Ka Nupepa Kuokoa, Volume LXI, Number 45, 9 November 1922 — Page 4

Eha

Kuu Kane Aloha Edward Makia Kapoo Ua Hala.

 

Mr. Solomon Hanohano; Lunahooponopono o ka Nupepa Kuoka, Aloha oe:- E oluolu mai kou ahonui ame kou lokomaikai, e ae oluolu mai e hookipa aku ma kahi kaawale o ke kino lahilahi o ka elele mamaahailono, nana hoi ia e hai aku I ka lono kaumaha o ke aloha ame ka luuluu nona ke poomanao e kau ae la maluna, I ka ohana, no hoapaahana pu iloko o ka hana a ke Akua na makamaka amen a hoalaoha o kuu kane aloha, Mr. Edward Makia Kapoo, mai ka la puka mai ma Kumukahi a ka welona a ka la I Lehua.

Ma ka hora S ka po Poakolu Mei 10, 1922, ua pauaho mai la kuu kane aloha I keia ola ana, a niau palenehe aku la ka uhana e hoi ana ma kahi I hoomakaukauia no na mea apau, a waiho iho la I ke kino puanuanu na’u e pa’iauma aku me na lei a maua ame ka ohana nona. Luuluu wale!

Ma Hana I ka Ua Lani Haahaa ame ka Ua Apuakea oia kahi I noho ai, ua hoounaia oia malaila I haioleleo no ka ekalesia o Wananalua, Hana, no I makahiki eia nae he mau la pokole wale no o 11 la a kaawale aku la oia no ka wa mau loa.

Ua hanauia kuu kane aloha ma Moalii, Lahaina, I ka Maluulu o Lele, mai ka puhaka mai o Elizabeth Naaikauna (w) ame Moses Kamaunu (k), I ka mahina o Oct. 16, A.D. 1876, nolaila ua piha iaia na makahiki he 45, me 6 mahina 24 la o ka hanu ana I na ea oluolu o keia ao, a kuu aku la ka luhi o kuu lei aloha, kuu kane nona au e luaieleia nei e ke aloha, e huli ae ana au I kuu aloha, aole e loaa ia’u, aole oia e hoi hou mai ana, aka owau ke hele aku I ona la.

Auwe kuu aloha pauole I kuu kane, lihaliha wale ke aloha ke hiki mai, hiki mai no kona aloha e uwe no au, aole e nalohia ke aloha, ke haupu ae luuluu wale au I ke aloha I kuu kane, kuu hoapili, ka manaolana o kuu ola ana.

Ma Honokohau oia kahi I hanaiia ai, e kona mau makua hanai, Mr. & Mrs. Daniel Kapoo, a ua hoonaauao mua ia oia ma ke kula aupuni malaila, a mai ia kula mai, komo aku oia I ke kula nui o Lahainaluna, ka ipukuikui aa mau, a oiai oia ma ia kula, ua pauaho mai kona mau kahu hanai I keia ola ana, a hoi aku la kuu kane me kona mau makua ponoi e noho au, e hoomanawanui ana I ka imi naauao.

E na Honoapiilani, kahi nana I hiipoi kuu kane aloha aole oukou e ike hou ana iaia, ua pau kona hehi hou ana aku ia Kahakuloa, ua hala ka puulena aia I Hilo, ua kuu ka luhi o kuu leialoha. Auwe kuu aloha ka pauole I kuu kane!

E Lahainaluna, ka home imi naauao, a kuu kane I hoomanawanui ai, I ka naauao ka ipukukui a-a mau I ka makani Kauaula; e ka wai owe I ke aumoe e moe ae ana au a hoolono I ko leo, aole nae o’u lohe aku, ua pau, nalo na maka o kuu aloha,  aole oia e kipa hou aku ana I ou la; e  Harona ua pau kona honi hou ana I ke ala kupaoa o ka palai lipolipo o ia waokele. Luuluu wale!

E Lahaina I ka Maluulu o Lele, ua lele kuu aloha mai a’u aku, aole oia ma kuu poli, ua pau kuu ike hou ana iaia, auwe kuu aloha I kuu kane. F. ka lipoa aala o Makila, e Hauoia ame ka Nalu o Uo, ua pau ko oukou kipehi hou ana I na hunakai ma kou mau papalina.

