Ka Nupepa Kuokoa, Volume LXI, Number 46, 16 November 1922 — AOLE I AHEWAIA KA HOOKELE AUPUNI REPUBALIKA [ARTICLE]

AOLE I AHEWAIA KA HOOKELE AUPUNI REPUBALIKA

Ua ala mai ka manao iloko o kekahi mau alakai o ka aoao Demokarata kuloko, o ke kohoia ana o W. P. Jarrett, i elele lahui na-Hawaii nei i Wakinekona, he hoike maopopo ia, no ka hoahewa o ka hapanui o na mana koho haloka i ka hookele aupuni Repubalika ma Ilawaii nei. O keia kekahi manao pololei ole, ua ike maopopoia keia, ma o ka lanakila holookoa ana, o na moho Repubalika apau o ka ahaolelo kuloko, apuni ke Teritore, a ma ka apua ka oili hookahi ana ae o kekahi lunamakaainana Demokarata mai ka apana elima mai. Ina o ka hookele a hooponopono aupuni Repubalika, ka i ahewaia e ka hapanui o na mana koho, aole loa e kohoia he hookahi moho Repubalika no ko kakou ahaolelo kuloko; nolaila o ka lanakila ana o W. P. Jarrett maluna o kona hoa paio, aole ia elike me ka kekahi mau alakai Demokarata i manao ai. O ka mea oiaio loa, aole e hiki i na Demokarata ke hoole mai; o na Repubalika, ka poe na lakou i koho aku ia W. P. Jarrett, i elele lahui, aole nae 110 ko lakou hoowahawaha i ko lakou aoao kalaiaipa iho : aka no ka lilo ole ana o ka moho Repubalika i kanaka na ka hapanui o na Repubalika i makemake ai. īna o ka Elele Baldwin ka i holo hou he moho elele lahui ma ka aoao Repubalika, ua huliamahi na Repubalika, ma ke koho ana iaia; aka i ka holo ana o ke kanaka i makemake ole ia e ka hapanui o na Repubalika, ua koho ku-e aku la.kou iaia, ma ke kokua ana aku, e loaa ka lanakila i ka moho elele lahui Demokarata. He hookahi mea a keia pepa e ahewa loa nei i na Repubalika, i ko lakou hoike ole ana, i ko lakou makemake ole ia John H. Wise, ma ke kau koho baloka wae moho aku nei o kakou. O kela ka manawa maikai loa, e haalele ai iaia, aole o ka waiho a waeia oia i moho, alaila Jele aku la ke koho ana i ka moho o kekahi aoao kalaiaina okoa. E hoomaikai iho na Demokan.ta i ke komo pu ana aku o na Repubalika ma ke koho ana i ka lakou moho elele lahui, a loaa ka lanakila ma keia kau, aka nae, e hoomanao pu no hoi, he papale lele wale i ka makani, ke kulana kohoia e ka lehulehu. aia no he wa e hoea mai ana, ina'e ku iho ana \ kahi e loaa ai ke kanaka i lokahiia e na Repubalika apau; e hoolele pau auanei na Repubalika i ko lakou ikaika, maluna o ka lakou moho, a hoaa na Demokarata, i kahi e loaa ai ka lanakila ma ko lakou aoao. — «♦ . Hele no hoi a ke kau i haalele ai o L. L. McCandless i- kona holo moho elele lahui ana ma ka aoao Demokarata, akahi no a kaa ka lanakila i ka moho elele lahui a kela aoao kalaiaina, hope iho o ke alualu hoomanao ana no na makahiki he iwakalua ae nei i hala. O kahi no o ka ulia pakalaki; ina no o Mr. McCandless ka i holo moho iho nei, me he mea la, ua ukali mau iio ka paoa iaia. L a hala aku Ia nae keia koho baloka, nana aku ana o ka oili hou mai o ua kau a kakou e koho hou aku ai i na kanaka kupono, i poe hana kanawai no kakou +++ Eia ka poi ke makepono mai nei ke kuai ana i keia manawa; ma na mea i hoikeia mai i keia keena. aole ka keia malalo 0 kekahi kumu e ae, aka 110 ke ano paonioni o kekahi mau halekuai poi: ina no kela mau ano iloko o ka puulu hookahi, ina no ke pipn loa nei ka poi, me ka nana ole ia i ka palahu mai o ke ka!o iloko o ka lo i. Ua ola ka poe ai poi i keia mau la, ua mahuahua na paona poi; a pau no hoi ka awiliwili ana me kekahi mau ano ai, e hoomahuahuaia ae ai ka nui o ka poi. Ke hookokoke mai nei ke anu o ka hooilo iloko o keia mau la e hoomaikai no nae kakou ia mea, aole elike me ka poino 1 loaa i kekahi mau wahi o ka honua nei, ka nui o ka poe i make i ke kaihoee, ame na pojno e ae. N'o ke kokua ana aku i ka Elele W. P. Jarrett. ma kona kulana, pih i ka lāuna ana iwaena o ka pohai o ka poe lianohano a ma na ano e ae 1 pili i kana mau hana ma Wakinekona, liē hana naauao na ke komite kuwaena teritore Demokarata ke ana ia C - P - i kakauolelo nana, mamua o kekahi mea e ae.