Ka Nupepa Kuokoa, Volume LXI, Number 49, 7 Kekemapa 1922 — HOOPOINOIA KE KELEKALAPA UWEA OLE MA WAHIAWA. [ARTICLE]

HOOPOINOIA KE KELEKALAPA UWEA OLE MA WAHIAWA.

Ma ka po o ka Poakolu o ka pula aku la i hala, i ho«a aku ai he elima poe haole hana oluna o na mokuahi Wilhelmina ame Lurline, no Wuhiawa ae nei, a hoopoino aku la i na meahana oloko o ke keena kel«kalap& uwea ole o ka Hui Kelepona Mutual, o ka hopena nae i oili ae mamuli o kela hana a lakou, o ia ko lakou paa ana i ka hopuia e na kanaka o ke aupuni. Ma ka oleloia, ua hoea aku kela poe haole elima no ke keena kelekalapa ma Wahiawa, ma ka hora 11 0 kela po Poakolu, ma ka manawa hoi, aole o Mr. Se7mour, ka haole nana e kiai ana i kela k-eena maloko olaila, ua hoi oia e ai i kona aina o kela hapalua po. Ma ka manawa i komo aku ai kela poe haole noloko o ke keena, ua hoomaka aku la lakou e wawahi i kekahi mau lako hale, me ka lu apa 1 na pepa waiwai apau iluna o ka papahele, alaila ninini aku la i ka inika ulaula iluna o kela mau pepa. Aole ka malaila wale ae la no pau na hana kolohe a kela poe'haole, aka kiiia aku la na wahi hoohui kelepona, e mokumoku, a he hookahi ka o kela poe i hoouua aku i kekahi mau manao ma ke kelekalapa uwea ole i na moku e holo ana ma ka moana. I ka pau ana o na hana hoopoino a kela poo haole maloko o ka hale kelekalapa, ua kau nui ae la ka maluna o ke kaa otomobile, o ka. mea malama kelekalapa, me ka manao e lawe i kela kaa, i ka hiki I ole ana nae ia lakou ke hooholo, ua wawahiia aku la ko aniani pale omua, na kukui, ame kekahi mau wahi e ae o ko kaa. He kaa otomobile uuku ka e ku ana no malaila, ka lakou i lawe, me ka holo ana a haalele ma kekahi wahi o ke alanui, a maluna no o ko lakou kaa i huli hoi nui mai &i no ke kulanakauhale nei. Ma ka oleloia, ua hele ka kela poe haole a pau loa i ka ooa, a he mau omole rama no ko lakou oluna o ke kaa, ma kela manawa a lakou e kolohe ana i ke keena kelekalapa. Ma ka Poalima mai, i 4xoopukaia ai ka palapala hopu, no kela poe haole elima, a ma ka po ana iho o k«la la, i hookoia aku ai ka palapala hopu, me ka paa ana o ua poe haole kolohe nei, eia na« ua hookuu hou ia mai lakou, mamuli o na hooia mai ko lakou loio aku, no ko lakou hoea ae iloko o ka aha, i ka wa e hooloheia ai ka hihia.