Ia oe e ka Ua Paupili ame ka Ua Lililehua: e ka Makani Maaa wehe launiu o Lahaina, ua hala kuu leialoha, aole e hopulu hou ia ana kuu aloha, aole hoi na aheahe makani e ka aina e hooluolu hou ana I kuu aloha, ka mu’olauniu opiopio o ka aina, kuu hoa alo anu o ka po kehau anu o Makawao.

I ka makahiki 1899, puka pono mai oia mai ke Kula o Lahainaluna, a ua loaa mai kona palapala hookuu me ka maikai, a ma ka makahiki 1900, I ka mahina o Jan. 20, hoohuiia maua ma ka berita maemae o ka mare, e ka makua Bev. John Kalino ma Haliimaile, ma ko’u home, nolaila ua piha ia maua na makahiki he @, iloko o ka noho maemae o ka mare, ua hoopomaikai mai ke Akua I ko maua kihapai, he 7 mau keiki he 5 keikikane, me elua kaikamahine, he elua a maua keikikani I hala mua aku, ma ke alahele a ko laua papa I hele aku la, a koe iho me a’u ekolu keikikane ame elua kaikamahine.

He piha oluolu, heahea kuu leialoha, he ike ohana, he waipahe kona ano, a he piha me ka maemae kona @ he malama ia’u I kana @maika’I, he nui ai iaia,@ wahine, me ka maikai he mea nui au iaia, he ike oia mai ka poe kiekie ame ka haahaa, ua piha @ me ke aloha, he akahai oia, @ hoomanawanui I ka imi ana I na@_ o keia ola honua, I mea e oluolu ai ke kino, e a I ana oia I kahi mea liilii, e hookoe ana  na’u kekahi amen a lei a maua.

Auwe kuu hoomanao poina ole I kana mau hanan maikai a hoi pu aku au me na hoomanao ana nona, ma kela ao mao.

Ma ka Poakolu la 10, o Mei, 1922, hora 9 a.m., hoea mai la ke Kahu Moses M. Kahiapo, ma ko’u home, ha’I mai la ia’u I kepelonaia mai nei oe, e hele no Hana, he ma’I pilikia loa ko kuu kane aloha, ua pau ka ike ame ka lohe, amalaila iho la, kupouli ae la ka noonoo I ke aloha o kuu kane, aka na ke aloha o ke Akua I kokua ia’u hele aku la au me kahu, a loaa ke kaa otomobile, kau I ke kaa hoea no Huelo, loaa mai la ka lio mai kuu pokii aloha, Hattie Range, kau ma ka lio a hele aku la ma ke Ala Auwai o na pali Koolau, iloko o ka ua ame ka ohu e halii, a Nana no I kiai I kana kauwa nei, kau mai la ke aloha o kuu leialoha, I na pali Koolau o Maui, e ka wai huihui o Oopuola, ua hala ke aloha, hala pu me ka anoi, aole oia e ike hou ana I kou nani, aole I ke ala o ka maile o ia waokele, o ia wahi maua I alo pu ai me kuu lai, ua hele wale ia no na Koolau apau e maua me kuu kane aloha, me kuu minamina nona.

Hora 4:30 p.m., hiki I Keanae, I ka home o John Plunket, na ia mau hoapaahana o ke Akua I kokua mai ia’u I kahi kappa e mehana ai, oiai, ka ua e loku ana, me ka hu’ihu’I pu o ka makani o ke Koolau, noi aku la au I ko laua oluolu e kelepona I kaa no’u I Nahiku, a ua kokua mai laua ia’u, kau hou I ka lio, he loa hou aku no ia e hele ai no 8 mile, hiki I kahi o kea kaa, hora 6 p.m., kau I ke kaa hoea I ka home aloha a na makua puuwai aloha, Mr. ame Mrs. Sam Pupuhi ame ka hoapaahana D.K. Wailehua, Mr. ame Mrs. John Hanuna, amen a hoahanau apau e akoakoa ana, e kiaai ana I kuu kane aloha. Aloha no!

