Ka Nupepa Kuokoa, Volume LXI, Number 49, 7 December 1922 — KEKAHI MAU OLELO NOEAU POOKELA, AME KE KAONA O KA OLELO. [ARTICLE]

KEKAHI MAU OLELO NOEAU POOKELA, AME KE KAONA O KA OLELO.

Penei ka hula, ame ke kaona; Akahi hoi au a ike iho, I ka awiwi hikiwawe; Hookahi no la o ka hana, Ku ana i kahi haiki; I ka pahuhopu o ke aupuni, Punihei ka noe i Alakai; Maloko ka i'a i paa mai, Mawaho ka i'a'e ka'i nei, E ka'i ana i ka laupapa, Hei oe i ka naemalua; Elua i'a i ka awai, Lauli no mo ka okeai, Hoi a uka haawi, Kanakolu mai me a'u; ll<3 umi na kuu kaohi, Kaulele na i'a manuahi; Ile inoa no lioapili. O leeia mau lalani hula maluna ae, e hoike mai ana no ia mau lalani hula, i ke pookela noeau o ka mea nana i haku. Penei ka moolelo i puka ai keia hula ame ke kaona. 0 Kamakalalea ka makuakane a. o Kamauli lea inoa o ka makuahino. Ua mare.no leeia kaikamahino i ke kane; o Kakaio ka inoa o ke kano, a hanau hookahi keiki, he kaikamahine o Keliilalauwale kona inoa. No Napoopoo nei no keip, kaikamahine; hookahi o makou pa like o ka noho ana. He umi-kumamalima anana ke kaawale mai ko makou hale aku, a ua loihi no na makahiki o ka noho ana me ke kane, a make aku la ke kane. Noho iho la no keia kaikamahine me na makua. O ka inoa o keia o Kaopumele; a i ka manawa i hoala ai o Kuakini, keiki a Kanihomauole e kukulu i hale pili nona, a o ko ano mau no o na alii, he leo hooloheia ko lakou, a ua pau aku la kekahi poe o Napoopoo i ka holo i Onouli, no ka mea, 0 ka aina nui ia o ke pili hale ia wa. Ua lohe aku la kolaila poe kanaka, e holo aku ana ke .alii Kuakini 1 ka uhuki pili, ua hana iho la kolaila poe i ka uala awaawa, ame ka panini. 1 na auwaa i puka aku ai, ua makaukau na meaai, a ua ike iho la k« alii, aole e ai o mamua, o pono ole ka hana, ua Icena aku la oia i na kanaka e hele mua e uhuki pili; a ua hookoia aku la ia olelo, a no ka nui loa o na kanaka, ua nui loa ke pili i uhukiia, aole pau iluna ō na waa; pau ka uhuki pili, hoomāka ka ai. 0 kā lakou ai ana, a inu ana paha, o ka ai ana a inu ana a na aupuni Peresia ame Media nau no e nini, a e kio'e me ka papa 01-e ia, a moe oe ma kae' o ka pahu. Ilaila la, lou o Kawelowai ia Waiehu, a hauhili ka ai a kawele-a, i ua kaikamahine nei o ka Pali Kapu o Keou, me ke keiki o ka iliili nehe o Keauhou Kuhaupio. Ia po ana iho no, hiki ana ua kaaka nei me na lio i Napoopoo, ua maneo aku la paha ka lehelehe i ke kalo ape, ouka o Waisanana. Hoi no a puka i Keauhou ia po, a ao ae no paa i ka hopuia e na makai, a laweia imua o Hoapili e hookolokolo ai; a o ia keia hula maluna. Iloopa'iia o Kuhaupio he $30, a o Kaopumele $10 ame ua dala koina 0 ka aha; Kaulele na i'a manuahi. Aole hookahi keneka iloko o ko, laua eke, a ua noi aku la o Kuhaupio ia Hoapili e oluolu e hookuu mai 1 wahi manawa nona: a ua ae mai ia no o Hoapili. Ua hula aku la o Kuhaupio i kela hula maluna ae; a i ka lohe ana 0 ka poe i akoakoa akff'*no ka lioolohe ana i ka hihia moekolohe o Kuhaupio ma, ua lulu dala ae la ka poe piakaikai, a kaa ae la na 1 ala uku hoopa'i a koe lie $25.00 nn laua, mamuli o ka maikai o ka •;ula, ame ka pili o ke kaona i ka hula.

He nui loa ka poe o Kona nei i paa keia hula. Aole i a'o mamua i ka wa i hoopaiia ai hoomaka e hula. Z. P. K. KAWAIKAUMAIIKAMAKAOKAOPUA, Keiki o ka makakila niho Elepani