Ka Nupepa Kuokoa, Volume LXI, Number 49, 7 December 1922 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

MALAMAIA KA LA HOALOHALOHA I KE AKUA MA KA LUAKINI O WAIANAE

 

            No kekahi manawa i hala aku no akahi no a malama hou ia he anaina haipule no ka hoalohaloha a hoomaikai ana aku i ko kakou Akua lokomaikai wale, o Iehova @@baota kona inoa, maloko o ka Luakini o ka Ekalesia o Waianae, ma ka Poaha, Novemaba 30, 1922.

            Ma mua ae o ka hora i hoomakaia @ ke anaina, ua hoohiwahiwaia ka @ai o ka luakini, a ua laweia ae @ huaai o kela ame keia ano, a @ mau koaki me ko laua pua, ame @ mea maikai apau a ka maka e @@lu ai ke nana aku, kekahi i @weia ae.

            Hoomaka ke anaina i ka hora @ a.m. malalo o ka hooponopono ana a Mr. Lowell K. Kupau, @ kokuaia e Mr. S. K. Hui, Rev. S. P. Kaaia, ame Rev. Sugimoto, Rev. W. K. Poai, komite kiai a Kahu Ekalesia o Kalihi me Moana@a. Himeni wehe aoao 82 Leo Hoonani pule, ia Rev. H. K. Poai, haa@ina heluhelu Hal. 75, pule ia Rev. Sugimoto me kona pelu ana i kona mau kuli a hoomaikai no ke ano o ka hana a ko kakou Haku.

            Ma keia wahi ua lilo i mea hoopa mai i na uhane o na haipule iloko o kela anaina, i ka eehia, ke anoano, ke akahai, ka haahaa, ame ke ku ana a keia hoapaahana o ka hoike @ ae, i kona mau manao hoalohaloha i ke Akua; Alaila wehewehe pokole mai la o Mr. Kupau i ka moolelo pili i ka hiki ana mai i ka hoomanaoia ana o keia la.

            Hoike mai o Mr. Hui, i kona mo@@@@ ua hanauia oia ma ka Mokupuni o Lanai, a hele mai a noho i Waianae, ka 68 keia o kona mau @@koa i ka make, a oia wale no koe @ nei, a hoomaikai ae la oia i ke Akua no ka nui o kona aloha @.

            Hai mai la ka Makua Misionari Rev. S. P. Kaaia i kekahi mau manao kuhohonu, maluna o "Ke Ola o ka Pono Kristiano ma Hawaii Nei". Ua like no ia me he ao la kinohi, 100 makahiki i hala aku a Hoeueu mai la ke Akua ia Kamehameha I, hooholo aku no ia Henry Opukahaia, a na kona mau waimaka i hoolilo aku i mea e noonoo ai kona mau hoa, a hiki mai ka @. Ua kanuia iloko o ka lahui, a ke ulu nei, ahiki i keia la a mau @.

            I ka wa o ka 100 makahiki e oi @ ana, no ka mea ke laweia nei ke aloha o Kristo mai ke kulana @e a i na mokupuni e ka uwila @ na ka noeau ia o ka pono Kristiano.

            Hoike mai la ka Rev. W. K. Poai, @ ka hoomaikai ana i "Ke Ola o na Lahui Like Ole", i loko o ko kakou @ nei. Wahi ana, he pomaikai @ kekahi lahui ka loaa ana he manawa no ka hoomaikai ana i ke Akua. O kakou o na Hawaii ke @ hope nei, a o na lahui e, ke @nee aku nei imua. O keia ke@ o na la maikai loa i hookaawaleo ka pule ana. He mau la no ka @, a pela wale aku, ka na lahui @ hookaawale ai, aka, o ka la hoalohaloha i ke Akua, ka ka lahui Amerika i hookaawale ae ai ma ko kakou ano he Lahui Hawaii, a he Amerika hoi, ke hoohemahema nei kakou.

            Ke hana mai la no na paahana, ke kani mai la ke oeoe, ke niniu, @ la na huila, a na onamiliona, @ i keia hora la, aia na onamiliona, ke hoomaikai la i ke Akua, iloko o na luakini, a ma na home, ke hoolonolono la, o na leo e kahea @ ana, eia ka pilikia o keia eka@, papa Amerika, papa Hawaii, wahine kane-make halekula, a o keia ame keia ano.

            Nolaila, e na haipule, eia ko kakou @ ao, e hoomaikai aku i ke Akua @ wehe ae i na kapa holoholo, a @ahu iho i na kapa no ka hana, a hana aku, i loaa ai ke ola.

            Ke hauoli loa nei no keia makahiki, e lawe mai ana kela ame keia @ea i kana mau huaai, o kela ame keia ano, a hoahu iho maluna o @a awai, elike me keia a kakou @ ike nei.

