Ka Nupepa Kuokoa, Volume LXI, Number 49, 7 December 1922 — KUU KANE ALOHA UA HALA. [ARTICLE]

KUU KANE ALOHA UA HALA.

Mr. Solomon Haiiohano, Lunahooponopono, Aloha oe:—E oluolu oe e hookomo iho i keia manao kaumaha a hoolelehauli i ike mai ai aa kini lehulehu o kuu kane aloha i hala, ke ala hoi o na mea apau. Ma ka hora 2:30 p. m., Sabati 0 Oot. 29, 1922, ua kipa ae la ka anela o ka make, ma ka Bay View Home, kahi a maua me kuu kane e noho ana me ka nawaliwali o keia ola honua ana, Joe Kaimuha Keliikuli, o Kalaupapa, Molokai. Ua lawe aku ka Haku i ka uhane, a waiho iho la i ke kino lepo me au, ame na hoaloha, e paiauma aku ma keia aoao o ka muliwai eleele o ka make. Ua hanauia o Joe Kaimuha Keliikuli, mai ka puhaka mai o Keliikuli kane ame Kauwila wahine, ma ke awawa o Kaaawa, Koolauloa, Oahu, i Aug. 20, 1869, a ua piha iaia n& makahiki o keia hanu ana 1 na ea huihui o keia ola ana he 52 makahiki, 8 mahina ame 9 la. He luna ekaleaia oia no keia Ekalesia o Kanaanahou, Kalaupapa, a he lima akau kokua nui oia no keia Ekalesia, a he alakai himeni Kula Sabati hoi, ame na hana HooikaikaKri«tiano, a ua nui kona minaminaia a ua lilo hoi kana mau hana maikai i kiahoomanao poina ole, na keia panalaau, ame na hoahanau o keia ekaleaia, Kula Sabati ame Ahahui Hooikaika Kristiano. He hoapaahana iloko o na hana e hooholomuaia ai ko ke Akua aupuni. Nolaila ke komo pu nei makou ma ka auamo ana i na kaumaha ame na luuluu o keia ola ana, a na ka Makua Lani, e kokua mai ia kakou apau. Makou iho no, na hoapaahana ilo* ko o ka Haku. BEV. D. T. MAHIHILA, SAMUEL R. KAPUAA,