Ka Nupepa Kuokoa, Volume LXI, Number 49, 7 December 1922 — HOIKEIA AE NA UKANA A KA LUSITANIA I PIHOLO AI. [ARTICLE]

HOIKEIA AE NA UKANA A KA LUSITANIA I PIHOLO AI.

NU OKA, Dec. 3.—Maloko o kekahi itamu mea hou a ka Nupepa New York World i hoolahaia ae ai ka hoike a ka luna aupuni a i hanaia hoi e Dudley Field Malone, ka lunakukeawa o Nu loka ia manawa, ia William Gibbs McAdoo, ke kakauolelo o ke keena waiwai, ma ka la 4 o lune, 1915, a maloko o ia hoolaha ua hoakakaia o ka mokuahi Lusitania o ka laina mokuahi Cunard, i topidoia ai a piholo i ka hohona iloko o ka manawa o ke kaua nui o ke ao, aole ana mau pu mau pualikoa a mau mea pa-hu paha e lawe ana maluna ona, aka e lawe ana ia he 5400 mau paliu poka. Ma ka hoakaka a Malone o ke kumu o kona hoopuka ana i ka hoike ma ke akea mamuli no ia o na noi lehulehu no ka loaa aku o kekahi hoike oiaio e pili ana me na ukana a ka Lusitania e lawe ana ma kona manawa i topidoia ai.

Wahi hou a ka hoike aohe mau pualikoa a kekahi lahui e kau ana maluna ona. O ka poka elike me i:i i hoakakaia ae la ua laweia malalo o kekahi palapala ae i hoakaka mopopoia malalo o ka rula ana a ka oihana kalepa e nolio mana ana ia manawa mai ka 1911 mai.