Ka Nupepa Kuokoa, Volume LXI, Number 48, 30 November 1922 — MAKE IA LUINA MOKU MA KEKAHI ULIA MA KAUAI. [ARTICLE]

MAKE IA LUINA MOKU MA KEKAHI ULIA MA KAUAI.

I kulike mo ka moolelo pololei o ka loaa ana ae e pili ana i kekahi luina o ka mokuahi Likelike i make ai oiai ia e ku ana ma Kilauea ma ka auwina la o ka Poaono he pule i hala aku nei, o 01iva Pua ka inoa, elike me ka hoakaka a ka nupepa Garden Island o ka Poalua o ka pule i hala aku la. ' O Pua kekalii o na luina iluna o ka "\vaapa e lawe ana i ka laina o ka moku e hoopa iuka o ka aina mai ka Likelike aku. He nui ka ino o ia awa ma ia la a me he mea la e hee ana ka waapa i ka nalu e kau ana o ka lai'na, a oiai ka waapa e hee ana i ka nalu ua hooku'i aku la ia me kekahi poliaku, a oiai hoi o Pua e ku ana iluna ua kiolaia aku oia imua a hooku 'i kona poo me ka hao umii o ka noho ana o ka waapa a naha ka iwipoo. Ua laweia ae oia a ka halema'i o Kilauea a i ka nanaia ana malaila ua make mua oia me ka hikiwawe i ka wa i hooku'i ai. He makuahine kona e ola ana a e noho ana ma Koloa, nolaila ua laweia ae kona kino ilaila ma ke Sabati no ke kanu ana. Mahope iho o ka loaa ana ia Pua o kela ulia ua hoole na luina e ae aole e lawe i ka laina iuka o ka aina mai ka moku mai no ka manao he kahuna ko uka o ke awapae o Kilauea. Ekolu ka mau kanaka i eha kukonukonu loa ma kekahi ano i like me keia ma ia wahi uo aneane ekolu makahiki i hala aku nei.