komiaina mahope mai, o ia hoi, mahope iho o ka hala ana o na pule elua, mai ka manawa mai i hoikeia aku ai ka lohe.i kekahi mea, ua makaukau na apana aina, no kona koho ana, ina aole e hoea mai ana oia, alaila e hooneleia oia i ka pono koho koke, aka e kau ia kona inoa malalo loa o ka papainoa o ka poe i aponoia no ka wae ana, a e haawiia aku kela pono koho i kekahi mea okoa aku. He 20 ka nui o ka poe noi a ke komisina i apono ai, maiwaena mai o ka heluna nui o ka poe i hookomo aku i ka lakou mau noi, no na aina hoopulapula o Kalamaula. He 13 o kela huina, ua hele lakou e wae a e koho i ko lakou mau apana; he 4 poe me ko lakou mau ohana, e noho mai nei i keia wa, maluna o ko lakou mau apana aina iho; a he 5 hoi poe me ko lakou mau ohaija e noho mai nei me na makamaka, me ka hele ana nae e hana ma ko lakou mau aina. 0 ke koena iho o ka poe i koe, o kela 20, eia no lakou ma Honolulu nei kahi i noho ai, me ke kakali ana ahiki i ka hoikeia ana aku ia lakou, o ka manawa « makaukau ai na aina, no ko lakou hoi ana aku e noho. Eia ke neemua nei na hana a ke komisina imua, ma na apana aina o Kalamaula, o ka hana nui wale no, nana i hoohakalia i ka hoi koke ana aku o kekahi poe maluna o ko lakou mau aina, o ia no ka hookaawale ana ae i na kiawe, a pela hoi ka paa ole o na hale i ke kukuluia i keia wa.