            Na ke Akua e kiai aloha mai ia kakou apau, alaila nonoi mai la o Mr. Lowell Kupau i ke anaina, mahope o ka himeni me ka pule hookuu @ noho iho, i puunaueia aku na @@aai i haliia mai. Himeni 163 L. @ pule hookuu ia Rev. S. P. Kaaia. I ka nana aku ke hoomaikai aku nei kou kiu hanu meahou i na @ nani e hiki ana iloko o ke kiapai o Wainae, a he mea no hoi @ kakou apau e hauoli ai.

            Me ke aloha,

 

KIU HANU MEAHOU O KE KOMOHANA

 

            Ma loko o ka luakini St. Andrews @ hoomana Epikopala, ma ka hora ke ahiahi o ka Poakahi nei, i @@ia ae ai ma ka berita o ka @ o Miss Rena Bakalamana, i @ kakaupokole no ke keena o ka @ nui no na makahiki loihi, me @am A. Inman.

 

KU KA AHAHUI KAMEHAMEHA MA KA MOKUPUNI O MAUI

 

            Kuu Solomona Hanohano, aloha kaua: - E oluolu mai oe i kela poomanao e kau ae la maluna, i pili aku i na mea i lawelaweia ai, na mea e holomua ai keia hui o na oiwi Hawaii, a manao au e oluolu main ana no oe i na mea olalo i mau ohua no kau nupepa, ka ipu uwila nana e hoomalamalama aku i ka mokupuni kaulana nei, o ia no ka oi.

            I ka hoihoi pono ana ae i keia kukulumanao ana, aia no ia i ka noenoe ahiahi o ka po Poalima nei, Dec. 1, 1922, i ka hora 7:30, i hiki aku ai kou kiu nei ma ka uwapo Helu 12, a ka S. S. Kilauea e ku mai ana me ka malamalama i na kukui uwila, e hoike mai ana i na komite o ka hui i oleloia, ua makaukau ia e hookipa aku me ka hauoli.

            Hui iho la me ua mau komite nei, ame ka lululima pumehana ana, aia pu no hoi me na aliiwahine e launa pu ana me ua mau keonimana nei, a kani ana ke oeoe mua, aia no hoi au e pupue la me kau aliiwahine, oiai he huakai hoopuiwa keia i ka manao i kinohi, no ko lakou lohe ana o ka hele iho la no ia.

            I ke kani ana mai o ke oeoe elua i honi hoomaumau iho ai au iaia, a pii aku la ilana o ka moku, a hui iho la me kuu kapena maikai, ame na hoahanau ou, oia ka Mea Hanohano John C. Lane, ka Lunakanawai J. R. Desha, ka Ilamuku Amerika O. P. Cox, W. Chung Hoon, Jr, Edward Wongham, B.N. Kahalepuna, A. I. Bright, R. Kinney, Simeon Akaka.

            Kani hou ae la ke oeoe ekolu, i hemo mai ai ka laina omua, aia hoi na aliiwahine ke ani hainaka mai la, o ke kani kuilua ae la no ia o ka pele ame ka emi hope ana o ua nene aukai nei ihope me ka malie, a i ke kupono ana ae o ka ihu o ua nene aukai nei i ka hale ipukuui, o ka haawi pau iho la no ia o ua kapena nei i ke kani hope o na pele, e hoike aku ana i kahi wiliki, e wehe pau ia na ki o uwehone.

            Aia hoi au ke ku la mamua, ke haawi la i na kilohi ana mai i ke kulanakauhale alii, i ke ku i ka nani ke nana mai, a haawi ae la ua mau keonimana nei i ko lakou mau kileo i ka himeni kaulana:

            Imi au ia oe ke aloha la,

            Ma na paia aala o Puna;

            Ihea la oe i nalowale iho nei,

            Hoi mai no kaua e pili.

            A hu ae la ko makou aka.

                        (Aole i pau.)

 

MAHUKA HE WAHINE PEPEHIKANAKA MAI KA HALEPAAHAO AKU

 

            Ma ka lono kelekalapa mai ka Nupepe Associated Press mai o ka loaa ana ae ua hoakakaia ma ia lono meahou ka holo mahuka ana aku o kekahi wahine haole i hoahewaia no ka pepehikanaka mailoko aku o ka halepaahao ma ka po, a ke holopee mai la oia ma kekahi wahi me ka paa ole i ka hopuia, elike me ia i hoakakaia ma ka moolelo piha malalo ae nei penei:

            LOS ANGELES, Dec. 5. - O Mrs. Clara Phillips, ka wahine pepehikanaka me ka hamare, a i holo mahuka aku ai a pakele mailoko aku o ka halepaahao ma ka wanaao o keia la, o ia mau kona hele laula ana ma ka po i hala me ka paa ole i ka hopuia.

