Ka Nupepa Kuokoa, Volume LXI, Number 49, 7 Kekemapa 1922 — Nuhou Kuloko [ARTICLE]

Nuhou Kuloko

He hoopii no ka aie i hooiaioia ae ka i hookomoia ae i ka alia kaapuni e C. S. Yuen e koi ana ia C. G. Bockus ma ka Poakahi nei. Eia no ke noho hamau loa mai nei ;ka mea a ka Elele W. P. Jarrett e koho mai ana, i kakauolelo nana i |ka ahaolelo lahui ma Wakinekona. I Maui na luna nui o ka Ahahui Kamehameha no ke kukulu ana i ka Ahahui lala Kahekili, ka ha o na lala a ia ahahui ma ka pule aku la i hala. Ua hoakaka ae ka Elele W. P. Jarrett i kona manao, iloko o ka mahina o Feberuari e haalele iho ai oia ia Hawaii nei, ma kona alahele i ka ahaolelo lahui. | E malamaia ana he hoike ana C. E. o na Kona ma Waianae ma keia Sabati iho, Dek. 10, a & malaipa pu ia ana he hoike Kula Sabati ma ia manawa hookahi. He kaaahi kuikawa ke holo ana no Waianae ma keia Sabati iho no ka lawe ana i na lala C. E. ke loaa nae he kanaka a oi aku poe e hele ana. Oiai ke hookokoke mau mai nei na la kulaia, e hoea mai ana he hui keaka lio hou, no ka Paka Aloha, kahi e piha mau ia nei e ka lehulehu i na la apau. He lono lauahea ka i holopuni ae he umi-kumamalua mau koa i holo mahuka aku maluna o ka mokuahi! Ida e holo ana no ka Hikina Loa ma ka po Poakahi nei. He $104,348.82 ka loaa a na koniite no na hana kokua ma ka Poakahi nei, ka la mua loa i noiia aku ai ka lehulehu e haawi mai i ka lakou mau kokua manawale'a. Elike me na mea i hoolala mua iaj 0 keia Poaono iho ka la e malamaia ai o ka ahaaina luau nui a na Demokarata, no ka lanakila i loaa i ka moho Elele Lahui Demokarata. * Ma ke ano ulia i a ia ae ai he eono oka o ka mahiko o Ewa e ke ahi, ma ke Sabati aku nei i hala, a no ka hoopakele ana i kela ko i hoomaka koke ai ka wili ana, ma ka Poakahi iho nei. Eia i Hawaii nei i keia mau la o i Fred Butler ame Mrs. Butler mala-, lo o na alakai ana a ka Papa Hawaii no ka lawelawe ana i na hana' lia'i euanelio, a k« hana mai nei laua 1 keia manawa ma Oahu nei. | Ma ka Poaono aku nei i holo aku :ii he eha lala o ke komisina limahana no ka Mokupuni o Hawaii, ma ka lakou misiona noii a ninaninau pono ika pokole o limahana ona mahiko. No ke a'o ana i ka ulana moena, ka haku leihulu, ke ka upena anie kekahi mau hana akamai e ae a na Ilawaii, i wehe ae ai o Fred Malulani Beckley Kahea he papa kula! nana, maloko o ka halekoa, e hoomaka ana ma ka hora ehiku o keia po Poaha. Mahope o ke, kaawale ana no na makahiki he umi-'kumamalua i huli hoi hou mai ai o Kauka John At* cherley no keia kulanakauhale, kahi a kona ohana e hoohala nei i ko lakou manawa, me ke kakali aku o kona huli hoi mai imua o ko lakou alo.

0 kekahi o na hana i hoolalaia no ka malamaia aku, ma ka La o Kamehameha, o ia no ka malama ana he hookuku himeni: Ua manaoia, ma ka himeni e ike ia ai kekahi hana kilakila loa i kaulana ai keia lahui kanaka, i ka maikai o ko lakou leo himeni. Ma ke kakahiaka o ke Sabati iho nei i huli hoi mai ai ka- Elele W. P. Jarrett mai kana huakai aku nei no Hawaii ame Maui, a ma ka Poakahi nei i holo aku ai oia no Kauai, e hoea hou mai ai no keia kulanakauhale ma ke kakahiaka o keia Poa* ono iho.