Ka Nupepa Kuokoa, Volume LXI, Number 48, 30 Nowemapa 1922 — HOIKE HUI O NA KULA SABATI O MOLOKAI NUI A HINA. [ARTICLE]

HOIKE HUI O NA KULA SABATI O MOLOKAI NUI A HINA.

E malamaia ana ka hoike hui o na Kula Sabati o Molokai, ma ka Luakini o Waialua, Molokai, ma ka Ia 24 o Dec. 1922. Na Haawina Hoike a kela ame keia Kula Sabati pakahi, o ia keia malalo ilio: Kula Sabati o Kalaiakamanu, ka haawina Kula Sabati ame C. E., o ka mahina o lulai. Kula Sabati 0 Pupukanioe ma Kamalo, ka haawina Kula Sabati ame C. E., o ka mahina o Augate, Kula Sabati o Kaluaaha, ka haawina Kula Sabati ame C. E., o ka mahina o S«patemaba. Kula Sabati o Waialua, ka haawina Kula Sabati ame C. E., o ka mahina o Novemaba. He 20 minute ka manawa o kela ame keia Kula Sabati pakahi, e hele mai me na haawina Kula Sabati ame C. E., ame x na himeni me ka miomio; a e malama pu ia ana e na Kula Sabati apau, he ahamelo nui ma ke ahiahi o ka la 23 o Dekemaba; ma ka Hall ma Waialua ma ka hora 7 p. m., ponoi. Nolaila, ke kauoha pu ia aku nei na luna nui o na Kula Sabati ame na haumana apau o kela ame keia Kula Sabati, e hiki kino mai me ko lakou mau haumana ma kalii 1 hoikeia ae nei maluna, a ke kono pu ia aku nei na hoaloha, ame na makamaka e nnue ae e ike pono i na puukani iloko o na hana ahamele a na Kula Sabati. Aole no i papaia na kalapu himeni mawaho ae o na Kula Sabati, no ke komo pu ana mai i na liana ahamele, no ka pono ame ka poinaikai o ka Ekalesia o Waialua; a ke hoike pu ia aku nei ka lohe i ka poe apau e hiki ana ma ka po ahamele, ame ka poe e hiki ana ma Waialua, i ka la hoike o na Kula Sabati, ua makaukau ke Kula Sabati o Waialua, e hookipa aku i na mea e oluolu ai ke kino o ka poe apau e naue ana no ka ike ana i na hana maikai mamua hoi o ka lohe pepeiao wale. Owau iho no me ka haahaa ka oukou kauwa paahana, JOSEPH N. UAHINUI, Kahu Kula Sabati Nui o Molokai. JOS. F. WELCH, Komite Hoeueu o na Ahahui C. E. o Molokai. Kaunakakai, Molokai Novemaba, 27, 1922.