            Ua loaa aku o Armour Phillips, ke kane-mare a Clara ma ka po nei, a ua paa ia oia malalo o ka hoomalu ana a ka makai nui no ke kali aku no ka hopena o na mea e hanaia aku ana. Ma ka ninauia ana o Armour Philips, a wahi ana, aole oia i maopopo i ka mea e pili ana i ka mahuka ana o kana wahine mai ka halepaahao mai. Ahiki mai i ke aumoe ana iho aohe moali ike no kahi e loaa aku ai ka wahine mahuka.

Kana Hana Ana i Hemo Ai

            Mahope o ka oloolo ana a moku kekahi mau hao o kona rumi a pii aku la ma ka puka aniani ahiki i ka hemo ana iwaho, ua manaoia ma kahi o ka hora 2 o ka wanaao kona mahuka ana. Eono hora mahope iho o ka mahuka ana akahi no a ikeia ua mahuka oia. Ua hoopai paahaoia oia ma kekahi manawa kokoke aku nei i hala mai ka umi makahiki a i ka noho ana maloko o ka halepaahao a pau ke ola, no ka hewa on a i hoopiiia ae ai he pepehikanaka ma ke degere elua, a ua hoopaaia aku nae oia maloko o ka haleaahao no ke kali ana a pau ka hooloheia ana o kana hoopii hoohalahala i ka olelo hooholo a ka aha.

            No ka pepehi ana o Mrs. Phillips ia Mrs. Alberta Meadows a make ma ka hahau ana iaia me ka hamare ma ka la 12 o Iulai i hala i hoopiiia ae ai oia. O ke kumu no keia hana ana pela ua hooiaioia ae no k ili punalua.

            Ma ka mea i manaoiioia e kekahi poe ua kokuaia mai oia e kekahi lehulehu mawaho i aloha iaia, a i ole i hoolimalimaia paha i hemo ai oia, a maluna o na kaupoku o na hale i pinana aku ai oia ahiki i ka iho ana aku a hoea i ke alanui, a kau maluna o kekahi kaa oto i pakuia na aoao a paa i hoomakaukau mua ia a mahuka aku la.

            Nui ino ka opiuma e ahu mai nei maloko o ka halekukeawa i makaukau no ka hoonaia aku i Amerika ke loaa mai ke kauoha.

 

KA HALAWAI A KA PAPA O NA LUNAKIAI

 

            O ke kumuhana mua i noonooia e ka papa ma ka manawa i noho ai ka halawai mau ma ka po Poalua nei o ia no ka mea e pili na i ka oihana wa. Ua hapaiia ae keia kumuhana i ka manawa o ka loaa ana ae o kekahi leka mai ka ahahui ae a na Euekinia e hoakaka ana aohe mea a ka papa i hana ai e pili ana i ka hookohu ana ae i ke enekinia ana wai, elike me ia i hoakakaia ae ai e ka ahahui kuloko no ka waiho ana mai i kekahi hoakaka pokole maluna o na hoike e ku nei i nei manawa maluna o ka hana e hoomahuahua aku ai i ka pono wai, na wahi e loaa mai ai ka wai a pela aku.

            Ua hoakaka ae ka Lunakiai Pacheco i kona kue i na hana hoonui lilo no ka hana ana mai a kekahi enekinia hou i ka mea no i loaa mua. He aha mau hoike no ka oihana wai e waiho nei, o ka hana i koe na ka oihana wai ia e koho i ke ano o ka hana e hoonee mua aku ai.

            O ka hook hope loa i hanaia, wahi a ka Meia Wilson, iloko ia o ka 1916, a mai ia manawa mai ua hoonui loa ae ka oihana wai i kana lawelawe hana ana. Aole i hoakakaia ma ia hoike kahi e hoomaka ai ka hana ana ma kekahi ano hana maopopo mamua o ka waiho ana mai o ka oihana wai i kekahi kii no ke apono ana aku a ka papa.

            Ua kulike ko Lunakiai Arnold me ko Pacheco, ua lilo ka oihana wai i mea kamailio mau ia e ka papa i kela ame keia manawa, a wahi hou ana, o na hoike i waiho mua ia mai ai ua moelolii iloko o na pakaukau a na lunakiai. Nana i waiho ae he noi na ke komite o na loaa ame na hoolilo e hoomakaukau i hoike a waiho aku ma kekahi halawai hou ana aku a ka papa maluna o ka ninau e pili ana i ka hoolimalima ana aku i enekinia no ka waiho ana mai i hoike pokole, a e hoakaka pu mai i ke kumu o ia enekinia i waiho mua ole ia mai ka inoa i ka papa no ka noonoo ana. Ua hooholoia kana noi.