Hui aku la me kuu leialoha, kuu lei nani o kuu mau la opio, e waiho ana ma kahi moe, ua pau ka ike ame ka lohe, aole he hoomaopopo mai ia’u I kana wahine, ua kahea iho au, aole he lohe ae, auwe kuu hoomanao pauole I kuu kane, kuu manaonao wale ke hoomanao ae I na hora hope loa o ke ola ana o kuu kane.

Aloha kuu kane heleloa, kuu lohe ole I kona leo aloha, aole I kamailio pu me a’u, noi aku la au I na luna kahiko e hoomaikai I kuu kane, a ua haawi mai lakou I na leo pule nona ame a’u pu, e hoomaha ana I kona mau ehaeha apau iloko o ke aloha o kona Makua Lani.

Hapai mai la au I kuu kane aloha, a hii ae la me ko’u mau lima, a maluna o ko’u mau lima I pau loa ae ai kona hanu hope loa a kuu aku la ka luhi, pili iho la kona mau maka me ke aloha. Luuluu wale!

Poaha, Mei 11, 1922, hoouna ae la ka makua puuwai aloha Rev. E. E. Pleasant, I ka waapa aila ea, Makaiwa, me na lunakahiko o ku ekalesia o Paia, me na lei a maua e aloha ae ana I na ale o ka moana, e ike I ko laua papa. Walohia ke aloha o kuu kane ke haupu ae.

Hora 12:15 p. m., o ia la hiki ae la ka Makaiwa, e hii pu ae ana me ka hale kaupoku ole o kuu kane, ike hope iho la me na hoahanau o ka ekalesia aloha o Wananalua, a huli hoi mai la me ke kino puanuanu o kuu aloha, no ka aina hiki I Kahului, hora 4:30 hui ae la me ka ohana, na hoapaahana o ke Akua.

Kau ma ke kaa no ka ekalesia o Paia, a malaila no oia I waiho ai, a hoomoeia aku kona kino ma kahi mau ma ka ilina o ka ekalesia o Paia.

Ua malamaia kona anaina haipule ma ka luakini, ua piha I na makamaka ame ka ohana, a nona au e poina ole nei I na kau a kau, me ka minamina pau ole nona.

Ko aw la ka mea I hoakakaia ma ka Palapala Hemolele, he mahu ke ola o ke kanaka I pua ae, a mae iho, elike me na pua ae kula I mohala ae I ke kakahiaka, a mae koke iho la no.

O ka mea I hanauia e ka wahine, he hapa kona mau la, a ua piha I na popilikia he nui.

E hoomaikaiia ke Akua ma na lani kiekie loa, he malu ma ka honua, he aloha I kanaka Nana no I lawe aku. Me oe e ka Lunahooponopono o ka Nupepa Kuokoa, ko’u welina aloha, amen a keiki oniuhua mekala ko makou Adios.

O makou iho no me ka luuluu.

Mrs. Lily Kapoo,

Me ka Ohana.

MOOLELO O KA HALAWAI HANA O KA AHAHUI KULA SABATI O KA MOKUPUNI O OAHU, KAU O OKATOBA, 1922.

(hoopau ana)

Noho hou ka Halawai Hana a ka Ahahui Kula Sabati, elike me ka hoopanee ana.

Lunahoomalu Oscar P. Cox ma ka noho a hoomakaia na hana me ka Himeni 8 L. H., ame ka pule a Rev. J. K. Paele.

Na ka Lunahoomalu I kauoha I ke kakauolelo e kaheaia na inoa, a e heluhelu ia no hoi ke moolelo o ka la hana ekahi.

Ma ke noi a Paalua D. Kellett e kapaia ke kahea inoa, a e hilinaiia hoi ka moolelo o keia Aha ma kona kakauolelo la, aponoia.

Hapaiia ka hoike a na komite kumau o ka Aha elike me ia I kohoia.

Na M. K. Benjamin I ka hoike a ke komite o na hoike papahelu, a aponoia me na hooponopono ma ke noi a Paalua D. Kellett.

Na Luna Nui 72; makuakane 306; makuahine, 629; opio-kane, 120; opio-wahine, 321; pokii-kane, 221; pokii-wahine, 324; Hebedoma I kulaia 255; Averike 241; na kumu 77; na Papa 67; baetizo, 12; na hoahanau komo I ka ekalesia 4; Na loaa $10,721.23; Na hoolilo $2,707.98; Koena waihona $8,013.35.

