Ka Nupepa Kuokoa, Volume LXI, Number 45, 9 November 1922 — PAU OLE NO KA POHIHIHI [ARTICLE]

PAU OLE NO KA POHIHIHI

Oiai, ua emi mai ka nui o na baloka i kiolaia, ma na mahele koho o kakou, apuni keia Teritore, ma ka Poalua aku la i hala, aia no nae he mau baloka i kiolaia, ma ia ano he hoike maopopo loa ia, no ka mau no o ka pohihihi o kekahi poe, i ke kaha ana i ko lakou mau baloka. O ka hemahema nui loa i ikeia ma ke koho baloka aku la, i hala. a i kiolaia ai hoi kekahi heluna nui o na baloka, o ia no ke kaha ana, a oi wale aku i ka heluna o na moho i makemakeia. O na hemahema o na wa koho ac nei i hala, e laa ke kaha ana maloko mai o ke kuea, a mawaho paha o ke kuea, aole he ikeia ma kekahi mau rhahele koho, he hoike keia, no ka lilo o na hoonaauao ana i na mana koho, iloko o na la aku la i hala, i mau mea waiwai; a ina e hoomauia aku ana ka hoonaauao ana i na mana koho ma keia mua aku, e hoea mai ana no i ka wa e emi mai ai ka nui o na baloka kiolaia. He hookahi nae kumu i naauao ai ke kaha ana a ka hapanui o na mana koho i ko lakou mau baloka, o ia no ko lakou paa pu ana me na baloka hoohalikelike i pa'iia, a i hoolakoia aku ia lakou, e ka poe hooikaika o na aoao kalaiaina, ma keia mahele, i ikeia ai ka makaala ame ka makaukau kalaiaina o ka aoao Demokarata; no ka mea ma na mahele i noho mana ai na Demokarata, ua ikeia ka pololei o ke kaha ana i na moho Demokarata wale no; aole keia mamuli o ka naauao o na mana koho, aka no ka loaa mua ana o na baloka hoohalikelike i kaha mua ia; o ka lakou hana wale no, o ia ke kaha ana i ko lakou mau baloka, elike me na kaha e kau ana maluna o na baloka hoohalikelike, no kela ame keia kulana oihaha pakahi. E hoea mai ana nae, i ka manawa e waiwai ole ai kela mau baloka hoikeike ina e loaa i'o ana ia kakou ka naauao ma ke koho baloka ana, o ia no ka nana ana i na moho ma ko lakou aoao kalaiaina, a kau aku i ke kaihape'a mamua.aku o na inoa o na moho iloko o na kuea i hookaawaleia. O kekahi hemahema i ike mau ia i na wa koho baloka apau i kaahope aku nei, a i ike hou ia no hoi ma ke koho ba!oka aku nei i hala, o ia no ke kaha ana o kekahi mea i' kona baloka, a holoi hou i'ke kahape'a, alaila hana iho la i kahape'a hou. O ka mea pono e hana ai, e hoihoi mai i kela baloka i hewa, a e noi aku i na lunanana i balokai hou. * F2 hoopau i ko kakou ano naaupo, ma ka hoao ana e hana me ka makee i ka pono koho baloka, ma ke ano e kiola ole ia ai ma keia mua aku.