Ka Nupepa Kuokoa, Volume LXI, Number 44, 2 November 1922 — UA KU MAI KA MOJAVE MALALO O KONA MAHU PONOI [ARTICLE]

UA KU MAI KA MOJAVE MALALO O KONA MAHU PONOI

Ua ku mai i keia awa ka moku kiai awa Amerika ka Mojave, i hoikeia mai ai i Honolulu nei ua pau kona aila iwaena moana oiai ia e holo mai ana no Honolulu mai ka Hikina mai, a i lioounaia aku ai hoi ka mokukolo Sunnarlin mai Puuloa aku e kii iaia a kolo mai i keia awa, ina no kona halawai me ka pilikia. Ma ke kakahiaka o ka Poakahi nei, iloko o kona kulana nani a e anapa ana hoi ke pena keokeo o kona mau aoao i ka la, malalo o ka hookele ana a ke Kapena H. G. Hamlet, ka lukanel.vcommander, a mahope mai ona ka mokukolo Sunnadin. I ka ike ana o ke Hamlet e pau ana ka aila o lta moku, ka lanahu e hiki ai i ka Mojavc ke holo, a he hana pono hoi ma kona aoao ka lawe ana i na keehinahana makaala a pau no ka pono o ia moku, ua kelekalapa ae la i Wakinekona a ua loaa ae ia lono i San Diego, a mai San Diego i hoikeia ae ai ma ke akea ka pilikia o ka Mojave, a ua hoea loa aku ia lono i Kapalakiko a hoikeia ae la i na luna aupuni ma Puuloa, o ia ke kumu i hoounaia aku ai ka mokukolo Sunnadin e kii ia moku a kolo mai ina no ka pau i'o o ka aila o ka Mojave. Ma ka hoakaka a ke Kapena Hamlet o ka hoike ana ae, aohe wniwai o ka holo ana aku o ka mokukolo a hui me ka Mojave, ina no ka i liolo aku ka mokukolo a ma kahi he haneri mile moana k'a m»o mai Honolulu aku ina no üb, hiki i ka Mojavc ke holo mai a loaa ia. Ma ka hoakaka pu a ke kapena ua hoike pu ia ae ka lono no ka aneane e pau ka aila o ka Mojave i na luna aupuni ma Puuloa elike me ka lono i hoikeia ae ai i Wakinekona. I ka halawai ana o na moku ua koloia mai ka Mojave no kekahi manawa. He moku kiai awa no keia i ku mua ianei a mahope iho i Alaska, a ma Siberia, lapana, Kina, a ma na kai o na Mokupuni Pilipine ame na awakumoku lehulehu like ole e ae. Maluna ona i' laweia ae ai o Mr. Houston, ka luna a ke aupuni ame kekahi poe e ae, a ma ka Hikina loa i haalele aku ai o Mr. Houston i keia moku a hoi mai la no Amenka maluna o kekahi mokuahi. E ku mau iho ana keia moku ma Hawaii nei apau ka hooilo ame ke kupulau a hoomaka aku e holo ma na wahi e ae 110 ke kiai ana i ka poe hoopae ma-lu i ka opiuma. O I kekahi keia o na moku kiai awa o ke ' ano hou loa i hoolakoia me na pu.