Na Sam K. Kahele I ka hoike a ke komite o na hoike elele, a aponoia.

Na Jas. Hopili I waiho mai I ka hoike a ke Komite o ke Kahu Kula Sabati Nui, a aponoia.

Na L. K. Kupau I ka hoike a ke Komite o na hana hou, Helu 3, penei:

Kawaiahao Okatoba 5, 1922. Mr. Oscar P. Cox Lunahoomalu amen a lala o kau aha:- Me ka mahalo:

Hoike hapa keia a kou Komite o na Hana Hou, penei:

1. 1-         Na ka Lunahoomalu o keia aha e hoomakaukau I na kumuhana haiolelo ame ka wae ana I ka poe haiolelo I kela ame keia kau e noho ai.
2. 2-         E hoonuiia na lala o ke Komite  pa’I, I elima.
3. 3-         E pa’iia ka papa kuhikuhi hana o keia aha.
4. 4-         Elua hoike a ka elele am eke Kahu Kula Sabati apana e hele mai ai I ka aha.
5. 5-         Komite Hoeueu.
6. 6-         Komite Papahana

N. K. POAI,

L. KUPAU,

S.K. KAMAIOPILI,

Ma ke noi, ua laweia ka hoike a noonoo pakahi.

Kumuhana- Na ka lunahoomalu o keia aha e hoomakaukau I na kumuhana haiolelo ame ka wae ana I ka poe haiolelo. Aponoia.

Kumuhana. 2- e hoonuiia na lala o ke komite I Elima.

Kumuhana 3- E pa’iia I papa kuhikuhi hana no keia aha, aponoia.

Kumuhana 4- Elua papahelu a ke Kahu Kula Sabati ame elele e hele mai ai I ka Aha. Aponoia.

Kumuhana 5- waihona Komite Hoeueu, hoeueu mai ke komite no ka uku ana aku o na Kula Sabati no ia waihona.

Kumuhana 6- Komite papahana. Aponoia.

Noho na Aha a hoolohe I ka haiolelo a ka poe I waeia no ka haiolelo ana maluna o ke kumuhana “Owau anei!”

Na ka elele o ke Kula Sabati o Kaneohe I wehe mua I na hana, Mrs. Maraea Coney, a na ka elele o ke Kula Sabati o Kaumakapili Mrs. Helen K. Kamaiopili ka helu elua, a na ka elele o ke Kula Sabati o Kawaihao ka helu ekolu, Mrs. Martha Hailele.

He maikai ka manao I hoakakaia e ka poe haiolelo, a I ka pau ana o ka lakou mau hoakaka maluna o ke kumuhana, “Owau anei!” ua kakoo mai ka lunahoomalu I na manao I haiolelo ia e ka poe I waeia, a pela no hoi me Rev. H. K. Poepoe, ma kona wehe maopopo ana ae I ke kumu o keia manao “Owau anei!”

Lulu no ka waihona o ka Aha, $4.

Na paalua D. Kellett he noi e kauohaia ke kakanolelo e haawi aku I hoomaikai na keia aha I ke Ekalesia o Kawaiahao aponoia.

HE HOOMAIKAI.

O mamkou o na lala o ka Ahahui Kula Sabati o na Mokupuni o Oahu, I noho ma ka luakini o Kwaiahao ma o ko makou kakauolelo la, ke haawi aku nei I na hoomaikai ana he nui, I ka Ekalesia o Kwaiahao ame kona Kula Sabati, am eke komite ola, no na hookipa maikaiia ana ma na mea e oluolu ai ke ola kino, ua ai a lawa, amen a hoomaikai he nui, a na ke Akua no e haawi mai I na hoomaikai ana I oi ae, a e hoopiha mai I ko oukou waihona me na hua maikai o ke aloha.

Me ka mahalo,

       JAS. H. S. KALEO,

Kakauolelo Ahahui Kula Sabati Mokupuni Oahu, Kawaiahao, Oct. 1922.

OLELO HOOLAHA.

