Ka Nupepa Kuokoa, Volume LXI, Number 49, 7 December 1922 — E WEHE HOU IA ANA KA HOIKEIKE FEA MA AALA PAKA. [ARTICLE]

E WEHE HOU IA ANA KA HOIKEIKE FEA MA AALA PAKA.

Ma na mea i hoikeia mai, eia na lala ame na Lunanui o ka Ahahui Ma-lu, Phoenix ke hoomakaukau mai nei no ka wehe hou ana ae i kekahi mau hoikeike Fea, ma Aala Paka ma ka la 23 o keia mahina, no umi la, elike me kela makahiki aku nei. He mau hoikeike wale no o ke ano hou loa ke hoikeikeia ae ana malaila, he mau mea hoi i ike mua ole ia ma Hawaii nei. r O kekahi o na mea ano nui a kela Ahahui e hoolala mai nei, o ia no ko lakou haawi ana ae i kekahi kumulaau Karisimaka na na kamaiki, o keia kulanakauhale nei, ma ko lakou home ma ka Phoenix Hall, ma ka la Karisimaka. He mau tausani o na makana like ole e hoomakaukauia mai nei e kela Ahahui, i keia mau Ia e nee nei, no ka hoohauoli ana aku i na opio ma ia la. Ma ka po hope o na hoikeike Fea e haawi wale ia ae ana kekahi home nani, i hoea aku kona waiwaiio i ka $5000.00, aol-e wale no o ia ka makana e haawi wale ia ae ana, aka, ma na mea i loheloheia mai he kaa otomobile ana kekahi. O ka Ahahui Ma-lu Phoenix, o ia kekahi o na Hui Xui ma keia kulanakauhale nei, he hui hoi i kukuluia no ke kokua ana i kona mau lala iloko o ka popilikia.