Ka Nupepa Kuokoa, Volume LXI, Number 44, 2 Nowemapa 1922 — MA KE KUMULAAU I MAOPOPO KONA HUA, A MA KE KUMULAAU I LIKE OLE AKU KONA HUA ME IA, MAHEA OE? [ARTICLE]

MA KE KUMULAAU I MAOPOPO KONA HUA, A MA KE KUMULAAU I LIKE OLE AKU KONA HUA ME IA, MAHEA OE?

Mr. Lunahooponopono o ko Kuokoa, Aloha kaua:—E ahonui liou mai ia'u, e hoomaoo liou aku i na kini ame na lau o kaua Hawaii, no kela ninau o kau ae la maluna. I kani ae la keia ninau, no ko'u lohe ana aku ia keiki loea kakaolelo o ko makou kaha, e keha ae ana no hoi i kana moho, o ka oi ka ia. He kumulaau hoi ka'u, ua hua, ua ai ia ka hua, a ua maopopo ke ano o kona hua, ame ka lepo kahi e ku ai ua kumulaau la, i oili mai ai leona ano, a maopopo lea ke ano o ua kumulaau la. He kumulaau no hoi ka ua laeula nei, ua hup, ua ai ia kona hua, a ua maopopo ke ano o kona hua, ame ka lepo kahi i ku ai ua kumulaau la, i oili mai ai kona ano, a maopopo lea ke ano o ua kumulaau la; o lee anoe nui ma keia mau kumulaau, he hua okoa ko kekahi mai kekahi ae. 0 ka ono o ka puu o ka lehulehu mai Hawaii a Niihau, he ono hoi e nuu iho ai a kena, a lawa ka makemake, ma ka la 7 o Novemaba ae nei, he ono kalaiaina. Ke ku mai nei hoi keia mau kumulaau hua like ole, a mahea ana la kakou e hopu aif Ua ike aku au i ke kumulaau a ua keiki ihupani nei, me kona mau lala no hoi i hele a luluu i kona mau hua. Hc nani i'o no; he ohelohelo a ka puu o ono ai. Hopu aku la au, a nana iho la, a ike iho la, o ka alualu owaho, he alualu kanawai. O kaā'o iho iloko, o na paii no ia o ka halepaahao o Kulina Eleele; a o na anoano liilii oloko loa, o na pio no ia' a ke kupueu Enekela. 1 ko'u ike ana o ke ano iho la ia o ka hua o ke kumulaau a ua hoa nei, holopani ae la ko'u puu ole ia'u ko nahu iho a moni aku. Holoholo aku la hoi au ma ko'u kihapai, nana aku la au, e luhe mai ana na lala o ka 'u kumulaau ua hele no hoi a lupea luluu me kona mau hua a ua helu no hoi a kapule. Lalau aku Ja au i kona hiia; maihi ae la i ka alualu owaho, a ike iho la au, ua like no kona alualu me ka hua o ke kumulaau a kuu hoa. O ka i 'o no nae oloko, o na ' pono no ia i loaa i kuu lahui; a ! o na anoano oloko, o na hua makeke ia i lulnia aku ma Hawaii nei a ma ke Kapitala o Wakinekona, e hiki mai ai no ka la, e kupu mai ai ua mau anoano la, a hua mai, elike no me ke kumulaau nona ua mau hua la. Ono no hoi ka puu, aohe he holopani ae! Eia no hoi ka olelo kaulana: Ma ka hua o ka laau e ikeia ai kona ano. Ua ikeia ae la ke ano o keia mau kumulaau, a o ke kumulaau hea la ka na kini, laū a mano, mai Hawaii a Niihau, e nuu iho ai ma ka la 7 o Novemaba ae n«i? Ke noi nei no au ia oukou, e nuu mai oukou \ k&'u, no ka mea ; o

ka'u ke kumulaau a ka Palapala Hemolele i olelo ai malaila e ola ai ka lahui kanaka, a o kekahi kumulaau iho, o ia no ke kumulaau a ia buke no i olelo ai i ke kumulaau e ikeia ai ka pono ame ka hewa; a o ke kumulaau no hoi keia nona ka hua a Ewa me Adamu i ai ai, a "Hewa ka ia a Umiamaka, He okea oloko." Nolaila, e o'u mau hoa'makaainana, ahiki mai hoi i ka la 7 o Novemaba, haupa ilio a lawa; nuu iho a kuhaiki, ka houpo; inu no hoi a kena ia Scnatoa John H. Wise, i Elele na kakou i Wakinekona; i pani hakahaka no ke •Keikialii Kala&ianaole i hele loa aku la: A no kona hoa paio hoi, Waiho malie iho i ke kai o ko haku, ia tomi, tomi tomi malie. Heiva ia la! Kon no a mau, BIMEON K. NAWAA,