Ka Nupepa Kuokoa, Volume LXI, Number 45, 9 Nowemapa 1922 — MOOLELO O KA HALAWAI HANA O KA AHAHUI KULA SABATI O KA MOKUPUNI O OAHU, KAU O OKATOBA, 1922. [ARTICLE]

MOOLELO O KA HALAWAI HANA O KA AHAHUI KULA SABATI O KA MOKUPUNI O OAHU, KAU O OKATOBA, 1922.

(Hoopau ana.) Noho hou ka Halawai Hana a ka Ahahui Kula Sabati, elike me ka hoopanee ana. Lunahoomalu Oscar P. Cox ma ka noho a hoomakaia na hana me ka Himeni 8 L. H., ame ka pule a Rer. J. K. Paele. Ka ka Lunahoomalu i kauoha i ke kakauolelo e kaheaia na inoa, a e heluhelu ia no hoi ka moolelo o ka la hana ekahi. Ma ke noi a Paalua Kellett e kapaia ke kahea inoa, a e hilinaiia hoi ka moolelo o keia Aha ma kona kakauolelo la, aponoia. Hapaiia ka hoike a na komite kumau o ka Aha elike me ia i kohoia. Na M. K. Benjamin i ka hoike a ke komite o na hoike papahelu, a aponoia me na hooponopono ma kē noi a Paalua D. Kellett. Na Luna Nui 72; makuakano, 306; makuahine, 629; opio-kane, 120; opio-wahine, 321; pokii-kane, 221; pokii-wahine, 354; Hebedoma i kulaia 255; Averike 241; na kumu 77; na Papa 67; bapetizo, 12; na hoahanau komo i ka ekalesia 4; Na loaa $10,721.23; Na hoolilo $2,70798; Koena waihona $8,013.35. Na Bam K. Kahele i ka hoike a ke komite o na hoike elele, a aponoia. Na Jas. Hopili i wailio mai i ka hoike a ke Komite o ke Kahu Kula Sabati Nui, a aponoia. Na L. K. Kupau i ka hoike a ke Komite o na hana hou, Helu 3, penei: • Kawaiahao Okatoba 5, 1922. Mr. Oscar P. Cox Lunahoomalu ame na lala o kau aha:—Me ka mahalo: Hoike hapa keia a kou Komite o na Hana Hou, penei: I—Na ka Lunahoomalu o keia ahja e hoomakaukau i na kumuhana haiolelo ame ka wao ana i ka poe haiolelo i kela ame keia kau e noho ai. 2—E hoonuiia na lala o ke Komite pa'i, i elima. 3—E pa'iia ka papa kuhikuhi hana o keia aha. 4.—Elua hoike a ka elele ame ke Kahu Kula Sabati apana e hele mai ai i ka aha. s—Komite Hoeueu. 6—Komite Papahana. N. K. POAI, L. KUPAU, S. K. KAMAIOPILI, Ma ke noi, ua laweia ka hoike a noonoo pakahi. Kumuhana —Na ka lunahoomalu o keia aha e hoomakaukau i na kumuhana haiolelo amo ka wae ana > ka poe haiolelo. Aponoia. Kumuhana. 2—E hoonuiia na lala o ke komite i Elima.—Kapaeia. Kumuhana. 3 —E pa'iia i papa kuhikuhi hana no keia aha, aponoia. Kumuhana. 4—Ēlua papahelu a ke Kahu Kula Sabati ame elele e hele mai ai i ka Aha. Aponoia. Kumuhana. s—Waihona Komite Hoeueu, hoeueu mai ke komite no ka uku ana aku o na Kula SalJati no ia waihona. Kumuhana. 6—Komite papahana. Aponoia. Noho na Aha a hoolohe i ka haiolelo a ka poe i waeia no ka haiolelo ana maluna o ke kumuhana "Owau anei?" Na ka elele o ke Kula Sabati o Kaneohe i wehe mua i na hana, Mrs. Maraea Coney, a na ka elele o ke Kula Sabati o Kaumakapili Mrs. Helen K. Kamaiopili ka helu elua, I a na ka elele o ke Kula Sabati o Kawaiahao ka helu ekolu, Mrs. Martha Hailele. He maikai ka manao i hoakakaia e ka poe haiolelo, a i ka pau ana 0 ka lakou mau hoakaka maluna o ke kumuhana, "Owau aneif" ua kakoo mai ka lunahoomalu 1 na manao i haiolelo ia e ka poe i waeia, a pela no hoi me Rev. H. K. Poepoe, ma kona wehe maopopo ana ae i ke kumu o keia manao "Owau aneif" Lulu no ka waihona o ka Aha, $4/ Na Paalua B. Kellett he noi e kauohaia ke kakanolelo e haawi aku 1 hoomaikai na keia aha i ka Ekalesia o Kawaiahao aponoia.