Ka Nupepa Kuokoa, Volume LXI, Number 49, 7 December 1922 — Hoopa'iia ke Kumupoo o Honokaa No ka Hoeha i Kekahi Haumana Nui na Hoike i Laweia ae Imua o ka Aha ma ka Manawa e Hooloheia Ana ka Hihia Imua o ka Lunakanawai R. H. Makekau [ARTICLE]

Hoopa'iia ke Kumupoo o Honokaa No ka Hoeha i Kekahi Haumana

Nui na Hoike i Laweia ae Imua o ka Aha ma ka Manawa e Hooloheia Ana ka Hihia Imua o ka Lunakanawai R. H. Makekau

E hoakaka ana ka lono meahou mai Hilo mai o ka loaa ana ae i ka Advertiser ma ka Poakahi o ka pule aku la i hala no ka hoopa'iia ana o ke kumupoo o ke kula o Honokaa, Frattklin Skinner, e ka Hope Lunakanawai Apana Baymond K. Makekau ma ka manawa o ka noho ana o ka aha apana ma Honokaa e hoolohe i kona hihia i hoopiiia ae ai e M. S. Botelho, ka lunakanawai o ka aha apana o ka Apana o Hamakua, o ia kona hoeha ana i ke keikikane o umi makahiki a M. 8. Botelho a oi aku mamua o ka hoopa'i kupono. E hoakaka ana ia meahou i ka piha oloko o ka hale hookolokolo, o ka hapanui i na wahine, na kahunapule, na loio, na keiki kula ame na makua, me ka poe makaikai i hiki aku e lohe i na mea apau e pili ana ia hihia, ma ka manawa e hooloheia ana ia hihia. O M. S. Botelho ka lunakanawai apana o Hamakua, a oiai oia ka makuakane o ke keiki i hoehaia ai, a o ka mea hoi nana ka hoopii, pela iho la i lawe ae ai ka Hope Lunakanawai Raymond H. Makekau i kona wahi. Ua lehulehu na hoike i hooloheia ka lakou mau oleloike ma ka aoao o ka mea hoopii, ua like ole nae na oleloike a kekahi poe no kahi o ke kino o ke keiki i hahauia ai, eia nae, aole i lawe ka aha ia like ole i mea nui nana e noonoo ai, ua lawa na oleloike e hooiaio ana no ka hoopa'iia ana o ke keiki. O kekalii o na kumukula wahine 0 ke kula o Honokaa ka i hoike ae 1 kana mea i ike, oiai o kana rumi kula ma kekahi aoao mai ka ia o ka rumi kula a ke kumupoo Skinner, a ua lohe pono mai oia i ka nui o na hahau ana a Skinner i ke keiki he 16. Wahi ana, i ka manawa i hoomaka ai ke kumūpoo e hahau ia Botelho opio ua hoomaka na keiki o kana rumi e hehihehi i ka papahele ma ke ano e helu ana i ka nui o na hahau ana a ke kumupoo, me ka pa'ipa'i pu o na keiki i na lima me ka helu pti a nui ka leo, a mamua o ka hiki ana iaia ke papa aku i na keiki he 16 ka nui o na hahau ana ana i helu aku ai. Ma ka manawa i ninauia ai o

ke keiki i hoehnia no ka nui o na hahauia aua ona, o kana o ka hoike ana ae aole i emi iho malalo o ka 20 a aole hoi i oi aku maluna o ke 30. Uoko o ka manawa e ninauia ana o na hoike ua,hoike ne kekahi o lakou me kekahi laau nui Ix3 i hanaia a kohu hoe waa ka i hahauia ai ko keiki. Ua pepehi maoli no kela kumukula me ka manao inaina aole me ke alohn. O ko kauka aupuni C. L. Carter kekahi i ninaninauia, ma kana hoakaka, ma ka la 28 o Okatoba, eha hi mahope iho o ka hahauia ana o ke keiki, ua nnnaia eia ke kino o ke keiki, a ua ikemaka oia i ka uli, kohu uala pulehu, mai ka puhaka a hala il.ilo o na wawae. O ke kumu o ka hoopa'iia āna o ke keiki no ka hoomakaukau ole ana ka i kana haawina arimatika maluna o ka apana pepa.

0 ka hope loio kalana A. G. Correa ke kokua ma ka aoao o ke aupuni ma ka manawa o ka hoolohoi.i ana o keia hihia, a o Franklin Bkinner no, ka mea i hoopiiia ka i kupale nona iho. Hookahi no hoike ma kona aoae oia kekahi kumukula wahine, Mrs. Frank Fraser. Mahope o ke ku-eia ana aku o kekahi o kana mau ninau e ka hope loio kalana, o kona oki no ia aohe ninau hou i ka hoike, ua hookuuia ka hoike aohe i lawe hou mai i hoike |ft kona aoao. Aohe i ninauia ke kuMupoo ua lawe nae oia a kope i na oleloike apau ma ka aoao hoopii, me he mea la no kona manao ana paha ina no kona hoopa'iia e hoohalahala hou ana oia i ka olelo hooholo a ka aha, a ua ikeia pela mahope iho. Ma ka manawa i hoonohonoho mai ai ka Lunakanawai Makekau i kana olelo hooholo, a oiai aohe hoiko, aohn no he mau oleloike ko'iko'i ma ka aeao i hoopiiia o hoopakeleia ar ai oia mai ke kau ana aku i na nhewa ana maluna ona, ua hoopa'iia kt> Kumupoo Skinner he $25 me na koina o ka aha. Mahope iho o ka puka ana o ka olelo hooholo a ka aha, ua hoakaka mai la ke kumupoo i kona manno hoohalahala i ka olelo hooholo, a oiai ua lioea aku ka Loio Thomas Pedro Jr. i Honokaa ia manawa, ua koho mai la o Skjnner iaia i loio nona, a nana i hoomakaukau i ka palapala no ka hoohalahala ana.