Ka Nupepa Kuokoa, Volume LXI, Number 47, 23 November 1922 — E HOOLILO ANA I KONA AINA HANAI HOLOHOLONA. [ARTICLE]

E HOOLILO ANA I KONA AINA HANAI HOLOHOLONA.

I kulike ai me kekahi meahou o ka oili ana ae mai Wailuku, Maui mai, e kuai hoolilo aku ana o Kauka Raymond, i kona aina hanai holoholona ma Maui, i ka ohana Baldwin, ke holopono na kukakuka ana, ma na aoao a elua, ma keia mua iho. O ke kumukuai i manaoia no kela mau aina hanai holoholona ame na waiwai no apau o Kauka Ravmond, he $625,000. O na waiwai i komo maloko o keia manao hoolilo o Kauka Ravmond, o ia no ka aina lianai holoholona ma Ulupalakua, ma kahi o ka 24,00 eka ka nui, pela na eka he 12,655 o Kahikinui, malalo o ka hoolimalima mai ke aupuni aku, a mawaho ae o kela mau eka aina, aia he 5000 mau poo pipi e holo la ma kela mau aina hanai holoholonn. Ma ka hoakaka a Frank Baldwin, aole he kumu nui o kona manao ana ame kona mau hoa, e kuai i ka aina hanai holoholona o Kauka Raymond, no ke ake wale ana no ia e kaa mai kela mau aina malalo o lakou, mahope iho o ka hooliloia ana aku o ka Mokupuni o Lanai i ka Hui Kanu Halakahiki Hawaii, no ke kumukuai o $1,100,000.