Aole e ili mai maluna o’u ke ko’iko’I o ka uku ana I kekahi aie I hanaia e kuu wahine mare mahope aku o keia la, Nov. 2, 1922.

    JACOB KAUMIUMI,

6528-Nov. 2, 9, 16.

O ARNOLD KA MOHO MEIA E HOOPULA MAI NEI.

He manawa aku nei I hala ua hoopuaia ae ka inoa o ka Lunakiai Charles N. Arnold ma kea no oia ka moho no ke kulana Meia o ke aupuni kulanakauhele o Honolulu, e alualu  ana no ia kulana ma ka aoao Repubalika ma keia kau koho wae moho ae ma ka mahina o Mei o keia makahiki ae, a he pule a oi aku nei I hala ua hauwawa hou ia ae he lono e olelo ua hoopau ka o Mr. Arnold I kona manao e lilo I moho no ia kulana aole oia e holo ana no kona waeia mai, a no kia lono hope I hoike ae ai oia I kona manao ma ka Poaha o ka pule I hala.

“Aoleau I hoopau I ka’u manao holo oia mau ko’u inoa moho no ke kulana Meia,” wahi a Mr. Arnold. “I ka manawa kupono e hiki mai ana ia manawa au e waiho aku ai I ka’u palapala noi. Ua lohe mai au ma na lono lauahea ma-o a maanei ua hoopau au I ko’u manao alualu no ia kulana, aole au I ike I ka mea nana I hoopu-a ae ia manao, me he mea la na kekahi paha o na Demokarats.

“He mau mahina lehulehu no keia mamua o ka hoea ana mai o ka manawa no ka wae ana I moho, aka nae oiai ua hoakaka mua au I kou manao owau kekahi moho, ke makemake nei au e hoomaopopoia mai aole au I hoololi I ko’u manao, oia mau ka paa o ko’u manao no ka holo no ia kulana.”

Ma ka aoao o na Republika he malaelae ke alahele no Mr. Arnold oiai aohe moho e ae e holo ku-e ana iaia o ka na Demokarata wale no elika me ia I hoomaopopoia mawaena iho o ka pohai o na Repubilka, aka he mau mahina lehulehu no koe a hoea aku I ka pahuhopu.

Ma na mea I loheloheia a I hooiaioia o ka poe apau I lia no ke kulana Meia mawaena iho o na Republika I na manawa aku nei I hala ua hooholo lakou me ka lokahi e haawi I na kakoo ana ia Lunakiai Arnold ma keia wale no e lanakila ai ka moho a ka aoao Republika, ina no ka hukihuki e kauliilii ana ka ikaika a nawaliwali me ka maopopo ole ka lanakila o ka moho.

Ua hoomaopopo pu ia aole e alualu hou ana ka Meia mua John C. Lane I ke kulana Meia mamuli o kona hookohuia ana ae I Makai Kiekie a I lunapaahao no ka halepaahao Teritore, O Clarence L. Crabbe (Papai) kekahi I manaoia e alualu ana no keia kulana, aka nae, ma ka meai hoomaopopoia ua hole oia I kona holo no ia kulana a ua hooholo I kona manao e haawi I kana kakoo ana ia Lunakiai Arnold. O kekahi o na kanaka I manaoia e alualu ana no ke kulana Meia oia o Joel C. Cohen, aia oia I Amerika I nei manawa, eia nae ma ka mano o kekahi o kona mau hoaloha aole oia e hoolilo ana iaia I pohaku mamua o ko Lunakai Arnold alahele I mea e lilo ai ka Lunakiai Arnold kahua heihei I mea nona e oupe a e palaha ai a e lilo ole ai o Lunakiai Arnold I mea paa hae no ka aoao Republika ma ke koho baloka wae moho e hiki mai ana.

Ma na hiohiona e ikeia aku nei I keia manawa o ka Meia John H. Wilson, ka moho Demokarata wale ana no ka mea e holo ku-e mai ana ia Arnold me kekahi hoa paonioni ole ma ka aoao Republika, a ke hoolala ia mai nei no I nei manawa na liuliu a hoomakaukau ana I na lako no ke kaua kalaiaina no kona lanakila. Ma ka hoakaka a na hoaloha o Arnold he manaoio nui ko lakou aole o Mei e hiki mai ana aka, e loaa pu ana iaia he heluna kiekie loa o na baloka oi aku mamua o kona hoapaio a o keia, a malalo o ke Kanawai Wae Moho, ua like no ia me kona kohoia ana a puka me kona holo hou ole aku I ke kau koho laula iloko o Iune.

