Ka Nupepa Kuokoa, Volume LXI, Number 49, 7 Kekemapa 1922 — Lele he Wahine Mailuna Aku o ke Kaa o na Koa I Hana Oia Pela no ka Hoopakele Ana i Kona Ola Mai ke Kaaahi Aku ELUA MAU KOA O KA LELE PU ANA ILALO Hooku'iia Mai ko Lakou Kaa e ke Kaaahi me ka Poino o ko Lakou Kaa [ARTICLE]

Lele he Wahine Mailuna Aku o ke Kaa o na Koa

I Hana Oia Pela no ka Hoopakele Ana i Kona Ola Mai ke Kaaahi Aku

ELUA MAU KOA O KA LELE PU ANA ILALO

Hooku'iia Mai ko Lakou Kaa e ke Kaaahi me ka Poino o ko Lakou Kaa

No ka hoopakele ana ae i kona ola mai ka make mai, i lele aku ai o Mrs. Mabel Summers, mailuna aku o ke kaa halihali ma'i o na koa o ka Papu Kamehameha ma Puuloa ae nei, mamua o Jsa hooku'iia ana mai 0 ke kaa e ke kaaahi, ma ke kakahiaka o ka Poalua aku la i hala, ma ia lele ana nae, i eha ai kona u-ha, eia nae ua hoopakeleia mai kona ola. He mau koa elua kekahi i lele pu mailuna aku o ke kaa halihali ma'i, mamua o ka hooku'iia ana mai o ko lakou kaa, «e ke kaaahi, eia nae ua pakele loa laua mai ka loaa ana 1 kekahi poino. £ holo mai ana kela kaa halihali ma'i o na koa no Kahauiki, no ka hoihoi ana mai i kekahi koa iloko o ka halema'i, a e holo ana no hoi o Mra. Summers ilaila, a o kahi i hooku'iia aku ai ko lakou kaa, e ke kaaahi, ma ka a'e ana mai no ia o ke alanui i ke alahao, e pii ai nouka nei o Moanalua. Ma ka hoakaka a ka poe i ikemaka i kela ulia, e holo mai ana ka ke kaa halihali ma'i mahope pono mai o kekahi kaa otomobile, me ka niamao loa no o ke kaaahi i kahi e loa, e holo mai ana. I ke kokoke ana nae i ke alahao, ma ke alanui aupuni, ua hoao iho la ke kiakaa o ke kaa haihali ma'i e hoopaa i ka holo o kona kaa, eia nae maipuli o ka maikai ole o ka \jeleki hoopaa, aole i ku koke kela kaa, ahiki i ka hoea ana iwaenakonu o ke alahao, ma ke alahele pololei loa a ke kaaahi e holo mai ana. Ua lele ke kiakaa ilalo, me ka hoao ana e pa-hu i kona kaa imua, aole nae he hiki, a i kona ike ana, ua kokoke loa mai ke kaaahi, ia wa oia i kahea aku ai i ka poe e kau ana iluna o ke kaa e lele ilalo, pela iho la i lele ai kela wahine ame na koa elua mailuna aku o ke kaa. I ka manawa i hooku'i mai ai ke kaaahi i ke kaa halihali ma'i, ua haki pu kekahi huila o ka otomobile, pela hoi me ka poino omua o ke kaa, a ua hoopaaia hoi ka holo o kela kaaahi. Ua hookauia ka wahiije poino maluna o ke kaaahi, a i ka hoea ana mai i ka hale hoolulu, ua hoihoi loa ia aku oia noloko o ka haema'i o na poino ulia, malaila i lawelaweia mai ai kekahi mau lapaau ana iaia, ,a mahope mai i hoihoi loa ia mai ai no ka halema'i o na koa ma Kahauiki.