Ka Nupepa Kuokoa, Volume LXI, Number 44, 2 Nowemapa 1922 — E HOOMANAO I KE KEIKIALII KALANIANAOLE [ARTICLE]

E HOOMANAO I KE KEIKIALII KALANIANAOLE

Me he mea la, aia iloko o kela ame keia makaainana koho haloka apuni keia teritore, na hoomanao aloha ana no ke Keikialii Kalanianaole, iloko o keia mau la hakoko kalaiaina e nee nei; ua hiki loa ia kakou ke nana aku. me he mea la, e kau okoa mai ana no kela mau hiona i kamaaina ia kakou, ma na wahi haiolelo apau, i kamaaina i kona mau wawae iloko o na makahiki he iwakalua, ana i paa mau ai i ke kulana elele lahui, me ka hanohano, a i haaheo mau ai no hoi kakou ma ona la. Ina oia pu kekahi me kakou iloko o keia mau la, ina ua uwalo aku oia imua o oukou e na mana koho, e koho oukou ia Senatoa John H. \\'ise, me ka lokahi, i panihakahaka ma kona makalua. Mai kona waha ponoi mai, oiai oia e waiho ana maluna o kona wahi moe, iloko o kona mau la hope ma kgi honua nei. ua hoike ae oia i kona manao hope loa, o Senato'a John H. Wise liookahi wale no ke kanaka kupono i elele i Wakinekona. Aole nae oia me kakou i keia la, e hiki ai iaia ke hooko i kela manao ona, aka eia ke Kamaliiwahine Kalanianaole, ke hooko nei i ka iini ame ka makemake o kana kane aloha; ka wahine kane-make i kipehiia aku me na olelo hoino ku i ka hoohaahaa e kekahi o na moho senatoa Demokarata e noi aku nei i ko eukou mau haloka e na Hawaii; e ae a!na no anei kakou e haawi aku i na kakoo ana i ke kanaka o kela ano? Ke manaoio nei ke Kuokoa, ma ka pahu haloka o ka la 7 o Novemaba ae nei, e haawi ai oukou i ka olelo hooholo kaulike loa, aole oukou me ke kanaka i hoolilo i ke Kamaliiwahine Kalanianaole i mea hoohaahaaia eia, mamuli wale mai no o ka hana kalaiaina. Ina he aloha ko kakou i ke Keikialii Kalanianaole, alaila e koho me na manao lokahi ia Senatoa John H. W r ise ma keia Poalua ae e iioea mai ana! :o: Pehea la na poola, ka poe i hooikaika iho nei mzf ke koho ana ia Norman K. Lyman i moho elele lahui Repubalika, ke ike mai i ka leka hamama a Mr. Thomas Punee e puka aku nei ma ke ano hoolaha ma keia pepa, no ka pili ole o ka hewa a lakou i hooili aku ai maluna o Senatoa John H. Wise? Ina he poe naauao lakou, alaila o k ahana pono ma ko lakou aoao, o ia no ke koho lokahi ana ia Senatoa John H. W r ise i elele, no ka mea ma o na hooikaika ,ana la a Senatoa Wise, i aeia mai ai e kaupale i ka lawelawe ana o na lahui e, i na hana o na uwapo, he pomaikai nui keia no, na-poola! Ina he oiaio na lohe i laweia mai i keia keena, eia ka lunanui 0 ka aina hanai holoholona o ka Parker Ranch ke haawi nei i na kokua ana, no ka lanakila o W r . P. Jarrett, i elele i Wakinekona, alaila aole he kumu e ae o ka haawiia ana mai o kela leokua ana, no ka hele a kau ka lia maeele, no ka hoea mai i ka la a oukou e na Hawaii, e kaili mai ai i na kaukani eka aina aupuni nunui, a kela hui hanai holoholona e paa mai nei i keia mau la, E koho me ka lokahi ia Senatoa John H. Wise, ma ona la auanei e pukaka ai. na hui hanai holoholona. e hoomakaleho mai nei, 1 na aina i manaoia e lilo ia oukou, malalo o ke kanawai hoopulapula. :o: O kela kumu piep?ele baloka, o ia ka hooneleia o na makaainana Amenka, na Pukiki ame na lahui e ae, i loaa ke kuleana makaainana Amerika, i ka loaa aku ia lakou o na aina hookuonoono, malalo o ke kanawai hookuonoono kahiko, mamuli la o keia kanawai hoopulapula. o kekahi kela o na kumu hoopunipuni a oiaio ole : no ka mea ke mau nei no ka mana o kela kanawai hookuonoono kahiko; a aole hoi he mau hoakaka ma kekahi ano, maloko o ke kanawai hoopulapula, e hoike ana no ia mea. Mai puni e na Hawaii i kela epa! :o.; Hu ka aka ia Mrs. Haaheo Atcherley! No ka hookekee i ka aoao Demokarata, no ke koho ole ana iaia a puka mamua, ma ke kau koho haloka kuikawa, a kakou i koho ai i ka Hon. H. A. Baldwin i elele lahui i Wakinekona; i lekei ae ai oia a komo iloko oka aoao Repubalika. I k'eia mau la iho nei nae, i oku ae ai kona poo, a oo hewa ae la. o W. P. Jarrett kana moho elele lahui e koho ana. Aohe waiwai o'na kumakaia o keia ano e noho iloko o ka aoao Repubalika, aka e "0-11 i ka maka o ka wauke o ia opiopio!" Eia ka Makai Nui Chas. Rose ma ke poo o na hana hooikaika kalaiaina, no na moho Demokarata i keia mau' la, aole no he hewa i ke Kuokoa ke hoomaoe ae, pehea la, e hoohanaia mai ana no paha ka mikini o ka oihana makai, no ka la koho haloka, elike me ka mea i ike mau ia ma na koho baloka, o na luna oihana kalana o kakou?