OLA MAU NO KA ONO O KE ONE O PO ʻIPU.

Ma ka la 11 o kela mahina, ua haawi ae la o Mr. ame Mrs. Kanani Mahu Keaw, he wahi paina luau piha makahiki, no ka laua moopuna; he nui na ono I hoomakaukauia e kona mau tutu, o ia iho keia mau kuhinia; puaa kalua kele, moa pulehu, I’a maka, opihi, wana, piipipi ua lawaluia, meaono, waimomona, ame kahi pikuana no hoi, ua ai a lawa ua iau a kena, I na kohi kelekele a ka puukolu.

Aohe hoopaapaa ana ia balala ma oiai ua hoi kela ame keia me kahi puolo, malaila pu ae keia poe hanohano o Po’ipu, kahi I lualai pu ai, me ka mea nona ka la, Mr. ame Mrs. M. Hamauku, Mr. ame Mrs. Sol. Naleielua, Mr. ame Mrs. Albert Akana, Mrs. J. S. Chandler, Mr. Kahukina Malakiali, Mrs. Geo. Brandt, malaila pu ae o Peter liilii ame kona mama kahi I (eat heavy ai) and work heavy, a hu ae la ka aka.

O kahi kaaka piha eu pu kekahi, malaila kahi i work heavy ai, a hoi aku la kela, ame keia no ko lakou mau home, ke kalokalo ae nei e hooloihi I na la o ka moopuna a kau I ka pua aneane, pela no hoi kona mau makua, ame kona mau tutu ia haawina hookahi.

Haupa iho la I na ono o ka pa kaua o kulina eleele, mai ka makapeni mai a ka hoaloha, he mea oiaia kau I hoakaka mai nei no Mr. John C. Lane, ka haku hou o ko oukou kakela, a makai kiekie hoi o ke Teritore o Hawaii, no keia wahi kaaka piha eu, ua kamaaina I kona mau ano, ua hele like, noho like, a paani like, oiai maua e huli ana I ka naauao, I ko maua mau la opio a manao au ina iho no kekahi iloko olaila kahi I noho ai, o Mr. Sam Pedro, oia auna hookahi.

Ua laki oukou I ko oukou mau makua maikai; aohe hoopaapaa ana nona, he kanaka na piha me ka naauao, he kilakila kona ano; he hiehie kona kulana, me ka ininisi holu malie, he heahea, he waipahe kona ano; kea no mau o ke kanaka u’I, pali ke kua mahina kea lo, he ike ia kana hoa kanaka, aohe kipa hewa o kona aloha I k ilio; a hoomanao ae la I keia wahi hooheno:

O wau mai kau, E hea mai ai, E hea I ke kanaka, E komo maloko, E hanai ai, A hewa ae e ka waha, Eia no ka uku la o ka leo.

Ua lawa kia mau wahi hunahuna meahou, a uwila hou aku no, ke uwe mai nei kuu wahi kumulaau puaa I ka eha o ka puu.

Ma ka Lunahooponopono ko’u mahalo nui, amen a keiki oniuhea kepau o kou papa pa’I ko’u Adieu.

O ia no a mau,

PETER KAMANO, SR.

HAINA NANE.

Aia la ka makani I Kauai,

He Lupua ko Wainiha,

He Pahelehala ko Nau,

He Limahuli ko Haena,

O ka wai Kuauhoe I ka pali,

O ka welelauo kela makani,

O ka welelau o keia makani,

Puili puahiohio, lele aw la aia la I kai,

E pue he ino, I nehinei ka la malie,

He ai no ko uka, he I’a no,

He kappa no, he malo no,

Holo auanei a ka moana,

Hoomanao ae I ke keiki aohe e hiki, law eke aumiki ke au-ka,

Huli mai I ka’u la ola.

