Ka Nupepa Kuokoa, Volume LXI, Number 47, 23 November 1922 — KE PAHOLA NEI KA MA'I ULALII. [ARTICLE]

KE PAHOLA NEI KA MA'I ULALII.

Eia ka ma'i ulalii ke pahola nei iwaena o na keiki kula, iloko o keia mahina, i kulike me na mea i hoomaopopoia he hookahi haneri me iwakalua-kumamaha ka nui o na keiki i loaa i keia ano ma'i. Ma ka hoakaka a ka Peresidena F. E. Trotter o ka papa ola, o ka hana pono wale no, mahope o ka ikeia ana, ua loaa kekahi keiki i kela ano ma'i, o ia ka hookaawale ana iaia mai ka huikau pu ana aku me na keiki e ae. Ua like ka manao o Kauka Trotter, ame Kauka Wayson, no ka pono loa e hookaawaleia na keiki kula, mai ka hele ana mai i ke kula, i ka wa e loaa ai i ka ma'i ulalii, a iloko no hoi o ia manawa hookahi, e makaala loa ia ko lakoumalamaia ana.

Wahi a laua, o kela manao o kekahi poe, aole he ma'i hoopiiikia, ka ma'i ulalii, he manao pololei ole ia, no ka mea e ukali pu ana na ma'i e ae, i kela ano ma'i, ke lawe ole ia na alahele makaala apau ma ka aoao o na makua. O na hoailona hikimua, no ka oili mai o keia ma'i ulalii, o ia no ke anu, ka ula mai o na maka ame ke kunu. Ona keiki e ikeia ana o kela mau hoailona ae la, ma lea manao o keia mau kauka o ka papa ola, he pono lakou e nanaia, no ka hoopakele ana ae ia ka lakou mai ka loaa ana i ka ma'i ulalii.