Ka Nupepa Kuokoa, Volume LXI, Number 49, 7 December 1922 — KA HANA HOOKUKU HIMENI. [ARTICLE]

KA HANA HOOKUKU HIMENI.

0 kekahi manao i ohohia nui ia iloko o keia mau la, i kamailioia ae e kekahi komite i kohoia, o ia no ka lilo o ka hana hookuku himeni, o ia kekahi o na hana, e malamaia aku ma ka la o ka Na'i Aupuni Kamehameha, iloko o ka mahina o lune o keia makahiki ae e hoea mai ana. He hana ano hou keia, a he hana hoi e nele ole ai ke ohohia like o na mea apau, ke hoakoakoaia mai ko kakou mau puukani himeni no keia kulanakauhale. Ke kokua loa nei keia pepa i keia manao hookuku himeni. aole paha no ka manao e hookelakela i ka nani o ka leo, ame ka nani o ka himeni ana, aka no ka malama ana i ka inoa o na Hawaii, no ko lakou'makaukau ame ka ike i ka himeni. Iloko o keia mau la e ikeia aku nei, ke nalowale loa aku nei ka loheia ana o na mele Hawaii maoli, na mele a na malihini kaahele honua. i ake inai ai e lohe, o na himeni i'hoololiloliia, mai ka leo a ka huaolelo, o na himeni iho la ia e meleia nei e ko kakou poe opio, me ke ku ole i ka hoihoi ke hoolohe aku. 1 ka malama ana aku nae i keia hana hookuku himeni, o kekahi mea e ohohia nui ia ai keia ano hana, a e nui mai ai no hoi ka poe komo iloko o kela hookuku ana, he mea pono e haawiia kekahi makana, he mea keia e hooikaika ai kela ame keia papa himeni, e nani ka lakou mele ana mai, a aole hoi e lioohaalulu i ka leo i ka wa e himeni ai. ►+* Ma keia Poaono ae ka paina luau nui a na Demokarata, no ka lanakila i loaa ia William P. Jarrett, i elele lahui i Wakinekona. Aohe hewa o ka hele'ae oka lehulehu ma kela ahaaina, me ka nana ole ma na aoao, no ka mea pela iho la4 loaa ai ka heluna haloka kiekie ia Mr. Tarrett, aole m'a kekahi ano e ae. :+++— He elua mau la kulaia i koe, o.ili aku kakou mao o ka makahiki hou. E hoao kakou e akahele ma ka kakou mau hana apau e lawelawe ai iloko o keia mau la, i maopopo ai, o kakou kekahi e hoea aku ana iloko o na hauoli ana no ka makahiki hou.

O ka poe e kau mau nei maluna o na kaa uwila, ke ike mau nei lakou i kekahi mau kiakaa otqmobile i ko lakou nana ole i ke kanawai i kauia, no ke kakali o kela mau kaa otomobile, ahiki i ka lele ana aku o na ohua mailuna aku o na kaa uwila anehenehe wale iho no ke ola o kekahi poe ohua, ma na ulia pomaikai!

Ma ka noho ana o ka halawai a ke Komisina Homē Hawaii ■ma ka Poalua iho nei, i aponoia ae ai kekahi olelo hooholo, o ka poe noi aina hoopulapula, e loaa ole ana mahope aku o ka hala ana o na pule elua, mai ka manawa mai i hoikeia aku ai ia lakou ka makaukau o ko lakou māu apana aina, e hooneleia ana lakou i kela pono, a haawiia aku ika poe okoa. He mea pono no e lawelaweia na keehina hana kuoo, i ole ai e hoopilikia wale ia na hana a ke komisina.