            Mai ka Hui Hokele Teritore mai he leka e apono ana ma ka mea e pili ana i ka manao a ke Konela Schofield i hoolaha mai ai ma ka halawai mamua aku a ka papa, e kuapo ke aupuni kulanakauhale i ke alanui Kaiulana no kekahi hapa o ka aina o ka hokele ma ka mea e pili ana me ka hana hou i hoolalaia ma Waikiki. O ka ninau e pili ana i ke alanui e hele aku ai ahiki i kapakai kekahi i hoakakaia ma ia leka. Ua waihoia aku ka noonoo ana ia kumuhana i ke komite alanui a i ka loio kulanakauhale ame kalana no ka noonoo ana, mamuli o ka ikeia ana e kueia mai ana ia manao e na makaainana o Waikiki. He leka e hoakaka ana no i kue ka i loaa ae mai a M. Magoon ae, e hoakaka ana maloko o ia leka ke kanaluaia o ke ku i ke kanawai o ia kuapo e hanaia aku ana. Ua hoouna pu ia aku ia leka i ka loio kulanakauhale ame kalana.

            He leka mai ke kauka mai o na holoholona ka i loaa pu ae e noi ae ana no ka ae ana aku e kiia na hoki elua i onaia e ke aupuni kulanakauhale mamulio o ka ikeia ana o ko laua kupono ole no ka hana.

            He palapala noi mai na kalaiwa kaa otomobile ae e noi ana e hoololiia ke kanawai i hookapu ia ai na akena mawaho ae o na kalaiwa mai ke noi ana aku i na uku kaa ma na uwapo; ua waihoia aku keia i ke komite o ka oihana makai, a i ka loio kulanakauhale. Ua hoakakaia maloko o ka palapala hoopii ka hana mau ia o nei hana ma na uwapo.

            Ua kauohaia ae ka loio kulanakauhale e hoomaka aku ka hana ana i mea e lilo mai ai ka aina i kupono no ka hoakea ana ae i ke alanui Puowaina.

            He noi mai ke kahunapule ae o ka Ekalesia o Kristo no ka aeia aku o ka halekula ma Manoa i wahi e malamaia ai kekahi papakula Baibala, a o Lunakiai Pacheco ka mea kue. Ma ka manawa o ka makaukau ana no ke aponoia o ke noi, ua hookomo ae la o Arnold he hoololi, o ia hoi o ka Lunanana Hale Louis Cain kekahi pu e akoakoa aku ma ka manawa e malamaia ai ke kula Baibala no ka nana ana aku i ka lawelaweia ana o na hana hoomanamaloko o ka halekula ma ke kupono; aponoia ke noi me ka pakui.

            He noi mai na hoa ae o ka Bana Hawaii no ko lakou aeia aku e hoomaha ma ka La Makahiki Hou ame ka la mahope iho ka i noonooia a aponoia.

            O ka hana e pili ana i na alanui ma Puunui no ka hiki ke heleia, ua waihoia aku i ke komite alanui.

            He olelo hooholo e hoololi ana i ka $65,000 mai ka waihona ae o Puunui a i ka waihono o na hana hou paa mau ua holo ma ka heluhelu elua a ekoluia ana a kakauinoaia e ka Meia. He olelo hooholo e hoololi ana ia waiho mai ka waihono ae o na hana paa mau a i ka waihona kuikawa no ka uku ana aku i na hoololi no ka aelike o ke alanui Moi, ua hooholoia ma ka heiuhelu ekahi a kauohaia e pai.

            He olelo hooholo e hookaawale ana i $12,500 no ke kuai ana i ka Paka ma Pauoa, ua holo ma ka heluhelu ekahi ana a kauohaia e pai.

            Hoopaneeia ka halawai a noho hou ma ka Poalua, Dek. 12, hora 7:30 p.m.

 

HOOLAA ANA I KA POHAKU KINI O KAUKEANO HOU.

 

            Ku i ke eehia na leo himeni ma ka hoolaaia ana. Ma kahi o eha haneri poe i akoakoa ae ma ke Sabati iho nei maloko o ke kahua o ka home kahiko o Dilinahama, ma Kapunahou, ma ka manawa o ka lawelaweia ana o ka hana hoolaa i ka pohaku kumu kihi o ka halepule hou o Kaukeano e kukuluia mai nei ma ia kahua i keia manawa.

            Elike me na hana i hoakakaia maloko o ka papa kuhikuhi pela no i lawelaweia ai na hana apau me ka holopono; he halepohaku ia elike me Kaukeano kahiko, a o kekahi ana ia o na halepule nani e hoomahuahua ae ai i ka nani o ke kulanakauhale o Honolulu ma nei mua aku, elike me ka hoakaka a ka Peresidena o ka Ahahui o na Ekalesia mawaena o na lahui, Rev. H. V. White.

            O ka Rev. H. V. White ka mea haiolelo mua a mahope aku ke Kiaaina Farrington, a wahi ana, na ka ekalesia Kristiano i haawi mai ia kakou i na mea apau i loaa i keia la, mamuli o ka Ekalesia Kristiano ka hui ana o na kanaka o New England ame Hawaii a lilo i hookahi. "Ma na aoao malamalama oi aku o ka holomua ana o nakanaka ma Hawaii o ka ekalesia o Kaukeano ke alakai," wahi ana.

