Ka Nupepa Kuokoa, Volume LXI, Number 49, 7 December 1922 — NUI KA MAKEMAKEIA O KA HALAKAHIKI [ARTICLE]

NUI KA MAKEMAKEIA O KA HALAKAHIKI

Ma keia mua aku, elike me ka hoakaka a James D. Dole, ka peresidena o ka Hui Kanu Halakahiki Hawaii, e oi mai ana ka makemakeia o ka halakahiki ma Amerika, a ma na wahi e ae o ka honua nei, e hiki ole ai ia Hawaii nei ke hoolako aku. O ka hoi kokeana mai nei no ia o James D. Dole, ma ka Poalua nei, mahope o ka hoohala ana i kekahi mau pule lehulehu ma Amerika, a ua lilo keia mau hoakaka i nuhou hoohauoli i ka poe iloko o ka hana kanu halakahiki maanei. Wahi ana o na kaukani pahu o na kini halakahiki i koe mai o ka makahiki aku nei i hala, a komo mai nei i na halakahiki o keia makahiki, aole i lawa, a he manawa wale no e loaa mai ai o na kauoha, no ka hoolako ana aku i ka halakahiki ma keia mua aku. Mamuli o keia ike i ka makemake nui ia o ka halakahiki, aole e hoohakalia iho ana ka Hui Kanu Halaka liiki Hawaii, i ka hoomaka koke ana aku e kanu i na aina ae nei o Waialua i lilo mai i kela hui, me ka halakahiki, a aia hoi a pau na hooponopono ana, no ka Mokupuni o Lanai, alaila hoomaka aku ke kanu ana i ka halakahiki malaila. Ua manaoio mau oia, he hookahi, wale no kumu e mau ai kela makemakeia mai o ka halakahiki o Hawaii nei, o ka hoemi i ke kumukuai, ma ia ano hookahi no hoi, e hoopomaikai like ia ai ka poe kanu halakahiki apau; aka ina e pii a«a ke kumukuai, e hapa mai ana na kauoha, a e ku ana ke ahua o na pahu halakahiki, me ke kuai ole ia no kekahi wa loihi. —