Ka Nupepa Kuokoa, Volume LXI, Number 48, 30 Nowemapa 1922 — KANONO PONO KA HOOPAI A KA AHA [ARTICLE]
KANONO PONO KA HOOPAI A KA AHA
Ma ka noho ana a ka aha federala a ka Lunakanawai John De Bolt ma ka Poakahi nei e hoolohe i ka hihia o Yotaro Morikawa, ke Kepani i hopuia ai e ka Ilamuku Amerika Oscar P. Cox ma ke kakahiaka nui o ka Poaono i hala maloko o ka Hokele Seaview ma Waialua, a i hoopiiia ae ai no ka loaa ana aku o kekahi mau galani okolehao malalo o kona malu me ka malama i na hana ino ku e kanawai, ua ike ka aha i ka pili o ka hewa iaia, mahope o kona ae maoli ana aku i kona hewa, nolaila aohe hana e ae a ka lunakanawai o ke kau wale mai no i ka hoopa'i ko'iko'i maluna ona o $400 me na koina o ka aha. O kekahi mau Kepani e ae i hopuia ai no ka hana waiona oia o Sasuke Furuboyashi, he $50 kona hoopa'i, hoihoi hou ia mai iaia na dala koina o ka aha.