Ka Nupepa Kuokoa, Volume LXI, Number 48, 30 November 1922 — MAKE KE KUMU POO MUA O SANA LUI. [ARTICLE]

MAKE KE KUMU POO MUA O SANA LUI.

Ma ka Poakolu o ka pule aku uei i hala, i loaa mai ai ka lono i keia kulanakauhale, no ka pauaho ana niai o Henry Erncst; ke kumupoo mua o ke Kula o Sana Lui, i | keia ola ana., maloko o Pittsburgh, Penekelevinia, ma ka la 6 o ka mahina o Novemaba iho nei. Ua haalele mai oia ia Honolulu nei, a holo aku no Amerika, mamuli o ke onawaliwali o kona ola kino, a ua lilo ka nuhou no kona liaalele ana mai la i keia ola ana, i mea hookaumaha i kona mau hoaloha lehulehu ma Hawaii nei. Ma kona manawa o ka make ana aku la, ua piha iaia na makahiki he G3. I kona manawa he 24 makahiki, i holo mai ai oia no Hawaii nei, iloko o ka 1884, me ka puulu elua o na Hoalianau i hoounaia mai i Hawaii nei. Ua lilo ka Hoahanau Henry Ernest oia kekahi o na kumu o ■ke Kula Sana Lui, i ka manawi e noho kumupoo ana ka Hoahanau George Bertram, e noho mai la ma San Antonio, Texas. Iloko o ka makahiki 1893, ua lioi ka Hoahanau H. Ernest, no Hilo, me ka noho kumupoo ana no ke Kula St. Mary ma kela kulanakauhale, no na makahiki he 13; a i ka wa i haalele mai ai ka Hoalianau Bertram i ka noho poo ana no ke kula o Sana Lui, ua hoi mai oia a hoopiha i kela kulana, i ka makahiki 1905. Ua nohopoo oia no kela kula, ahiki i ka makahiki aku nei i hala, ma waiho mai la oia i kona kulana, mamuli o ka nawaliwali o kona ola kino, me ka hoohala ana i kekahi manawa ma Hilo a ma Wailuku, Maui, a iioko o ka mahina o Mei iho nei, i haalele mai ai oia ia Hawaii nei no Amerika. No na makahiki he kanaha, o ka poho a'o ana o ka Hoahanau Ernest, ua kamaaina maoli oia i na kaukani o na kanaka opio i komo iloko o ke kula 'o Sana Lui, a ua nana aku lakou iaia, mayke ano he makua a he hoaloha oiaio no lakou. Ma ka manawa e ola ana ka Moi Kalakaua, he mau hoaleha maikai loa na Hoāhanau Bertram ame Ernest e hoohalaia ana he mau manawa lehulehu e lakou ma ke j kula o Sana Lui ma ke keaka ai®i.