            Na P. E. Spalding na manao hoakaka no na mea i waihoia iloko o ka pohaku kihi mahope o ka ke kiaaina haiolelo ana, a na W. R. Castle ame Thoebe Cooke, kaikamahine a Kuke i hao a hoopalahalaha i ka puna me kekahi hao hamo puna hou. He 31 makahiki i hala aku nei na kona makuahine, o Sophie Judd kona inoa ia manawa, i lawelawe i ka hana elike me ka keia kaikamahine i hana ai ma ia la, ma ka manawa i hoolaaia ai ka pohaku kihi o Kaukeano kahiko.

Ka Hamare Laau Kahiko

            Me ka hamare laau kahiko a S. N. Castle, ka makuakane o W. R. Castle, i pakui ai i ka puna me ka ikaika he 31 makahiki hala aku nei, ma ka manawa i hoolaaia ai o ka pohaku kihi o Kaukeano kahiko, no hoi o W. R. Castle o ka pakui ana i ka puna i kawiliia ma ia la.

            Na Rev. W. A. Palemer kahunapule o Kaukeano i pule mahope o ka pau ana o na hana hoolaa, a na R. O. H. Guliek ka pule hookuu.

 

HOIKEIA AE NA UKANA A KA LUSITANIA I PIHOLO AI.

 

            NU OKA, Dec. 3. - Maloko o kekahi itamu mea hou a ka Nupepe New York World i hoolahaia ae ai ka hoike a ka luna aupuni a i hanaia hoi e Dudley Field Malone, ka lunakukeawa o Nu Ioka ia manawa, ia William Gibbs McAdoo, ke kakauolelo o ke keene waiwai, ma ka la 4 o Iune, 1915, a maloko o ia hoolaha ua hoakakaia o ka mokuahi Lusitania o ka laina mokuahi Cunard, i topidoia ai a piholo i ka hohona iloko o ka manawa o ke kaua nui o ke ao, aole ana mau pu mau pualikoa a mau mea pahu paha e lawe ana maluna on a, aka e lawe ana ia he 5400 mau pahu poka.

            Ma ka hoakaka a Malone o ke kumu o kona hoopuka ana i ka hoike ma ke akea mamuli no ia o na noi lehulehu no ka loaa aku o kekahi hoike oiaio e pili ana me na ukana a ka Lusitania e lawe ana ma kona manawa i topidoia ai.

            Wahi hou a ka hoike aohe mau pualikoa a kekahi lahui e kau ana maluna on a. O ka poka elike me ia i hoakakaia ae la ua laweia malalo o kekahi palapala ae i hoakaka mopopoia malalo o ka rula ana a ka oihana kalepa e noho mana ana ia manawa mai ka 1911 mai.

 

MAIKAI KA MALAMAIA ANA O NA KEIKI A NA MAI

 

            Mauka ae nei o Kalihi, ma na home i hookaawaleia e ke aupuni, no na keiki a na makua mai o Kalaupapa ame Kalawao, ua hoopuniia kela mau home e na mea apau e hoohauoliia ai ka manao o na keiki.

            Aia ka home o na keikikane me Kalihi-kai, a aia hoi ka home o ua kaikamahine ma Kalihi-uka, malolo o ka malama maikai ana a ka poe i hoonohoia ma kela mau home.

            Ua kukuluia ka home o na keikikane i ka makahiki 1907; a ke noho nei malaila na keikikane ma kahi o ke kanaha-kumamalima, mai ka eiwa mahina aku ahiki i ka iwakaluakumamaono makahiki.

            Maloko o keel home ua aoia na keiki ma na hana like ole, i kupono i ko lakou mau kino, o na keikikane nunui, e hoohanaia ana lakou ma na hana apau mawaho o ka home, e laa ka malama ana i ka maemae o ka pa, ke kanu ana i kekahi mau mea kanu, ame na hana e ae apau i manaoia ua kupono ia lakou.

            Ua hookaawale pono ia ka manawa no na hana o kela ame keia ano me ka hookaawale pu ia he manawa e kulaia ai na keiki, pela hoi ka hele ana e paani, a ma na ano apau ke nana aku, ua maikai a kupono maoli ka malamaia ana o kela poe keiki, i oi aku imua o ka malama ana a ko lakou mau makua ponoi, a mau ohana paha.

            Ma ka home hoi o na kaikamahine, ma Kalihi-uka, o ia ka Home Kapiolani no na Kaikamahine. He kanaonokumamalima ka nui o na kaikamahine maloko o kela home, mai na bebe mai a i na kaikamahine o umikumamalima makahiki.

            O na kaikamahine nunui, o lakou iho la no ka poe na lakou e kokua, i ka malama ana i na bebe liilii, a e lawelawe i na hana ano nui oloko o ka home.

