Ka Nupepa Kuokoa, Volume LXI, Number 49, 7 December 1922 — HE NANE. [ARTICLE]

HE NANE.

O ka mea e piha ai o kuu inoa ia oukou, aia wale no a huiia kuu mua ame kuu hope, a ple iho la oukou e ike mai ai ia'u o "Na aloha elua i ka ipo hookahi." O kuu mua, ua ike, a ua kamaaina no oukou, a ua noho pu no au me oukou, a lilo au i kauwa na oukou, e hoohoko ana hoi i ka makemake o ke kanaka, a pehea la hoi au i hoohewahewa ia iho ai? Owai au ia oe? Kuu hope, ua ike a ua kamaaina no oukou, eia au la, he aiwaiwa noluna, aohe kiamanu e hei ai, he iki ulu au no Kanekina, nana e ko-ke na pine, pa iho pa ae pa aku, haalulu ke kahua maika. Owai la hoi au ia oukou? Ina e huiia kuu mua me kuu hope, alaila e ike ae ana no oukou ia'u, e hooipoipo ana ke aloha me ka pela ahamaka kahulihuli. E ke Kiai e hai mai? Owai kela pela ahamaka kahulihuli ma ka olelo Hawaii Kumu? Owai kuu inoa piha ma ka olelo Hawaii kumu i ka ke ao holokoa olelo ana? He makana o 25 pooleka me ka wa-hi leta pu, i ka mea e hikimua ae ana i ke alo o ka Lunahooponopono me na wehewehe kuliu pu, e hauoli ai ka mea heluhelu, a pane hoi i na ninau apau me ka pololei loa, a hala nae na mahina eha mai ka la aku e puka ai keia nane, e manaoia, ua lilo mauwale keia makana i ka Lunahooponopono mamuli mai o ka hoopalalehaia ana. Kou no a mau, J. W. K. KALELAMALUIKALEO, Keiki o ka peni hulu Kamelo, MARQUETTE, Mich., Nov. 27.--He umi-kumamalima mau paahao, eha o lakou i hoopa'iia a pau ke ola, i pakele aku i keia la mailoko aku o ka halepaahao lala o ka mokuaina maanei. Elua o lakou i paa hou i ka hopuia.