Ka Nupepa Kuokoa, Volume LXI, Number 44, 2 Nowemapa 1922 — Nui na Galani Okolehao i Paa Mai i na Makai Ma Kahi o ka Hanen a oi Aku Galani o ka Paa Ana i ka Hopuia HE KEPANI KA ONA NONA KELA WAIWAI Pakele Aku Kona Kaa Otomobile no ka Loaa Ana o ka Waiona i ka Hale [ARTICLE]

Nui na Galani Okolehao i Paa Mai i na Makai

Ma Kahi o ka Haneri a oi Aku Galani o ka Paa Ana i ka Hopuia

HE KEPANI KA ONA NONA KELA WAIWAI

Pakele Aku Kona Kaa Otomobile no ka Loaa Ana o ka Waiona i ka Hale

Hc Kepani kuʻai a malama wai ʻona no waho aʻe nei o ka ʻApana o Kcwalo nona ka inoa o Kiichi Inosaki ka i paʻa aʻe i ka hopu ʻia me kana mau galani lemuhao 104, a ma ka ʻolelo ʻia ina no ke kuʻai liʻiliʻi ʻia aku o ia mau galani lemuhao e loaʻa ana ma kahi o $520 ka waiwai ʻiʻo. Ma hope iki iho o ka hora 9 o ka po Sabati nei ka paʻa ʻana o ia Kepani i ka hopu ʻia, o na galani lemuhao i loaʻa aku ai i luna o ke kaʻa otomobile e ku ana ma loko o ka hale kaʻa ma ke kihi o na alanui Cummins a me Kawaiahaʻo, ma Kewalo. I ka manawa i hoʻea aku ai ke Kapena Makaʻi kiu McDuffie me kona mau kanaka i kela hale kaʻa ua paʻa ua hale kaʻa la i ka laka ʻia a e ku mai ana o Inosaki ma waho, a ma muli o ke kauoha ʻana aku a ka Makaʻi kiu McDuffie i wehe mai ai ʻo Inosaki i ka puka o ka hale kaʻa. I loko o na ʻomole aniani hoʻokahi galani ka lemuhao kahi i hoʻokomoʻia ai ua wahi ʻia a paʻa me ka nupepa, a ʻekolu mau galani o ia ʻano i loko o ke ʻeke huluhulu. Na kekahi paʻahao i hele pu ai me na makaʻi i lawe aʻe i ua mau galani lemuhao la i ke keʻena o ka makaʻi kiu. Ua paʻa mua no ka keia Kepani i ka hopu ʻia ʻelua pule i hala aku nei. He $250 ka bela i kau ʻia no Inosaki. Ma ke kakahiaka Poʻakahi nei i hoʻolohe ʻia ai kona hihia mamua o ka Luna kānāwai ʻO. P. Soares o ka ʻaha hoʻomalu. Pakele ke kaʻa otomobile kahi i loaʻa aku ai; na galani lemuhao ʻaʻole i lawe ʻia aʻe e na makaʻi ma muli o ka loaʻa ʻana aku i loko o ka hale kaʻa ʻaʻole ma luna o ke alanui, e like me ka hoʻakaka a ka Makaʻi kiu McDuffie. ʻAʻole ipu hao puhi rama a mau mea ʻe aʻe i ike ʻia aku ma kela hale kaʻa e hiki ai ke manao ʻia aku ma loko no o ia wahi i puhi ʻia ai, ma ka manaʻo o na makaʻi ua lawe ʻia aʻe ia mau galani i laila ma na manawa like ʻole, a mai laila aku e lawe ʻia aku ai i kekahi mau wahi ʻokoʻa aku.