E Mr. Lunahooponopono e Aloha oe:- E oluolu hoi oe, ina he wahi rumi kaawale kekahi, no’u ia rumi, no ka haina o ka nane a J. H. Kawelowai I hoopikaia ma ka la 18 o Sept., a penei kea no o ka nane: He inoa ko’u ua kaulana apuni kea o nei. Owau ka panepoo o na inoa apau, o ke ai nei penei:

Ua maheleia kuu inoa elua mahele. Ka mahele mua, aia au I na mokupuni apau, loa, ole au ia oe ilaila, e hoihoi iho no kaua I ke kino I kahi I ku ai ke aloha. E loaa ana no I ke kino. Kane. He ma’I pili I ke kino o ka wa opio.

Mahele elua, e loaa no au ma na pali hauliuli o ke Koolau. Owau ke kiai makalae o ia mau kakaipali, e nana ana I ke ko’a mokumoku o Heeia, a ua kamaaina ia mau wahi ia’u.

Haina. Ohe. O ka ohe kamakoi no keia e lawai’a I ai I ke poopaa ma na lae kahakai o na Koolau.

Ina e hoohuli ana mahele elua o kuu inoa, alaila loaa pono kuu inoa kaulana, apuni kea o nei. Haina piha. Kaneohe.

Ea, loaa pono aku la paha I ka pu nao a Perusia, a I halahu aku la ka pu kani alapina o ka palikapu o Keoua, ea, aohe no he eueu aku a koe, o kahi keiki o Waialua; ua hiki nae hoi hele ana I ka la o ko lealea.

Me na keiki hoonohohua ko’u anoai, a o kuu aloha nui pau ole, me ka Lunahooponopono.

Keena Oihana o Sua ke aloha,

Z. P. K. KAWAIKAUMAIKAMAKAOKAOPUA,

Ua halahu mai la ka poka o ka pu alapine, a ke keiki a ka Pali Kapu o Keoua, ua pakele aku la no kahi kolohe. Ea I nui kea ho hookolo hou ia ka meheu o ka eueu o o Puaena! – L. H.

HOPUA HE KEIKI HAWAII NO KA AIHUE.

Ma ka po o k aPoaono aku la I hala, I paa ae ai I ka hopuia he keiki hapa-Hawaii, e na Makaikiu Antone Louid ame Michael Swift, no ka hewa aihue, o ia kona aihue ana he mau konolima, me iwakalua-kumamalima dala.

O kahi o kela mau komo amen a dala o ka aihueia ana, maloko no ia o ka home o Mrs. Mrgaret Waldron, ma ke alanui Alakea, o kahi nae o ka laki, o ia no ka loaa hou ana o na komolima, I aihueia ai, a pela hoi me na dala, ma ka bila.

Ma ka olelo a na makikiu, ua kiolaia e kela keiki, he $20 me na komolima ma ke alanui, a he elima wale no ana dala I malama maloko o ka pakeke o kona lolewawae.

Ua loaa aku kela mau waiwai apau I kiolaia ai e kela keiki, I na makai ma ke alanui, a I ka wa hoi I huliia aku ai kona kino ma ka halewa’I I loaa aku ai ka bila o elima dala.

HAINA NANE.

Solomon ka noeau o ka makakila, a I olelooia, o ka papahi uwila paha, e holopapa nei puni na moku; Anoai no:- Aia no a nui ka eleu me ka mikimiki pu, alaila loaa ko ka ohua eepakeke wahi keena e hiolani iho ai, a hookahi mea nana aku a pae I kula e, he apaa e oolea ai na a-u.

Ea, eia hou no au imua ou e kuu Solomon, a o ka elua hoi o na kau amen a wa ma kea lo o Kaala me Konahuanui, a o na papu pale kahakai hoi a ke keiki o Waialua I kukulu, a I pa-ku mai nei mamua o ke alanhele o ua keiki la o ke Kakela, me kela manao no iloko o ua keiki la o Waialua, e huli wale no kela keiki o ke Kakela I kuu meahuna I ka maka o ke kuikele, apau na wahi niho ona I koe I ka helelei, aole e loaa kuu meahuna iaia, a no ka mea, he pali nihinihi ke alahele, he launania ke oioina.