            O kekahi poe kaikamahine nunui, ua hele lakou me kekahi poe ohana ua hele lakou me kekahi poe ohana e hana ai, a o ke koena iho, maloko no o ka home ka lakou hana, e laa ka humuhumu, i na lole no ka poe liilii, a ua makaukau maoli lakou i ka humuhumu.

            O kekahi poe kaikamahine, ua aoia lakou i ka hookani piano, a e malama mau ia ana he mau papa kula i na la apau, me ka haawiia no hoi i manawa no na kaikamahine e hele ai e paani, no ka hoohauoli ana ia lakou.

 

NOIIA AKU KA PERESIDENA E APONO I NA BONA.

 

            Ma ka Poalua o Novemaba 28 i hala i kakauinoa iho ai ke Kiaaina W. R. Farrington, i kekahi palapala noi a i hoounaia aku e ke kakauolelo o ke Teritore, e noi aku ana i ka Peresidena Harding e kakau iho oia i kona inoa maluna o na bona Hawaii no lakou ka waiwaiio $200,000, na bona i hoamanaia e ka ahaolelo kuloko no ka uku ana aku i na lilo o ke kukulu ana i ka hale, ke kiahoomanao kaua. Eha makahiki ka loihi o ka manawa o ia mau bona e holo ai ma ka elima pakeneka ukupanee, a ua hoike ae ke kiaaina i kona manaolana e loaa ana no ka poe kuai ia mau bona ma na makeke kuloko o kakou nei.

            O ka huina dala i aponoia a i hookaawaleia ai e ka ahaolelo kuloko i hala, he $250,000, he $50,000 nae o ia huina ua loaa mua mamuli o ka hoopiiia ana ae o na auhau kuhao, na loaa i kauia o kela ame keia makahiki ma o na bona la, oiai, i kinohi he elima makahiki ka loihi o ka manawa o na bona e holo ai. Hookahi makahiki i pau, no laila, he eha wale no makahiki i koe mamua o ke kuaiia ana aku o na bona, oia na bona i noiia aku la ka Peresidena Harding e kakauinoa iho.

            No ke kii o ka hale kiahoomanao kaua ua pau mua i ka hoomakaukauia i hakalia wale no i ka lilo o na bona o ka loaa no ia o ke dala e lawe ai no ke kukulu ana i ka hale.

            Mamuli o ke ae ana e uku i na poho o na poine i hanaia e lakou, no ka hale kelekalapa uwea ole ma Wahiawa, pela hoi ka ae ana e uku i ko lakou hoopai, i hoopau wale ia ai ka hihia o kela poe haole oluna o na mokuahi, i hopuia ai no ka lakou mau hana hoopoino i keia hale.

 

NEW PALAMA THEATER

 

            I waena o na Hale Kii Onioni mawaho aku nei o ke kulanakauhale nei, o keia wale no paha ka hale o ia ana e hooleleia nei na kii hou i kela ame keia po, a e mau aku ana ia pela.

Hoikeike ao: 5, 10, 20 Keneka; Po. 10, 15, 20, 30 Keneka.

 

Ke Noonoo Nei Anei Oe No Keia Mua Aku?

Ina aole,

No Keaha Ke Kumu?

 

            I na wa apau e paa mau ai kou lima i ka hana, he mea pono ia oe ke kapae ae i kekahi wahi hunahuna liilii o kou uku maloko o kekahi Banako, i puukalahala no ka wa pilikia.

 

UA MAKAUKAU MAU MAKOU E HOOKIPA MAI IA OE AME KAU MAU HUNAHUNA

 

Liberty Bank of Honolulu,

Limited.

Kihi o na Alanui Moi ame Maunakea

KELEPONA 1014

 

No ka Ikaika, Wikani, Konahao, Pukonakona, Hooulu Kino ame Hoomaemae Koko.

B.B.C.

No ka Opu, Akepaa, Puupaa ame Aalolo, Lepopaa ame Rumatika.

 

LIBERTY THEATER

E hoomaka ana i keia po:

Dorothy Dalton iloko o "The Siren Call"

"Aesop's Fable"

Ukukomo: 25, 40 Keneka: Noho i hookaawaleia, 60c.

 

EMPIRE THEATER

Ke paani nei i keia wa no eha po:

Tom Mix ilk o "The Rough Diamond"

Mahele 3 o ke Kii o Tazana.

Ukukomo: 15, 25, 40 Keneka; Ukuia ka auhau kaua.

 

STRAND THEATER

E hoomaka ana i kea po:

Constance Talmadge iloko o "Good Night, Paul"

"Winners of the West"

Kii hoomakeaka o Mutt ame Jeff.

Ukukomo: 15, 25, 40 Keneka; ukuia ka auhau kaua.

 

He Manaoio Anei Oe i Ka Hoomakaulii?

                       

I na he manaoio oe i ka Hoomakaulii, alaila, e hele mai no ko makou hale kuai bipi nei e kuai ai i kau mau io bipi. He emi loa na io bipi palai, ku, a pela wale aku, ma ko makou hale nei, i loaa ole i na hale e ae apau.

