Ka Nupepa Kuokoa, Volume LXI, Number 47, 23 Nowemapa 1922 — Pakele Kekahi Haole Koa Mai Ka Make Mai Na Kekahi Poe Pii Kuahiwi i Hoopakele i Kona Ola ma ke Alanui ma Kolekole KAKAA OIA A PAA MA KA AOAO O KA PALI Me ka Uwea Pa i Hukiia ai Kona Kino Ahiki i ke Kau Ana i ka Honua Paa [ARTICLE]

Pakele Kekahi Haole Koa Mai Ka Make Mai

Na Kekahi Poe Pii Kuahiwi i Hoopakele i Kona Ola ma ke Alanui ma Kolekole

KAKAA OIA A PAA MA KA AOAO O KA PALI

Me ka Uwea Pa i Hukiia ai Kona Kino Ahiki i ke Kau Ana i ka Honua Paa

Mamuli o na ulia poinaikai, i hoopakeleia ae ni ke ola o kekahl koa, mai ka make mai, ma*ka auwina la o ke Sabati aku la i hala, i ka wa i hoea aku ai kekahi poe eha o ke Kalapu Pii Kuahiwi, ma Kolekole, a na lakou i hoopakele ae i kela koa, oiai oia e lewalewa ana ma kekahi wahi nihinihi o ka pali. Oiai kela poe pii kuahiwi e nanea ana i ka hele ma ke alanui ma Kolekole, ua lohe aku'lakou i ka leo kahea no ke kokua mai kekahi wahi mai, malalo pono aku, o kalii a lakou e hele ana; ua hookolo mai la lakou,- ma kahi o kela leo kahea, ahiki i ko lakou ike ana aku, i ka waiho mai o ke koa ilalo o ka olaelae pohaku ma kahi o ka pali e nana ana i ke awawa kuhoho. Ua loihi paha ka noho ana o kela koa ma ia wahi, me kona hooikaika ana e kau oia iluna o kahi lionua maikai, aole nae he hiki, a raa ka oleloia, ua hele oia a paupauaho, me ka aneane loa e pau kona manaolana, no kona palekana. I ka ike ana o ka poe pii kuahiwi, i ke kulana kupilikii o kela koa, ua hele leoke lakou e oleioki i ka uwea o kekahi pa laau, me kela uwea, i hookuukuuia aku ai kekahi piko ilalo, ahiki i ka loaa ana aku i ke koa, alaila hoopaa ae la i ka uwea ma koua kino, ua hukiia 1a ola ahiki i ke kau ana iluna o kahi a ka poe hoopokele e noho ana. Ma ka hoakaka a kela haole koa, e hele ana no oia ma ka aoao o ke kuahiwi, a iloko o kona naiiea, ua kakaa niai la kekahi pohaku a pa ma kona poo, me ka pakika ana no hoi o kona mau wawae, o kona haule aku la no ia ma ,ka aoao I o ka pali, a mamuli wale no o ka i hapapa ana ae o kona mau lima, j i ka olaelae pohaku, pela oia i paa ai ma kela'wahi, ahiki wale no i ka hoea ana aku o ka poe hoopakele. Mahope iho o kela hoopakeleia ana o ke koa, ua huli hoi aku la oia no Leilehua, kona wahi hoomoana, ana no hoi o ka haalele ana aku ma kela la, no pii ana iuka o ke kuahiwi.