Sua e ke keiki o Waikakalaua, a auhea mai no oe e ua hoaluhi nei, he make no’u I ka ponamaka o Haloa, ola aku ka hoi au I ke anakii, a I ole ia, I ka haaweawe, o oe ka hoi e balala ka’u mea aloha ke hala oe I keia pahuna ihe a Kauahoa Kameeui o Hanalei, manao a eke ola, aka I’a lele o ka moana, wali ma papaauwae o olua me Kamaoha.

 

The Jack and Jills, No. 3

Komo mai la o Jill me ka nanaina kunahihi, ua makemake oia e hoeni mai I ka hoolilo o ka hale, no ka mea, elike me kana I olelo ae ai, he nui na mea e ai e kuai aki ai no na pono hale. Nolaila I ka hele ana mai o Jack e hui pu me ia, hooholo iho la laua e kuai hoi o na mea e kauohaia aku ana e hanaia mai.

He mau puka laau Paina maloo maikai lakou, he mau aniani liilii u’I na puka aniani, a he oi ae no ka maikai maoli.

Ua lilo ka hoololi ana I like ole nui no na hoolilo o ka hoolako ana I ka halekuke.

Lewers & Cooke, Ltd.

169-177 Alanui Moi Hena.

 

Kahi Kupono E Malama Ai I Ke Dala

            Aneane loa I kela ame keia la, e hoike mau ae ana na Nupepa I ka nui o na dala I lilo mamuli o na hana aihue, powa, pauahi a I ole ia ma kekahi mau ano hemahema e ae paha.

            Aole anei he hiki ia o eke hoomaopopo, aole e hiki ke loaa keia mau kuia ina I hoahuia ia mau dala maloko o kekahi banako?

NO KEAHA KA HOOHENAHEAN ANA I KAU DALA?

            Ua makaukau mau keia Banako e hookipa mai ia oe a e malama I kau mau dala, me kona uku pu aku I ka ukupanee o 4 pakeneka no ka makahiki.

Chinese-American Bank

Kihi o na Alanui Moi ame Nuuanu             Honolulu, T.H.

E no’ono’o no ka Nohona o Keia Mua Aku

            Ua makaukau mau makou e hookipa mai ia oe ame kau mau hoahu liilii ma ko makou Hale Banako nei, no ka hoopakele ana ae ia oe ame kou ohana I ka hora o ka pilikia e hoea mai ana.

HE MEA NUI ANEI KE OLA IA OE?

Heaha ana na haawina e loaa ana ia oe ina e pau oe mai ka hana mai, a I ole, loa paha I ka ma’i?

E HOAHU I KAU DALA ME MAKOU.

He hookahi wale no dala no ka hoomaka ana. Eia ke hamama nei ko makou keena ma na ahiahi Poaono apau, mai ka hora 6:30 ahiki I ka 8:00.

The Liberty Bank of Honolulu, Ltd.

Kumupaa I Ukuia, $200,000.00 Huina Kaulele, $16,000.00

Kihi o na Alanui Maunakea ame Moi.

KELEPONA 1014.

Makemake Anei Oe I na Leo Mele Hou Loa?

Ua hiki ia makou ke loolawa I na Leo Mele Hawaii hou loa ma na

            PAPA LEO MELE A MA NA OWILI PEPA

Pepa Mele anei? Ina o ka mea hou loa, eia ia me makou.

O NA MEA PILI MEAKANI APAU NAU.

Hawaii Sales Co., Ltd.

Alanui Nuuanu, Kokoke I ke Alanui Moi.

 

O Na Hawaii

I makemake I ka pomaikai o ke Kanawai Hoopulapula o Molokai, e hoolako ia lakou iho no ka holomua ma ka loaa ana ia lakou o na Lako Mahiai me Hanai Holoholona ma keia hui kamaaina.

Ke malama nei makou I na Lako Hana Maikai Loa, pela hoi me ka PENA SHERVIN-WILLIAMS, ka mikini Umi waiu DE LEVAL amen a lako pili I ka home o na ano apau.

Maloko o ko makou Keena o na Lako Paani e loaa no he ahua o nap u liilii ame na raifela maikai.

E.O. Hall & Son, Ltd.