            Aole wale no o na io bipi, aka, o na io Kamano momona paakai, a i ole hoomoa uwahiia.

            Na io Hipa ku, he oi aku ke emi maanei e koe nui ai kau kenikeni iloko o kou pakeke.

 

O Ke Koe Nui Ana o Kau Kenikeni Iloko o Kou Pakeke e Hiki ai ia oe ke Hoihoi ia Koena i ka Banako oia ke Keehina Hoomakaulii

Metropolitan Meat Market

Ma ka aoao Waikiki o ke kihi mauka o na

Alanui Moi and Bekela

 

HOAPONO NA KANAKA AME NA WAHINE

ME KA IKAIKA I KA B. B. C.

 

Ke Ola Kamahao Ana o Mrs. Hiram Huff

            Ua hoakakaia ae o Mr. Huff o ka Melvin St. Cincinnati, O. penei: "Ua mai kuu wahine no 15 makahiki a oi a maloko o ka halemai oia i noho ai no ka hapanui o ka manawa aneane hiki ola iaia ke kokua iaia iho a ke haalele hoi i kahi moe - no ka rumatika, na mai o keia ame keia ano a no ke kulana nawaliwali maoli. Ua hoikeia mai iau ke hanaia ana o na mea apau nona e ola ai aoho nae he ola, a ua loaa iau ka manaoi aohe mea hiki ke kokua aku iaia.

            Aka nae he hana mana kamahao loa ka i hanaia nona e ka B. B. C. no ka mea, mahope o ka hala ana o na pule he umi o kona inu ma@ ana ia laau ua hiki i kuu wahine ke holoholo ma o a maanei me ka lawelawe i na hana o ka hale, o ia ka holoi ame ke kuke ana no ka manawa mua iloko o na makahiki lehulehu. He mahalo piha ko maua i ka B. B. C., no ka pomaikai ana i lawe mai ai ia maua."

            He mau haneri lehulehu o na kanaka ame na wahine koikoi o Honolulu i hoike ae i ka mea olalo no ka pomaikai nui o ka B. B. C. Ua wae ae makou i kekahi poe kakaikahi o ia poe o ia iho keia:

            Wm. Kawohionalana, Waikiki. - Ma kou manao he laau kamahao maoli ka B. B. C., no ke koko hakuhaku ino i nele ka holo ma na aakoko.

            Mr. Manuel Olivera - Novelty Foundry, South St - Ma kana olelo he laau kamahao loa ka B. B. C. no ka hoola ana i ka mai o ka opu.

            Mr. S. Furukawa o ka Nippu Jiji - He laau maikai loa ka B. B. C. No ka mai o ka opu ame ka hooikaika ana ae i na mea paahana o ke kino.

            Mr. Nahm Say Toun, o ke alanui Beritania - He laau kamahao no ka hooikaika ana i na meapaahana ka B. B. C., wahi ana.

            Mr. Wm. Kalama, 500 Alanui Waiakamilo - He maikai ka B. B. C. no ka opu ame ke aakoko - He Laau Hoomaemae Koko Maikaki.

            Mary Kala@koa, Alanui Gulika - O ka B. B. C. ka laau hoonoono ai - He maikai maoli no ka opu.

            Mr. Manuel de Mello, Kona, Hawaii - He laau maikai loa ka B. B. C. no ka mai iloko o ka opu me ka nawaliwali iloko o na mea paahana o ke kino.

            Mr. Ching Ling Lee - o ka halekuai o Kalihi - Hoolaia kou hui ame ka mai o ka opu e ka B. B. C.

            George Pehu, Alanui Kapahulu me Waialae - He laau kamahao loa ka B. B. C. - Lawe ia mea a e ikeia ana ka maikai.

            Mr. Jos. Amiel, Halekuai Boston. Alanui Moi - He laau hooikaika ae i ke kino ka B. B. C. no na mea paahana o ke kino i nawaliwali.

            Mrs. Chas. S. Wakita, Alanui Luso 1912 - Ma ke ano he laau no ka opu a he laau hooikaika kino holookoa aohe lua e like me ka B. B. C.

            Mr. Peter Pascal, Kama Lane, Palama - No kekahi manawa loihi kou loohia ana i ka mai a na ka B. B. C. i hoihoi hou mai i ke ola maikai iau.

            Mrs. O. R. Lover, Allan St. - Ua kokua mai ka B. B. C. i ka wa i hiki ole ai na laau e ae ke hoola i ka mai o ka opua ame na mai e ae o ke kino.

 

MR BEN BRUNS

Loea hoolaha ka mea iaia ka hoolaha ana i ka B. B. C., a hoikeike maloko o Hawaii nei.

 

Aole Hiki ke Hee; i Nei Wa Ua Ola

            O Mrs. M. Kitchen o ke Alanui Porter ame Mrs. Belle Jeapson o ke Alanui 23 Moi. elua o na wahine koikoi o San Jose, Kaleponi i hoakaka i ko laua mau manao. Eia ka Mrs. Kitchen hoakaka: He wahine mai loa au. no kekahi makahiki ka hoomailo ana a ka mai haalulu, aole hiki ke hele me ke kokua ole mai o kekahi. Ua hoao i na laau apau aohe nae he loaa o ke ola. Aneane loa e hoopau i ka manaolana ana no ke ola hou ae. Ua inu au i ka B. B. C. a i nei manawa ua hoi hou mai ke ola maikai i kou kino. Ua like pu ka Mrs. Jeapson makemake i ka laau B. B. C. me kou. Ua hoike mai oia iau no ka loaa ana o ke ola o kona mai ma ka opu ame ke haalulu mamuli o ka inu ana i ka B. B. C.

            A Quinduin, 820 Alanui Mokauea - O na laau B. B. C., he maikai - o ka oi aku o ia ka Laau Kunu no ka hano ame ke kunu nonolo.

 

Ka Mai Hoopihoihoi o Mr. Wm. B. Burk

            "Ke paa mau nei makou i ka hanohano nui o ka B. B. C., a e hoike mau aku ana no kona mahaloia," wahi a Mrs. Burk. No ka nawaliwali loa o ko Mr. Burk kulana mai ua make ko maua manaolana no kona ola maikai hou ae. Me ka malie loa ka ulu mau ana o kona nawaliwali ahiki i ka aneane ana e nele i ka manaolana no kona ola loihi aku. No ka nui o na Kanalua, na kauoha okoa aku mau ai kona kaikuahine i Kaleponi e holo mai. oiai maua e noonoo mau ana aole o Mr. Burk e ola hou ae ana. Aneane ma kela manawa ua ao mai la kekahi hoaloha o Mr. Burk e inu oia i ka laau B. B. C., oiai ua nui kona lohe no ka mahaloia o nei laau.Hoomaka iho la o Mr. Burk e inu a maloko o eono pule ua lilo ka hopena maikai i keia nona i mea hoohikilele i ka noonoo. Ua hoi hou aku oia i kana hana mua a ke hana mau nei i kela ame keia la. Moakaka ka ike a kona mau maka. Ikaika na aalolo, ono mai i ka ai, a hiamoe lealea i ka po, a ke pii mau ae nei kona kaumaha i kela ame keia la. He mea hoopahaohao o ia a he ola kupanaha hoi kona i ka manao o kona mau hoaloha ame na hoalauna i manao ole e ola ana oia mai keia kulana mai nawaliwali loa mai ona."

            Mr. David Kakalia, Kihi o Alanui Beritania ame Kamike - He laau hoomaemae koko ka B. B. C. me ka hooikaika i na mea paahana o ke kino - he maikai pu no ka rumatika.

            Mr. Jas. Borges, Alanui Self 1749 - He laau maikai ka B. B. C. No ka opu ame ke akepaa - e hooulu ae ana ia ia oe.

            Mr. Samuel Kind, Monsarrat Ave. - O ka B. B. C. ka lau maikai loa no ka nawaliwali holookoa mai o ke kino.

            O ka B. B. C. he hooulu i ke kino a he hooikai i na meapaahana o ke kino. E haawi ana ia i na meapaahana o ke kino i ka ikaika ka wa opio a e hookoe pu ana i ka ikaika o ke kino, hooulu i ke kino a oi aku ka ikaika mamua o ka mai maloko a mawaho o ke kuno a like me ko ka manawa mamua o ka laa ana i ka mai a hooponoponoia na mea paahana me ke kulana maikai aole e loaa ana i ka mai. O ia ke kumu o ka mai o ka opu, ka wali ole o ka ai, ke kapalili o ka honpo, ka rumatika, ke koko ino, ka nalulu, ka haalulu, ka hiaa, ka halana, ka maloo o ke akepaa, ke lepopaa, ka mai o ka puupaa ame ka puumimi i hookaawaleia aku ai mamuli o ka inu hoomau ana i ka B. B. C., no kekahi manawa, pela no me na mai i hoomailo i ke kino no ka manawa loihi, elike me ia i hoolaioia mai e na kanaka, koikoi oloko iho o ka aina i hoike mai ai.

 

Ma na Halekuai Laau apau e loaa ai a ma na Halekuai o na Mahiko. Ma ka laau wai a ma na huaale paha. Kumukuai $1.00. Ke kuai nei makou 6 no ka $5.00, a e uku pu aku no i na hoolilo no na puolo e hoounaia ana ma ka ekeleke maluna o na kauoha kuike apau $5.00 e loaa mai ana. E hoouna mai i ke dala ma ka bila haleleka me na kauoha ia Benson, Smith & Co., Ltd., Honolulu, T. H.